Nehemiya 2:6 - Luganuzi Luswanu Kuli Wanhu Wose 2002

⁶ Nayo mutemi lono yali yekaye hamonga no mugolece wakwe, wakendezwa no wulonje wangu, yakambuza yamanye nghusaka kutuluka nili na kanyhi nowuya nili, nane nghamulonjela.

Nehemiya 2:6 Referans Kwoze

Nehemiya 13:6

Na zizi lono zetumwaga, ane, nali nawuka ha Yelusalemi, ku soko mu mwaka we makumi madatu na nyejete, wa mu wuteme wakwe mutemi Alitashasita ku Babiloni, nali nojeye nimubitile kuko ku Babiloni, nghamuloloseze zo wujendelele, wono cali cina nawo u Yelusalemi. Nali neza ku kondya zizi, ne vilo lono vyali vyatelatela, hodu, mutemi yakawa kunghombola ho mbuye ku Yelusalemi.

Isaya 65:24

Nane nowa kuwapitula u wulombe wawo kuli'ne na lono wene wakali si nadumya wulombe wawo.

Nehemiya 5:14

Ale, mu myaka yikumi na myejete, yono nali mulongola wa mwi'tumbi lya Yuda. Ne vipango vyo mutemi Alitashasita, ku wulawa mu mwaka we makumi mejete sunga yakafisa myaka makumi madatu na myejete mu wuteme wakwe, ane hamonga ne wandugu zangu, sicalya ndigwa yono yali yinojeye nilye nha mulongola.

Isaya 58:12

Ne wanhu wenyu nhondo, ho wozenga kanyhi i matongo gono gali galekwa vilo vinji, wolozenga mucanyha ye misinji milongozi. Nanye baho nhondo, ho molomanyika nha vyono yo nyenye mono muganozeleze wupya majinji, no kuzinozeleza zinzila ze likaya, ho zisume kukoleka kanyhi.”

Nehemiya 2:4

Umutemi yakambuza yakatya, “Alo cicici cono wukusaka nghutendele?” Nghamulomba Mulungu wa ku wulanga.

Isaya 61:4

Kanyhi wologazenga ne makaya gono gali gakondya kuwa matongo.

Nehemiya 1:11

Wuhulicize lu wulombe wangu, no wulombe we wetumami wako wono wakogopile gwegwe. Wumotesaje 'gwe go Muwaha Mulungu zuwali, wumunoze mutemi yendezwe nane.” Mu vilo vivyo, ane nali nili mugawi we divayi wo mutemi.

Nehemiya 2:5

Hanyuma, nghawa kumulonjela mutemi nghatya, “Gwe Mutemi, hono wuwe wendezwe ne zinghani zangu na kanyhi hono yiwe yikukwendeza, wumhele na yono nghusaka, ale, wunghombole mbite ku yisi ya Yuda, kwi 'kaya lyono walezi wangu wazikwa, ho nghalizenje kanyhi, likaya lilyo.”

Danyeli 9:25

Holeka wuzimanyaje zizi, kanyhi wuzizuce, vyono ku wulawilila mu madaha lono u wulajilize wulalajilizwa, nha vyono Yelusalemi yizengwe kanyhi, sunga mu mapango gono kolokuziza u mulongola muwaha u muhagulwa wo Mulungu, yolowa yakondya kupuluta majuma mupunghati. Na Yelusalemi mu madaha gago, yolowa yakondya kuzengwa wupya, hamonga ne mabalabala gayo, yolowa yakondya kuzenjelwa sunga ne magomawakali gono gali vilungo. Nayo yolokondya kuzengwa mu majuma makumi mutandatu na nyejete. Ninga i vilo vivyo, vyolowa vilo vyo wugaye.