Mika 7:3 - Luganuzi Luswanu Kuli Wanhu Wose 2002

³ Wose wanghula muno ku wituma zo wavu. Wanhu wawaha hamonga ne mahakimu, wakulomba mafupo. Nayo u munhu muwaha yakuwalonjela zono yakuhila mu nhumbula yakwe nawo wawa kwilumbaniza nayo.

Mika 7:3 Referans Kwoze

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Amosi 5:12

Hambi nane nha manyile vyono wubi wenyu wukogofya hamonga ne masutya genyu vyono menji, gono muwituma. No kuwewonela wanhu we ling'ani. Mukubocela mafupo, no kwimila i ling'ani ye waciwa, yono wakuyituga mu mahakama.

Yelemiya 8:10

Holeka nane lu, noyisola migunda yawo, niwapele wanhu wanji, sole ne wacekulu zawo nawo, mhele walume wanji. Alu lanje, vyono wanhu wose i wawaha ne wadodo, wakujela kwitujila pesa mu zinzila zo wukoci. Sunga ne wawizi, hamonga ne wakohani, nawo nhavivyo du, wekalaga wakukonga-konga wanhu.

1 Wakolinto 4:5

Holeka mulece kuling'aniza lono vilo vikali si nafika, muzilekaje ziwe nhavivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, ku wulawa kuli Mulungu.

Matayo 26:15

yakawawuza yakutya, “Alu momhela cinhuci ho nimukombolelenyi Yesu?” Nawo wakamuwalila pesa makumi madatu,

Hoseya 4:18

Kolo wakung'wa divayi nyinji, wakwendezwa no wusenyha wawo, nawo wendile cevu si nhe lilumbo.

Ezekiyeli 22:27

Nawo i wetumami we selekali, wehwanile maminzi, gono gahawangaga zinimu zono gakondya kuziwulaga. Wakuwulaga wanhu, wene ho wagolipe.

Ezekiyeli 22:6

Ne walongola wose we Waisilayeli, nha weyitumbiye weneco vilungo vyawo, kanyhi wawulaji.

Yelemiya 3:5

Holeka si kosuma kwikala ne likuwo lyako nhondo zose, hamba kungholelwa likuwo cibitilila.’ Heya 'gwe Isilayeli, nhavivi vyo kulongaga, ninga akuno vyo wukwituma ne makani mabi du, nha vyono wukusaka gwegwe.”

Isaya 26:21

Hambi Muwaha Mulungu nha yakuza yakulawa ku wulanga ku wikalo wakwe, ho yawalipicize wanhu we yinze ku soko yo wubi wawo. No wuwulaji wose wono wetumwaga cinyele mono'nze, wose wololajilwa cagalanze. Ne yinze nayo, hamba si yolowahundika yaye wose wono wawulagwa.

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Zimbazi 17:23

Mahakimu wabi, wabocelaga mafupo cinyele, ho wazajilize nzila zo wuling'anizi.

Isaya 3:5

Nawo wanhu wolowa kwigaza munhu no muyagwe. I wadodo wolowabedegala wawaha, nawo wono wabedegaywe, hamba si wolowapela cogopo wono wena lilumbo.

Isaya 5:23

Na kanyhi so wulya mafupo wenyu, mukuwa kuwawopolela wanhu we masutya, no kuwemila ling'ani yawo i wanhu wono wasina masutya.

Isaya 32:7

No munhu mono yasina mahala, kawezaga munhu mubi, kanyhi yendile kwituma zimbi du, mwene yendile kupinya zo kuwongomeza waciwa ne zinghani zakwe zo wulambi, no kuwemila ho walece kunozezwa ling'ani.

Ezekiyeli 9:9

Ninga Mulungu yakamhitula yakatya, “I wanhu wa Isilayeli na Yuda, wetuma wubi muno. Hambi yisi yose nha yimemile wu wulaji, kanyhi wakondya kuyinjiza Yelusalemi mu wu wula cihuliko, wakondya kugabena malajilizo gangu. Kanyhi wakutya, ane no Muwaha Mulungu, nakondya kuyileka yisi yawo, na vyono ti, hamba si nghuziwona na zono wetumaga.

Ezekiyeli 22:12

Na wanji wa muli wanhu wako wakuwa kusolwa no kulipwa malipo, wawa kutumwa wabite wakawulaje munhu. Na wanji wakudaya ngomola so migawa yono wandugu zawo Waisilayeli wawakopile, hanyuma wawa kwigolifya muno so cambuzi cono cikulawa kuli wandugu zawo. Wene wakondya kusemwa'ne.” Vyo yakutya no Muwaha Mulungu.

Hoseya 7:3

Muwaha Mulungu yakutya, “Wanhu wamukonga mutemi ne wawaha wakwe, ko wuhile wawo wo wubi.

Mika 2:8

Nayo Muwaha Mulungu yakupitula yakutya, “Mukuwahoma wanhu wangu nha walugu. Lono wakulawa ku wulugu, wakuwuya ku zikaya, wakwihwesa vyono luno wapolile, ninga kumbe anye mukwihundika mu nzila, ho muwahizize i makoti gawo gono wavwalile mucanyha.

Mika 3:2

ninga 'lu 'nye muzisulile ziswanu, langa mwendile izimbi. Mukuyihinza nyhuli ye wanhu wangu akuno wali nyumi, no kuyitema nyama mu mafupa gawo.

Zimbazi 16:30

Wawalanjile wanhu wono wakusekanga, akuno wakunghonyeza ne meso, wakunyihweseza i zimbi.

Yelemiya 4:22

U Muwaha Mulungu yakutya nhavi, “Wanhu wangu walele muno muno, hambi nha si wamanyile 'ne. Wehwanile i wana wadodo wono wasina mahala, kanyhi wasina hamba wizuce bwete. Langa wene wasugu du ku wituma zimbi, ninga ku wituma ziswanu, kwawafutila.”

Ezekiyeli 34:21

Hambi nye nha mwazikoma zingholo zono zitamigwe, mukaziwinjila kutali ne litewa.