Mika 7:2 - Luganuzi Luswanu Kuli Wanhu Wose 2002

² Hasina munhu mwihuwilwa mono yasigaye mu'si, hamba munhu mono yali cihuliko hali Muwaha Mulungu. Munhu wo wose kalondolaga cilejeho ho yetume zo wuwulaji. Munhu wo wose kamupelembaga nduguye ho yamugwize.

Mika 7:2 Referans Kwoze

Zabuli 12:1

Ale, wucitaze, 'gwe go Muwaha Mulungu! Hambi wono wakogopile gwegwe nha wamalika, i wehuwilwa wose nha wakondya kwajililila lukulu.

Isaya 57:1

I wanhu waswanu wakufwa, hasina yunji mono yakwizuka hamba kuzicelelela zizo. Ninga kolo wafwa, howa hasina kanyhi wusungu wono wowatamisa.

Yelemiya 5:26

Ne wanhu wabi nawo wekalane du ne wanhu wangu, wekalaga wawatejeze, nhe wanhu wono watandazaga zinyavu zawo ho wawagwize nhe zindeje, ninga kumbe watandaze zinyavu zawo ho wagwize wanhu.

Isaya 59:7

Kanyhi anye mwikalaga mukwihwesa zimbi du nhondo zose, no kuhidimbala kuzituma. Hamba si mogopaga yaye ku wuwulaga i wanhu wono wasina masutya. Na hanhu ho hose hono mukubita, mulekaga matongo du no wuhodanjice wuwaha,

Zimbazi 1:11

Hono watye, “Ale cibitane cikamulondole munhu cimuwulaje! Cibitane cikawahome wanhu wono wasina masutya, wuwe nha wo mwidawalo wetu!

Yelemiya 16:16

U Muwaha Mulungu yakutya nhavi, “Ane nowatuma wanimula somba wenji muno, waze wawanimule wanhu wawa. Hanyuma yayo, niwaceme i wapelembi wenji, waze wawapelembe mu wulawa mu matunda gose, na mu vigongo, sunga na mu zimhango ze mabwe.

1 Samwili 24:11

Holeka agwe baba, wulanje ta, acino cimhembo cono nibate mu muwoko wangu co nicitemile mu mwenda wako! Nali nghuwulaje, ninga niwa kutema cimhembo cici du. Ne nghani yiyi, yo yokunoza wihuwile vyono ane sina lihweso hamba hadodo lyo kukubedegala, hamba kukutamisa yaye. Ninga agwe wukusepa ho wumbulaje, nane kumbe ho si nghusutizye hamba nghani yo yose.

Mika 3:10

Anye mono mukuzenga likaya lyo Mulungu Yelusalemi, mucanyha ye misinji yo wuwulaji no wuwula ling'ani.

I Cililo 4:18

Nawo walugu wetu, vyo wali wacilanjiliye du, hamba si casuma no kujenda-jenda ako na ako mu zinzila. Ne vilo vyetu vikawa vyamalika, no mudumo wetu wafika.

Yelemiya 5:16

Ne wasilikale walyo i waguma no wupinde, nha vitung'ati muno, wono wawulagaga wasina lusungu.

Zimbazi 12:6

Ne zinghani ze wanhu wabi, ziwulagaga. Ninga zinghani za we ling'ani, ziwaponyaga wono wakuzibocela.

Zabuli 57:6

Hambi i walugu nha wanhejile no lwavu, wangwize, nane nghuzizidika muno so wukalale. Wahimbiye likombo mu nzila, ninga hamba nhavivyo, weneco wo wakugwila mumo.

1 Samwili 26:20

Holeka nghukunena, wulece kundeceleza ho mbulajilwe mu yisi yo wujenzi, kutali no Muwaha Mulungu. Alo ho socici, u mutemi we Waisilayeli yaze yapiligaye, ho yambulaje ane mono ninha cikukupani cimonga du? Hamba nhawule yamhelembe 'ne, nhe ndeje ya mu mbago?”

Zabuli 10:9

kawazumhilaga nhinicizo ku wulawa mumo, mu wihundiko wakwe nha simba. Katejelaga ho yawebate waciwa, nayo kawagwizaga ko mutego wakwe, kawa kuwasola.

Isaya 9:19

Alu, na vyono Muwaha Mulungu we mihanga yakoligwe likuwo, holeka no wulipicize wakwe wukutakamiza nha moto mu yisi yose, no kuwongomeza wanhu. No munhu wo wose kokwimanyilila mweneco.

Yelemiya 8:6

Ane nghuwa hulicize du, ninga hamba si mulongaga ze mbeka yaye. Kanyhi muli nyenye, hasina hamba monga mono yakulajila vyono yakunena ku soko yo wubi wakwe ng'o. Hamba hasina mono yewuza mweneco yatye, ‘Mwene wubi wangu cicici?’ Ninga wanhu wose, munhu yatyatizye na nzila yakwe du, wehwanile nhe zifwalasi zono zikumanyhila ku wulugu.

Ezekiyeli 22:12

Na wanji wa muli wanhu wako wakuwa kusolwa no kulipwa malipo, wawa kutumwa wabite wakawulaje munhu. Na wanji wakudaya ngomola so migawa yono wandugu zawo Waisilayeli wawakopile, hanyuma wawa kwigolifya muno so cambuzi cono cikulawa kuli wandugu zawo. Wene wakondya kusemwa'ne.” Vyo yakutya no Muwaha Mulungu.

Ezekiyeli 24:6

Azi kanyhi zo Muwaha Mulungu yakulonga yakutya, “Woyi hee! Gwe go likaya lyo wuwulaji! Hambi nha wehwana sufuliya yono yina nghangaga, yono si yosumika hamba ku wukwemwe yaye. Ale, wunimule mhonje monga monga ya nyama mugati yayo, sunga halece kusigala hamba mhonje monga yaye.

Hoseya 5:1

“Ale, muhulicize zizi, anye mo wakuhani! Muhulicize nyo Waisilayeli! Muteje makutu genyu anye nyo we nyumba yo mutemi! Hambi nha munojeye nyenye mulavye ning'aniza ye mbeka. Ninga alu, wuling'anizwe womuwuyilenyi nyenye nyo weneco. Hambi nha mweza muli mutego ku Mizipa, no lwavu lono lugoloywe mwi'tunda lya Taboli.

Mika 2:8

Nayo Muwaha Mulungu yakupitula yakutya, “Mukuwahoma wanhu wangu nha walugu. Lono wakulawa ku wulugu, wakuwuya ku zikaya, wakwihwesa vyono luno wapolile, ninga kumbe anye mukwihundika mu nzila, ho muwahizize i makoti gawo gono wavwalile mucanyha.

Mika 3:2

ninga 'lu 'nye muzisulile ziswanu, langa mwendile izimbi. Mukuyihinza nyhuli ye wanhu wangu akuno wali nyumi, no kuyitema nyama mu mafupa gawo.

Zakaliya 11:6

U Muwaha Mulungu yakatya, “Sinomuwonela lusungu kanyhi munhu wo wose mu yisi yiyi. Nene no Muwaha Mulungu, nowawika wanhu wose mu miwoko ye walongola wawo, ne walongola wawo wayihome yisi yiyi, nane hamba sinowaponya mu miwoko yawo yaye.”

Zabuli 12:2

Wose welonjelaga nghani za wulambi du, ne zinghani zawo zose za wiyendezi du kanyhi za wukoci.

Isaya 3:5

Nawo wanhu wolowa kwigaza munhu no muyagwe. I wadodo wolowabedegala wawaha, nawo wono wabedegaywe, hamba si wolowapela cogopo wono wena lilumbo.

Hoseya 6:9

Ne wakohani wenha litewa lye wahizi wono watejeye munhu wamwibate. Wakwituma zo wuwulaji, sunga ko ku hanhu hono helile ku Shekemu. Kanyhi wakwituma wubi wuwo ne nyono du.

Metumo ge Watumwa 24:9

Iwayahudi nawo wakazilumbiliza zizo wakutya, “Heya vyo zinha.”