Mika 3:2 - Luganuzi Luswanu Kuli Wanhu Wose 2002

² ninga 'lu 'nye muzisulile ziswanu, langa mwendile izimbi. Mukuyihinza nyhuli ye wanhu wangu akuno wali nyumi, no kuyitema nyama mu mafupa gawo.

Mika 3:2 Referans Kwoze

Ezekiyeli 22:27

Nawo i wetumami we selekali, wehwanile maminzi, gono gahawangaga zinimu zono gakondya kuziwulaga. Wakuwulaga wanhu, wene ho wagolipe.

Zimbazi 28:4

Na hono wuwe si kuwucelelelaga wulajilize, nagwe wehwana i wanhu wabi. Ninga hono wuwe wukuwutyatya wulajilize, si kohoswa yaye,

Zabuli 53:4

Alu Mulungu nayo yakutya, “Mwene wawo wono wakwituma makani mabi, alo wasina wizuce lo? Wono wakuwahiziza wanhu wangu, hamba si wakuhemba ane yaye!”

Walumi 12:9

U wendo wenyu, wulece kuwa na wukonji wo wose. Muzisulaje izimbi, muzinamatilaje iziswanu.

Isaya 3:15

“Ninga hamba si yili ling'ani kuli'nye, ho muwabanghanize wanhu wangu ko kuwewonela waciwa. Ane yo nene Muwaha Mulungu u Mudaha vyose, u Mulungu we mihanga yo nizilonjile zizi.”

2 Zinghomo 19:2

Nayo muwizi Yehu u mwana wa Hanani, yakawa kubita kumuhinjiliza mutemi, yakamulonjela yakatya, “Alu wukwihwesa, vyono viswanu kuwataza i wabi, no kuwenda wono wamusulile Muwaha Mulungu? Holeka zizo zono witumile zo zilecile Muwaha Mulungu kakukolelwa likuwo.

1 Watemi 21:20

Nayo Ahabu yali yeza kumuwona Eliya yakuza, yakamutya, “Alu langa izuwali, wanyibata go mulugu wangu.” Nayo Eliya yakamutya, “Heya nakwibata. Hambi nha kwiyendela gwegwe go mweneco kwituma zimbi hali Muwaha Mulungu.

2 Timoteyo 3:3

wolokuza wanhu wono wolowa wasina wendo mu zinhumbula zawo, wono wasina lusungu, wasonjezi, wabuguci, kanyhi wakali, nawo wocisula cinhu co cose i ciswanu,

Walumi 1:32

Ninga wene kuno ho wamanyile i lilajilizo lyo Mulungu nha vyono, iwanhu wono wakwituma i makani gono genha gago, yiwanojeye kufwa. Hamba nhavivyo, si vyono wakwituma makani gago weneco du, ninga wakwendezwa kanyhi sunga na wono wetumaga imakani gago.

Yohana 18:40

Baho wakazoza kanyhi wakutya, “Ng'o si yuyo, langa Balaba.” Nayo Balaba yali muhizi na muwulaji.

Yohana 7:7

Sunga ne wanhu wa mononze, si wosuma kumusulenyi anye, langa ane wasulile, ku soko nghuwalonjela, vyono i metumo gawo mabi.

Luka 19:14

Ninga wanya wusi wayagwe wakamusula, holeka wakatuma watumwa, wabite wakatye. ‘Si cikusaka yuyu yateme muli sese.’

Zefaniya 3:3

Ne wawaha wayo wabuguci, wehwanile zisimba zono zikukoloma, ne Wahakimu wayo, nawo wehwanile maminzi ge camihe gono gadabuce, gono si gasigazaga hamba cinji, lono wela hakali mitondo.

Ezekiyeli 34:3

Hambi nha mung'wezaga mele, no kuvwala i myenda yo wukunzeje we zingholo, akuno mukuziwulaga no kuzilya zingholo zono zijinile.

Zabuli 15:4

Kanyhi munhu yuyu kawabedegalaga wose, wono Mulungu yakuwalema, langa kawapelaga cogopo wose wono, wamogopilo Mulungu. Nayo kawufisilizaga wihuwizo wakwe, hamba wuwe wukumuletela wambuce.

Isaya 57:12

Anye mukwihwesa nha vyono, zono mukwituma zo swanu, ninga nozigubula calinze ze metumo genyu, ne vihwani vyenyu hamba si vyosuma kumutazenyi yaye.

Ezekiyeli 11:7

“Holeka nane no Muwaha Mulungu wenyu, nghumulonjelenyi nghutya nhavi. Mbeka likaya lili, lyaweza nyungu nhelece mu moto, ne wanhu wono wowa yo nyama yono yotelekwa mumo, yo yiyo mivimba ye wanhu wono mwakondya kuwawulaga! Ninga nanye lu, hamba si mokwikala mwi'kaya lili yaye, langa nomutajenyi kunze ye likaya!

Ezekiyeli 24:4

Wuyitajile mugati yayo zimhonje ziswanu ze zinyama, zinyama ze viwoko ne vima, wutajilize hamonga ne zinyama ziswanu zono wuhaguye, zono zihangahanjile ne mafupa.

Mika 2:8

Nayo Muwaha Mulungu yakupitula yakutya, “Mukuwahoma wanhu wangu nha walugu. Lono wakulawa ku wulugu, wakuwuya ku zikaya, wakwihwesa vyono luno wapolile, ninga kumbe anye mukwihundika mu nzila, ho muwahizize i makoti gawo gono wavwalile mucanyha.

Mika 7:2

Hasina munhu mwihuwilwa mono yasigaye mu'si, hamba munhu mono yali cihuliko hali Muwaha Mulungu. Munhu wo wose kalondolaga cilejeho ho yetume zo wuwulaji. Munhu wo wose kamupelembaga nduguye ho yamugwize.

Mika 7:3

Wose wanghula muno ku wituma zo wavu. Wanhu wawaha hamonga ne mahakimu, wakulomba mafupo. Nayo u munhu muwaha yakuwalonjela zono yakuhila mu nhumbula yakwe nawo wawa kwilumbaniza nayo.

Isaya 5:20

Woyi hee, kuli'nye! Hambi kuli'nye ziswanu nha zo 'mbi, nazo zimbi nha zo swanu kuli 'nye. Muwunozaga wutitu, wuwa yo misi kuli'nye, nayo misi, ciwa co cilo kuli'nye. Na kanyhi munozaga yono nghali, kuli'nye yiwa yo yili muzinzi, na yono yili muzinzi, kuli'nye yiwa yo nghali,

Amosi 4:1

Hulicizenyi zizi, anye nyo wacekulu wa Samaliya, mono mujinaga nhe zing'ombe za Bashani, mono mukuwatendela vibi wono wasoceye, no kuwewonela i waciwa, no kusaka walume zenyu wamupelenyi wujimbi we mawala gose mung'we.

Amosi 5:15

Musule zimbi, mwende ziswanu no kwituma ze ling'ani mu mahakama. Nha lunji Muwaha Mulungu we mihanga kowa no lusungu kuli wanhu we likungugo lili, wono wakali wasigaye womi.