Mika 1:3 - Luganuzi Luswanu Kuli Wanhu Wose 2002

³ Hambi Muwaha Mulungu nha yakuza yakulawilila hono helile hakwe, kokuza hasi, kanyhi kojenda mu vizuli vye matunda.

Mika 1:3 Referans Kwoze

Amosi 4:13

Mulungu yo yanoza matunda no kuwumba mbeho. Mwene kaganozaga mahweso gakwe, gamanyice kuli munhu. Kakawanizaga misi ciwa cilo, no kuhakanyaga hono henuce mu yinze. Ali lyo litagwa lyakwe, Muwaha Mulungu mono yali vilungo!

Isaya 26:21

Hambi Muwaha Mulungu nha yakuza yakulawa ku wulanga ku wikalo wakwe, ho yawalipicize wanhu we yinze ku soko yo wubi wawo. No wuwulaji wose wono wetumwaga cinyele mono'nze, wose wololajilwa cagalanze. Ne yinze nayo, hamba si yolowahundika yaye wose wono wawulagwa.

Wukumbucize wo Wulajilize 32:13

Muwaha Mulungu yakawapela i hanhu hose hono henuce, weneco wahateme, wakalya malimwa gose ga mu migunda. Wakabakula no wuci mu matalawe, wakalya, ne mafuta gakalawa mwi'bwe.

Habakuki 3:19

U Muwaha Mulungu yo kamhelaga 'ne vilungo. Kayinozaga migulu yangu yiwa nhe migulu ye nzela, kanyhi kamhelaga vilungo vyo kukolela mu canyha ye matunda.

Zabuli 115:3

Mulungu wetu'se, yali ku wulanga, nayo mwene ketumaga zose, nha vyono yendile mweneco.

Ezekiyeli 3:12

Hobaho u muhe wo Mulungu wukanyinula, nane nghahulika kunyuma yangu, wukolome wa yizi yiwaha likulonga likutya. “Nhojo yo Muwaha Mulungu, yilumbizwe ku wulanga kucanyha!”

Isaya 25:10

Muwaha Mulungu kolicitila litunda lya Sayuni, ninga i wanhu wa Mowabu, wokanyanjizwa ho hasi, nha vyono wagakanyanjilaga mabeleje gawa suji.

Jobu 40:12

Heya wuwalanje, wuwagwise hasi, no kuwakanyanjila iwabi kono wekaye.

Wukumbucize wo Wulajilize 33:29

Alu muli wamoti 'nye nyo Isilayeli, hambi nani kanyhi mono yehwanile nyenye, nyo nghungugo yono yakondya kuponywa no Muwaha Mulungu. Nayo Muwaha Mulungu, yo ngula yenyu no mumaje wenyu, ho yamudimenyi no kumupelenyi wusume. Iwalugu wenyu womuzizenyi wamulombenyi wakusaka muwawonele lusungu. Nanye baho ho mowakanyanjilila lukulu ho hasi.

Zakaliya 14:4

Baho ho kolokwinuka no kwima mwi'tunda lye Mizeyituni ku lubavu lwa kucilima ya Yelusalemi. Baho litunda lye Mizeyituni, ho lyolokwigawa hejete, ku wulawilila kucilima ko ku mwezi. Ne lilolo yiwaha lyolowa hagati yayo. Ne nusu ye litunda, lyolowa likwiwila lidomile ku lubavu lwa kusumuka, ne nusu yayo nayo yolowa kwiwila yidomile lubavu lwa kutakama.

Amosi 9:5

Muwaha Mulungu we mihanga kayipamizaga yisi, nayo yinze yiwa kucicima, na wose wono wekaye mumo wolila. Ne yinze yose yolokwibuka no kug'welela kotya nhe likolongo lye Nile ku Misili.