Matayo 1:16 - Luganuzi Luswanu Kuli Wanhu Wose 2002

¹⁶ Yakobo yakamulela Yusufu, nayo Yusufu yo yali mulume wa Malyamu u nyina wa Yesu mono kacemwaga Kilisito.

I CILAGANE CIPYA 1991

¹⁶ Yakobo yakamulela Yusufu, nayo Yusufu yo yali mulume wa Malyamu u nyina wa Yesu mono kacemagwa Kilisito.

Matayo 1:16 Referans Kwoze

Matayo 27:17

Holeka iwanhu wali weza kwikongholela hamonga, Pilato yakawawuza, yakatya, “Alu mukusaka nimuwopolelenyi wa hayi, muli wawa iwejete, Balaba, hamba Yesu mono kacemwaga Kilisito?”

Yohana 4:25

Nayo u mucekulu yakamutya, “Manyile vyono Kilisito yakuza, na kolo yakuza mwene, kocilonjela zose.”

Luka 3:23

Yesu mweneco lono yamulila u witumami wakwe calinze, yali yaficile nha myaka makumi madatu, ne wanhu waganicizaga vyono mwene yo mwana wa Yusufu mwana wa Heli.

Matayo 27:22

Nayo Pilato yakawatya, “Alu ho nimunoze nhawule Yesu mono kacemwaga Kilisito?” Wose wakatya, “Yatumbikwe mu musalaba!”

Luka 4:22

Wose wakendezwa nayo, wakezina so zinghani ziswanu zono yalonga, wakatya, “Yuyu si yo mwana wa Yusufu?”

Luka 2:48

Nawo i walezi wakwe waza kumwagana, wakezina. Malyamu u nyina, yakamutya, “Mwanangu, alo so cici kucitendela nhavi? Langa ta, ane no sogo, cali kukulondola cikalaye.”

Luka 2:7

Yakasawa u mwanagwe we cilume mwana mulongozi, yakamuvwika myenda yo wugalika, yakamuwika mu ciya co wulilo we mitugo, vyono siwatuga cilejeho mu nyumba ye wajenzi.

Luka 1:27

Ko muhinza mono yacemwaga Malyamu, mono yali mubanywe na Yusufu we mhuga ya Dawudi.

Maluko 6:3

Alu ma, si yo yuyu muselemala, umwana we cilume wa Malyamu u muwahawe wa Yakobo, na Yose na Yuda na Simoni? Ne walumbuze ma, si wali baha hono hetu? Holeka wakatuga mahwele nayo.”

Matayo 2:13

Iwajenzi wawalya waza kuwuka, hobaho Malayika wo Muwaha Mulungu yakamulawila Yusufu mu ndoto, yakamutya, “Ale, winuce! Wumusolaje mwana, hamonga no nyina, mutizize ku Misili. Mukekalaje kuko du sunga kolo neza kukulonjela, hambi Helode nha yakuhila kumuwulaga u mwana yuyu.”

Matayo 1:15

Eliwudi nayo yakamulela Eliyeza, Eliyeza yakamulela Matani, nayo Matani yakamulela Yakobo.

Matayo 16:16

Simoni Petelo yakapitula yakatya, “Agwe yo gwegwe Kilisito u Mwana wo Mulungu mumi.”

Matayo 16:20

Hanyuma yakawalemeza i wejizwa wakwe vyono walecele lukulu kumulonjela munhu wo wose vyono u mwene yo Kilisito.