Maluko 9:3 - Luganuzi Luswanu Kuli Wanhu Wose 2002

³ ne vivwalo vyakwe vikang'alala, vikawa vizelu swee, hamba musina munhu wo wose mononze yose, mono yali yasumile kuvyeza viwe vizelu swee nha vivilya.

I CILAGANE CIPYA 1991

³ ne vivwalo vyakwe vikangʼalala, vikawa vizelu swe, hamba musina munhu wo wose mononze yose mono yali yasumile kuvyeza viwe vizelu swe nha vivilya.

Maluko 9:3 Referans Kwoze

Matayo 28:3

No wulangwe wakwe, yejelaga yenha limuli, ne vivwalo vyakwe, vyali vizelu swee, kotya seluji.

Danyeli 7:9

Na lono nali nghali nanjile, nghawona magoda go wutemi gakuwikwa hanhu hayo. Na mono kekalaga mumi cibitilila, yakekala mwi'goda limonga lya muli magoda gago. Nayo yali yavwalile myenda mizelu swee, kotya seluji. Ne zimvwili zakwe, zali zinha wukunzeje wa ngholo, wuswanu muno. Ne ligoda lyakwe, lyali yinozezwe maguludumu ga moto, gang'alalaga nha moto.

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swee.

Wugubule 7:9

Hanyuma naza kulanga, nghawona yipuga yiwaha lye wanhu si wakuwala, wanhu we zimbeyu zose, ne zinghungugo zose, na we zinonga zose. Nawo wali wemile he'goda lyo wutemi, na hali Mwana we ngholo, akuno wavwalile vivwalo vizelu, kanyhi webate ne manhambi ge mitende mu mawoko gawo.

Metumo ge Watumwa 10:30

Kolineliyo yakatya, “Alu vyapuluta vilo vidatu vyono mwipango kotya lili, lye saa tisa ne misi, nalombaga mu nyumba yangu, kumbe kwa nhinicizo du, munhu mono yali yavwalile vivwalo vyono vikung'alala, yakema hali nene,

Isaya 1:18

Alu Muwaha Mulungu yakutya nhavi, “Ale, muze cilongane cizimale. Vyono hamba masutya genyu gawe madunghu ninga ane nomukwemenyi muwe wazelu swee nha seluji. Hamba gawe madunghu kasu, gowa mazelu swee, nho wukunzeje we ngholo nzelu.

Zabuli 68:14

U Mulungu Mudaha Vyose, yali vilungo, yali yeza kukondya kuweyagaza watemi, mwi'tunda lya Salimoni, ne seluji nayo yikawa kutonya mwi'tunda lilyo.

Zabuli 51:7

Wumbusize wubi, niwe nyelile, wunghweme, ne Hisopo niwe muzelu swee.

Wugubule 19:18

Ale, nzonyi muzilye zi nyama ze miwili ye watemi, na ze miwili ye wasilikale wawaha, ne ze miwili ye wanhu we vilungo, na ze miwili ye zifwalasi hamonga na wono wazipandaga, nzonyi mulye nyama ye miwili ye wanhu wose, i wanhu i walelele ne wawanda, i wadodo ne wawaha.”

Maluko 9:4

Ale, Eliya na Musa nawo wakaza wakalongana na Yesu.

Luka 9:29

Na lono yalombaga, futa yo wusu wakwe yikapitula, ne vivwalo vyakwe vikawa vizelu, vikung'alala.