Maluko 1:14 - Luganuzi Luswanu Kuli Wanhu Wose 2002

¹⁴ Nayo Yohana yaza kuwa yadindilwa mu jela, Yesu yakabita ku Galilaya, yakaganula u Luganuzi Luswanu lo Mulungu, yakutya,

I CILAGANE CIPYA 1991

¹⁴ Nayo Yohana yaza kuwa yadindilwa mujela, Yesu yakabita ku Galilaya, yakaganula u Luganuzi Luswanu lo Mulungu, yakutya,

Maluko 1:14 Referans Kwoze

Matayo 4:23

Yesu yapilimaga mose mu yisi ya Galilaya, yakwijiza mu matang'anilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Matayo 4:12

Nayo Yesu yali yeza kuhulika vyono, Yohana yadindilwa mu jela, u mwene, yakawa kubita ku Galilaya.

Waefeso 2:17

Hambi Kilisito nha yaza, yakaganula u Luganuzi Luswanu lo mulamu kuli nyenye mo wanhu mono si muli Wayahudi mono mwali muli kutali no Mulungu, sunga na kuli Wayahudi wono wali wali behi no Mulungu.

Luka 8:1

Hanyuma ya zizo, Yesu yakakola mu makaya na mu vitumbi, yakulonga no kuganula Luganuzi Luswanu lo wutemi wo Mulungu. Na awalya we likumi na wejete wali wali hamonga nayo.

Metumo ge Watumwa 28:23

Hodu, wakawa kupanga nayo lizuwa lyo kwitang'anila, na wenji muno wakamubitila ku nyumba yakwe yono yekalaga. Nayo Pawulo ku wulawa hakali mitondo sunga lyoswa, yakawa yakuwasimuliziza no kuwaloloseza zo Wutemi wo Mulungu, yakajela muno kuwakwega ho walumbe izinghani za Yesu, yakwitumamila Wulajilize wa Musa ne mandiko ge wawizi.

Matayo 9:35

Nayo Yesu yakagajendela i makaya gose ne vitumbi, yakawa kwijiza mu matang'anilo gawo go wuhembelo no kuganula u Luganuzi Luswanu lo Wutemi wo Mulungu, hamonga no kuponya imatamwa gose go wusocele we mawala gose.

Metumo ge Watumwa 20:25

“Sunga na lulu, ane manyile vyono nyenye wose, mono nakola ako na ako mono mwenyu, nghuganula zo wutemi wo Mulungu. Si molombona wusu wangu kanyhi.

Matayo 14:2

Yakawa kuwatya i wetumami wakwe, “U munhu yuyu, yo Yohana u Mubaputizi, kazuka mu wafu, holeka i vilungo vye metumo go wizine vikwitumilwa muli mwene.”

Luka 3:20

Na Helode yakonjeleza wubi wakwe so kumudindila Yohana mu jela.

Matayo 11:2

Nayo Yohana mubaputizi, yakazihulika ze metumo ga Yesu lono yali yali mu jela. Holeka yakawa kuwatuma i wejizwa wakwe,

Matayo 4:17

Na ku wulawa baho, Yesu yakamula kuganula no kutya, “Ale, munene, hambi u wutemi wa ku wulanga nha wasejelela!”

Walumi 1:1

Baluwa yiyi, yikulawa kuli nene Pawulo, u mwitumami wa Yesu Kilisito, no mutumwa mono nasiwanulwa, no kucemwa, ku soko yo kuluganula u Luganuzi Luswanu lo Mulungu.