Luka 23:3 - Luganuzi Luswanu Kuli Wanhu Wose 2002

³ Pilato yakamuwuza Yesu yakutya, “Ati, yo gwegwe Mutemi we Wayahudi?” Yesu yakamupitula, yakatya, “Kulonga he gwegwe.”

I CILAGANE CIPYA 1991

³ Pilato yakamuwuza Yesu yakutya, “Ati, yo gwegwe Mutemi we Wayahudi?” Yesu yakamupitula, yakatya, “Kulonga he gwegwe.”

Luka 23:3 Referans Kwoze

1 Timoteyo 6:13

Hali Mulungu mono kavipelaga i vinhu vyose wumi, na hali Yesu Kilisito mono yayihomelela no kuyivumila imbeka hali Pontiyo Pilato,

Yohana 1:49

Hobaho Nataneli yakamutya, “Mwijizi, yo gwegwe Mwana wo Mulungu, yo gwegwe Mutemi wa Isilayeli.”

Luka 22:70

Baho wose wakatya, “Alu wo wutya agwe wuli Mwana wo Mulungu hongo?” Nayo yakawatya, “Nyenye mukulonga vyono, he yo nene.”

Maluko 15:2

Nayo Pilato yakamuwuza Yesu, yakutya, “Alu yo gwegwe u Mutemi we Wayahudi?” Nayo Yesu yakatya, “Nha kulonga gwegwe.”

Yohana 19:3

Wakawa kumuziza hamwande yakwe, wakutya, “Lamucenyi, Mutemi we Wayahudi! Wakamutowa makofi.”

Luka 23:38

Hacanyha yakwe wakawika Mandiko gono gakutya “Ayu yo Mutemi we Wayahudi.”

Maluko 15:32

Ati mwene yo Kilisito, u Mutemi wa Isilayeli! Ale, lu ta, yatime mu musalaba ho ciwone no kwihuwila.” Sunga ne wanhu wawalya wono watumbikwa mu musalaba hamonga nayo, nawo wakamutovula.

Maluko 15:18

Wakawa kwanza kumulamusa wakutya, “Lamucenyi Mutemi we Wayahudi!”

Matayo 27:11

Yesu yakategulwa hali muwaha we yisi. Hodu, u muwaha we yisi nayo, yakawa kumuwuza yakutya, “Alo yo gwegwe go Mutemi we Wayahudi?” Nayo Yesu yakamutya, “Nha kulonga gwegwe.”

Yohana 18:29

Holeka Pilato yakawalawila kunze, yakawatya, “Alo mwina nghanici yono mukumusonjezeza u munhu yuyu?”