Luka 17:3 - Luganuzi Luswanu Kuli Wanhu Wose 2002

³ Mulanjilile! Hono nduguyo yakusutizye, wumukaje; na hono yanene wumunenelaje.

I CILAGANE CIPYA 1991

³ Mulanjilile! Hono nduguyo yakusutizye, umukaje; na hono yanene umunenelaje.

Luka 17:3 Referans Kwoze

Walawi 19:17

“Wulece kuwa no lusulo kuli yunji wo wose, ninga viswanu mwilamule nayo, ho wulece kutuga wubi ku soko yakwe.

Matayo 18:21

Hanyuma Petelo yakamubitila Yesu, yakamuwuza yakutya, “Alu mwene, hono u ndugu yangu yasutizye, ane yinojeye nimunenele nghanghulo yilinga? Kali mupunghati?”

Zimbazi 9:8

Holeka yili ciba wulece kumufunda u munhu mubezi, hambi nha kokusula. Ninga hono wumufunde munhu we mahala, ayo langa kokuhulika.

Yakobo 5:19

Wandugu zangu, muyenyu yunji hono yajilile mu mbeka, na muyenyu yunji yamupitule,

Zimbazi 27:5

Ciba hono wumutacile munhu calinze, si nha kumuleka yehwese vyono agwe si wumuceleleye.

Wukumbucize wo Wulajilize 4:23

Holeka mwilanjilile, mulece kusemwa cilagane cono Muwaha Mulungu, u Mulungu wenyu yacinoza nanye. Kanyhi mweze ne cihuliko kuli ze lilajilizo lyakwe, mulecele lukulu kwinozeza nyo weneco cihwani co cose ciseswe.

Wukumbucize wo Wulajilize 4:9

Holeka mwiyihenje nyo weneco! Kanyhi mwilanjilile mulece kuzisemwa zose zono muziwene ne meso genyu, mu vilo vyenyu vyose vyo wikale wenyu. Kanyhi munojeye muwalonjele zizi, wana wenyu, ne wezukulu zenyu,

Wutuluce 34:12

Ninga langa, mwilanjilile, mulece kwilumbaniza ne wanhu wono mowagana, i wekazi wa mu yisi yiyo, yono nanye mukubita. Hambi nghani yiyo, nha yowa nha mutego kuli'nye.

2 Yohana 1:8

Holeka mulanjilile, ho muze mulece kwajiliza cono mwali mucipiligaliye, langa muze mutuje cihumbilizwa cono cikwilaniciye.

Wahebelaniya 12:15

Muhidimbale muno muno, ho yunji yalece kulyajiliza i lihewa lyo Mulungu. Mwilanjililaje, lisina lyo wusungu lilece kutula muli nyenye, no kuwawulaga wanhu wenji ko wusungu walyo.

Waefeso 5:15

Ale mwilanjililaje mu mikalile yenyu. Mulece kwikala nhe walele, langa nha we mahala.

Luka 21:34

“Ninga musuje, zinhumbula zenyu zize zilece kuvuhigwa ko wubuguci, no wugale, ne mahwele go wikale wuwu, lizuwa lilyo ho lilece kumutinicizenyi nha mutego.

Zimbazi 17:10

U munhu wo wizuce, keyijizizaga mu wutacilwe, ninga mulele, keyijizizaga mu wutowe nghanghulo yigana.

Zabuli 141:5

Na ku soko ye cambuzi cangu, nokwenda munhu u muswanu, yafundile mu nzila yo kunhowa ninga, si nokwendela lukulu i wabi wanghumye, hambi 'ne nha nikalaga nghulomba, ku soko ye metumo gawo mabi.

Wukumbucize wo Wulajilize 4:15

“Nayo Muwaha Mulungu, lono yalonganila nanye mu wulawa mu moto he'tunda lya Sinayi, nanye hamba si mwawona mumbwa yakwe hamba futa yo yose.