Luka 15:5 - Luganuzi Luswanu Kuli Wanhu Wose 2002

⁵ “Na kolo yayiwona, yakuyiwegala mu mawega gakwe yasangalaye.

I CILAGANE CIPYA 1991

⁵ Na kolo yayiwona, yakuyiwegala mu mawega gakwe yasangalaye.

Luka 15:5 Referans Kwoze

Wahebelaniya 12:2

Akuno cikumulanga Yesu mono wo mwamulizo wo wihuwilo wetu, no kuwukwiza. Mono, ku soko ye nyemo yono yali yawiciywe u mwene, yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

Luka 19:9

Yesu yakamutya, “Zuwali mhonelo yinjila mono kaya yiyi, vyono mwene nayo, mwana wa Abulahamu.

Mika 7:18

Gwe Muwaha Mulungu, hasina mulungu yunji mono yehwanile gwegwe, hambi 'gwe nha kuwanenelaga u wubi wawo wanhu wako wono wasigala, hamba si kwikalaga ne likuwo cibitilila. Ninga kuwezaga ne nyemo, ho wulajile lusungu lwako kuli'se.

Luka 23:43

Yesu yakamutya, “Mbeka nghukulonjela, izuwalili du, cowezana nane ku Wulanga.”

Luka 15:32

Ninga yali yicinojeye cinoze sikukuu no kusangalala; hambi ayu mwanakwenyu, nha yali kotya yafwiye, kumbe mumi; yali yajiliye ninga alu yejela.’ ”

Ezekiyeli 18:23

Muwaha Mulungu yakutya nhavi, “Wulenyi! Mukwihwesa vyono'ne niwusangalalilaga 'mbi u wufwe wo munhu mubi? Aa, ng'o! Ane nyendile munhu yuyo yanene wubi wakwe, yekale mumi.

1 Petelo 1:5

Zizo zolowa zenyu nyenye mono ko wihuwilo, mukudimwa viswanu telele, kwe vilungo vyo Mulungu, so mhonelo yono yikondizye kugubulwa ku ndumo ye vilo.

2 Timoteyo 2:26

Nawo u wizuce wawo, ho wowawuyila kanyhi, nawo ho wawuce mu mutego wa Setani mono yali yakondya kuwebata no kuwanoza wamuhulice muli zose zono yakuzisaka mwene.

1 Watesalonike 1:5

vyono lono camuganulilenyi u Luganuzi Luswanu, si wali mu wulonje du, langa na mu vilungo vyo Muhe Mono Yelile, akuno cimanyiye lukulu, vyono, i nghani yiyo yali ya mbeka. Mumanyile vyono cekalanaga hamonga nanye, cekalaga ku soko ye cambuzi cenyu.

Waefeso 3:7

Ane nanozwa ho niwe mwitumami wo Luganuzi Luswanu, ha nghango ye cipegwa ce lihewa lilya lyo Mulungu, lyono napegwa ha nghango yo witume we vilungo vyakwe.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

Yohana 15:11

Nimulonjelenyi zizi, ho nyemo yangu yiwe muli nyenye, ne nyemo yenyu ho yikwilanicile.

Zefaniya 3:17

Muwaha Mulungu wako, yali hamonga nagwe, ne vilungo vyakwe, vyokupela wusume. Muwaha Mulungu, kotuga wendezwe kuli'gwe, na mu wendo wakwe, kokupela wumi. Kokwimbila no kukusangalalila

Mika 5:4

Nayo yalaza kuza, kolowatema wanhu wakwe, kwe vilungo vyono vikulawa kuli Muwaha Mulungu, hamonga ne nhojo yo Muwaha Mulungu mweneco. Ne wanhu wakwe, wolokwikala wapolile, hambi wanhu wose wa kono'nze, nha wolowuvumila u wuwaha wakwe, nayo yo kololeta mulamu.

Ezekiyeli 33:11

Ninga alu agwe, wuwalonjele vyono ane no Muwaha Mulungu, mono nili Mulungu mumi, mbeka si nghuwa kwendezwa kuwona u munhu mubi yakufwila mu wubi wakwe. Langa nyendile yapituce yawulece wubi wakwe yekale mumi. Holeka anye nyo wanhu wa Isilayeli, alu mupituce, mulece kwituma u wubi wenyu wono mwitumaga. Alo nhawulenyi mukusaka kufwa anye nyo wanhu wa Isilayeli?

Isaya 63:9

ku wulawa mu magayo gawo. Hamba si yali malayika yaye mono yawaponya, langa Muwaha Mulungu mweneco du yo yawaponya. Yawaponya ku soko yo wendo wakwe no lusungu lwakwe. Hambi nha yawadima sunga na mu vilo vyono vyapuluta,

Isaya 62:12

Nanye lulo molocemwa “Wanhu wo Mulungu mono Yelile. I wanhu wono Muwaha Mulungu yawakomboze.” Nayo Yelusalemi yolocemwa, “Likaya lyono Mulungu yalyendile. Likaya lyono Mulungu si yalileka yaye.”

Isaya 62:5

Kokwihwana nho muzelelo mono yakumusola muhinza mono si yamanyile walume, yawe bibi halusi wakwe. Holeka nagwe, yuyo mono yakuwumba, yuyo yo mono kokutola agwe. Kanyhi nha vyono bwana halusi kendezwaga na bibi halusi wakwe, Ale nhavivyo no Mulungu wako nayo vyo kokwendezwa nagwe.

Luka 15:4

“Mwene, munhu hono yawe yena ngholo yigana, na hono yajilize monga, kanozaga wule? Kozileka azilya makumi cenda ne cenda kwidimo, yabite yakayilondole yono yajiliye, sunga yayiwone.

Luka 15:6

Nayo kolo yakuwuya kwakwe, yakuwacema wendece wakwe ne wayagwe, yakuwatya, ‘Cisangalalane nane, hambi nha niyiwona ngholo yangu yono yali yajiliye.’