Luka 12:1 - Luganuzi Luswanu Kuli Wanhu Wose 2002

¹ Baho lono wanhu maelufu menji wali wetang'anila, sunga wakawa kwikanyanjila, Yesu yakamula kuwalonjela wejizwa wakwe, “Musuje kuli cisase ce wafalisayo wo wukoci.

I CILAGANE CIPYA 1991

¹ Baho lono wanhu maelufu menji wali wetangʼanila, sunga wakawa kwikanyanjila, Yesu yakamula kuwalonjela wejizwa wakwe, “Musuje kuli cisase ce Wafalisayo wo wukoci.

Luka 12:1 Referans Kwoze

1 Petelo 2:1

Holeka, lecenyi wubi wose: no wulambi, no wukoci, ne zinghani zose ze nhovu, vivyo vyose viwucile lukulu muli nyenye.

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

Luka 12:56

Nye mo wakoci, mumanyile kutanga ivitanjilo vye yisi no wulanga, ninga so cici lo si mukusuma kumanya nhunizo ye vidaha vivi?

Jobu 36:13

“Na wose wono wamusina Mulungu mu mikalile yawo, wekalaga wena makuwo. Hamba watuje wulipicizwe, wene si walombaga wutazi yaye.

Jobu 27:8

Alu wawo wanhu wono si wamogopile Mulungu, ho wena witumbiloci, kolo Mulungu yakuwusaka wumi wawo?

Jobu 20:5

u munhu mubi yali yena nyemo ya cidaha cidodo du.

2 Watemi 7:17

Nayo mutemi wa Isilayeli yakamuwika ha mulango mwitumami wakwe mulongola, ho yalindilize mulango we likaya. Ninga wanhu wakamusambanjila baho ha mulango sunga yakafwa. Yikawa nha vyono Elisha yali yalonga, lono mutemi yabitila kumuwona Elisha.

1 Wakolinto 15:3

Nane nghamupelenyi anye zinghani zi mbaha muno muno, zono nazibocela nene no mweneco, nha vyono, Kilisito yafwa so wubi wetu, nha vyono gakutya i Mandiko Gono Gelile,

Metumo ge Watumwa 21:20

Nawo waza hulika wakamukumya Mulungu, wakamutya Pawulo, “Wukuwona agwe ndugu yetu, vyono kowali Wayahudi maelufu, wono wehuwila, nawo wose wapiligazi ku wibata u Wulajilize wa Musa.

Luka 11:44

Woyi he nye! Hambi nha mwinha vitenjelo vyono si vijelaga, ne wanhu wono wakuvikanyaga si wamanyile.”

Luka 6:17

Yaza kutima kwi'tunda hamonga nawo, Yesu yakema hanhu hono hali hali wuhihi, hatendemaye, na baho hali howali Wejizwa wakwe wenji, no winji we wanhu wono walawa mbavu zose za Yudiya, na Yelusalemi, na ku mhwani yose ya Tulo na Sidoni, wose wakaza wamuhulicize Yesu, no kuponywa zinhamwa zawo.

Luka 5:15

Ninga zinghani za Yesu zikacila kumanyika hanhu hose. Ne wanhu wenji wakekonghola ho wamuhulicize, no kuponywa wutamwa wawo.

Luka 5:1

Izuwa linji Yesu yali yemile ha nhumbi ye lilamba lya Genesaleti, ne wanhu wenji wali wamupilime, wakuyihuliciza Nghani yo Mulungu,

Isaya 33:14

Ne wanhu wabi wa ku Sayuni, wose wakucicima so woga, akuno wakutya, “Mbeka ning'aniza yo Mulungu yihwanile no moto wono wunyanyaga cibitilila. Alu mukwihwesa, yunji wa muli sese kosuma kupona mu moto wuwo?”

Wahebelaniya 12:22

Ninga anye muficile mwi'tunda lya Sayuni, ku kaya yo Mulungu mumi. Muficile Yelusalemi, ilikaya lya ku wulanga, kono wekonghoye wa malayika maelufu menji si wakuwala.