Luka 10:1 - Luganuzi Luswanu Kuli Wanhu Wose 2002

¹ Hanyuma yayo Muwaha yakawahagula wanji makumi mupunghati na wejete, yakawatuma wejete wejete, walongole wabite mu vitumbi vyose na hanhu hose hono kobita mwene.

I CILAGANE CIPYA 1991

¹ Hanyuma yayo Muwaha yakawahagula wanji makumi mupunghati na wejete, yakawatuma wejete wejete, walongole wabite mu vitumbi vyose na hanhu hose kono kobita mwene.

Luka 10:1 Referans Kwoze

Luka 9:52

Yakatuma watumwa walongole; wakabita, wakenjila mu citumbi cinji ce Wasamaliya, ho wamuwikanizize lukulu hanhu.

Wuwale 11:16

Nayo Muwaha Mulungu yakamulonjela Musa yakatya, “Ale, nghongholelaje wanhu makumi mupunghati wa muli walongola we Waisilayeli, i wanhu wono wena lilumbo yiswanu, kanyhi wono wamanyice vyono mbeka wena wuwe wo wulongoza wanhu, wundetele ha mulango we Lihema lyangu lyono Lyelile. Hanyuma wuwatye weme baho hamonga nagwe.

Luka 1:76

Nagwe, mwanangu, kocemwa muwizi wo Mulungu Mono Yalawiliciye muli vyose, hambi nha kolongola ha mwande yo Muwaha wumunozelezeze nzila yakwe.

Luka 1:17

Kolowapitula wenji wa muli wana wa Isilayeli wamupitucile Muwaha Mulungu wawo. Nayo komulongolela Muwaha yakutongwa mu vilungo na mu Muhe kotya Eliya, no kuwalamula wasogo zo munhu ne wana wawo. Kowanoza we cibede, wawe mu mahala ge we ling'ani, kumuwikaniziza u Muwaha wanhu wakwe.”

Luka 7:13

Nayo Muwaha yali yeza kumuwona mucekulu yuyo, yakamuwonela lusungu, yakamutya, “Wulece kulila.”

Ezekiyeli 8:11

Nghawawona ne walongola makumi mupunghati we Waisilayeli wono wali wali baho, hamonga na Yazaniya u mwana wa Shafani. Nawo wawa wose wali webate viya vyo kufusiza wuvumba, munhu na cakwe mu miwoko yawo. Ne lyosi lyo wuvumba lyabitaga kucanyha.

Luka 7:19

yakawatuma wabite kuli Muwaha wakamuwuze “Alu agwe! Yo yulya mono yakuza, hamba cimulanjilile yunji?”