Luka 1:9 - Luganuzi Luswanu Kuli Wanhu Wose 2002

⁹ mu wilecele wo witumami, vyono wo moto wo Wukohani, lwali lwakwe kwinjila hanhu hono helile no kufusa wuvumba.

I CILAGANE CIPYA 1991

⁹ mu wilecele wo witumami, vyono wo moto wo Wukohani, yali zamu yakwe kwinjila hanhu hono helile no kufusa wuvumba.

Luka 1:9 Referans Kwoze

2 Zinghomo 29:11

Holeka wanangu, mulece kucitaga cilejeho. Hambi nha yo nyenye du, mono Muwaha Mulungu yamuhagulenyi muwe kufusa wuvumba hali mwene, hamonga no kuwalongoza wanhu lono wakumuhemba.”

1 Zinghomo 23:13

Nayo Amulamu u mwana muwaha wa Kohati, yali yo sogwe wa Haluni na Musa. (Nayo Haluni hamonga ne wanagwe, wakatemanulwa, ho wawe walanjilizi cibitilila, we vinhu vyono vikwitumamilwa mu wuhembi, kufusa wuvumba mu wuhembi wo Muwaha Mulungu, no kumwitumamila, hamonga no kuwalugutiza wanhu mwi'tagwa lyakwe.

1 Samwili 2:28

Na mu wulawa mu zimbeyu zose ze wana wa Isilayeli, ane nghayihagula mhuga ya Haluni, wawe wo wakohani wangu, wanyitumamile ha cikumbicilo, wawe kufusa wuvumba, kanyhi wawe kuvwala Efodi hali 'ne. Kanyhi nghawapela ne ling'ani, yo kusola ligawo, mu wulawa mu makumbiko manyanywe ga mu cikumbicilo.

Wuwale 16:40

Ne nghani yiyi, yikawa suguzi kuli Waisilayeli, wakamanya vyono, kumbe si yinojeye munhu wowose mono si we ndelwa ye Walawi, yasejelele ha cikumbicilo, yafuse wuvumba kuli Muwaha Mulungu. Na vyono hono yunji yejelele yanoze nhavivyo, u munhu yuyo kokongomezwa nha vyono yongomezwa Kola, hamonga ne wanhu wakwe. Na zose ziketumwa nha vyono Muwaha Mulungu yamulajiliziza Eleyezali muli Musa.

Wahebelaniya 9:6

I mipango yiyo yikafisilizwa, nawo wukawa wo moto kuli wakohani, wo kwinjila nhondo zose mwihema lilongozi lya kunze wakwituma u witumami wawo.

2 Zinghomo 26:16

Ninga u mutemi Uziya, yali yeza kuwona vyono yatuga vilungo, hodu yakawa kwinjilwa no wikumye. No wikumye wuwo, wukawa kumwinjiza mu wituma zimbi. Yakamubedegala Muwaha Mulungu, u Mulungu wakwe, so winjila mweneco mu Nyumba yo Mulungu, no kufusa wuvumba, mu cikumbicilo co kufusiza wuvumba.

1 Zinghomo 6:49

Haluni hamonga na wo lulelo lwakwe, mulimo wawo wali kulavya vilavywa vyo wuvumba, hamonga ne vilavywa vinyanywe mu cikumbicilo. Kanyhi wali wo mulimo wawo wo wuhembi wose we Hanhu Hono helile, helile muno. Ho wawanozeze Waisilayeli wilamule. Nawo wasumaga kuzituma zizino zose, wakutyatya mejizo nha vyono wejizwa na Musa, u mwitumami wo Mulungu.

Matayo 27:5

Nayo Yuda hodu, yakawa kuzigumila zizilya zipesa hasi mu Nyumba yo Mulungu, yakawa kulawila kunze, yakawa kubita kwinyonga.