Luka 1:78 - Luganuzi Luswanu Kuli Wanhu Wose 2002

⁷⁸ U Mulungu wetu mupolo, kanyhi yali lusungu. Koleta wuzelu wo wukombozwe, wucizize ku wulawa ku wulanga,

I CILAGANE CIPYA 1991

⁷⁸ U Mulungu wetu mupolo kanyhi yali lusungu. Koleta wuzelu wo wukombozwe wucizize kuwulawa ku wulanga,

Luka 1:78 Referans Kwoze

2 Petelo 1:19

Kanyhi sunga ne zinghani ze wawizi zikuyihomelela nghani yiyi, nanye mukunoza viswanu hono mukuyibata, hambi nha yinha tala yono yikumulika hanhu hatitu, sunga lizuwa lililya kolo likusomoza, no wuzelu we nyelezi yimwacinghunghu, kolo wukubulila mu zinhumbula zenyu.

Malaki 4:2

Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

Wakolosayi 3:12

Anye muli wanhu wo Mulungu, u mwene yamwendenyi anye kanyhi yakamuhagulenyi. Holeka nanye muvwale i nhumbula yo lusungu, wuswanu, winenenyhezi, wupolo, no wukangalizi.

Wafilipi 2:1

Alu wulenyi mikalile yenyu ya muli Kilisito, yikumupelenyi vilungo? Hamba wendo wakwe wukumusindamicenyi? Aluno ma, mwina wumonga no Muhe Mono Yelile, kanyhi mukwiwonela lusungu no kwikalalila nyenye wose?

Waefeso 5:14

Na co cose cono cikwanzalikwa cikuwa wuzelu. Na co cikuleka i Mandiko gakutya, “Wusinhuce agwe mono wugonile: Kanyhi wuzuce muli wafu nayo Kilisito kokubulilila.”

Wuwale 24:17

Nane nghuziwona za ku mwande, Kanyhi nghuliwona likungugo lye Waisilayeli. No mutemi mono yakung'alala nha nyelezi, Kolokwijela ku wulawa mwi'kungugo lilyo. Kolokuza ku wulawa mwi'kungugo lye Waisilayeli yenha nyelezi yo mucila. Kolowatowanga i walongola we Wamowabi, Kanyhi kolowasuma i wanhu wose wa Seti.

Wugubule 22:16

Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili wo lulelo lwa Dawudi: Ane yo nene i nyelezi i mwacinghunghu, yono ying'alalaga ya hakali mitondo!

1 Yohana 3:17

Holeka munhu hono yawe yena zisawo za baha mononze, na hanyuma yamuwone nduguye yali mu wugaye, ninga ho yawe na nhumbula nghamu hamba kumuwonela lusungu ng'o, alu kosuma nhawule kutya yamwendile Mulungu?

Zakaliya 6:12

Wumulonjele wutye, u Muwaha Mulungu we mihanga yakutya, “U munhu mono yakucemwa yinhambi yo kocindika baho kanyhi yo kozenga ne nyumba yo Mulungu no kumugomolela Muwaha lilumbo lyakwe.

Zakaliya 3:8

Wuhulicize 'gwe Yoshuwa, agwe yo gwegwe mono weza wuli Mukohani Muwaha. Nanye nyo wakohani wayagwe, i watyatyi wakwe, muhulicize, anye yo nyenye mono muli citanjilo ce ziswanu zose zono cikuzilanjilila. Nomulajila calinze u mwitumami wangu, mono kacemwaga Inhambi!

Isaya 11:1

U wityatye we ndelo ye citemi mu mhuga ya Dawudi, wihwanile no mubici wono wadumulwa, ninga lisina lyayo, likutula kanyhi manhambi ganji. Holeka mutemi mupya kololelwa muli wawo i wana wa Dawudi.

Wafilipi 1:8

U Mulungu yamanyile vyono nghulonga mbeka, lono nghukangaza vyono, so wendo wuwulya du wa Yesu Kilisito, nghuhila muno kumuwonenyi.

Yohana 3:16

Ku soko u Mulungu yayenda yinze nha vivi, sunga yakamulavya Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

Isaya 63:15

Gwe go Muwaha Mulungu, wucilangaje ase ku wulawa kuko ku wulanga ku wikalo wako, mu wele wako no lukumyo. Alo wupiligazi wako wa kuli'se, wuli hayi lo? Hamba vilungo vyako, vili hayi lu? No wendo wako wa kuli'se, hamonga no lusungu lwako, vili hayi lo? Wulece kucisemwa yaye.

Isaya 63:7

Nane nolukumya lusungu lo Muwaha Mulungu, na kanyhi nghumukumya muno so zose zono yakondya kucitendela. Hambi nha kawamotya muno i wanhu wa Isilayeli ku soko yo lusungu lwakwe no wendo wakwe.

Zabuli 25:6

Gwe go Muwaha Mulungu, wukumbucile zo wuwaha wo wuswanu wako, wulukumbucilaje no lusungu lwako, hambi nha vikalaga cibitilila na cibitilila.

Isaya 42:16

“Nane nowatonga wanhu wangu wono wali cibofu, wakole mu nzila yono wakali nayikola hamba mwizuwa linji. Nowunoza wutitu wawo, wuwe wuzelu, ne hanhu hono hali sasala-sasala hawe hatelemeye. Nawo wuwu wo wihuwizo wangu, nowebatiliza ho walece kukatala.