Luka 1:75 - Luganuzi Luswanu Kuli Wanhu Wose 2002

⁷⁵ Celile na cili ling'ani hali mwene, vilo vyetu vyose vyo wikale wetu.

I CILAGANE CIPYA 1991

⁷⁵ Celile na cililingʼani hali mwene, vilo vyetu vyose vyo wikale wetu.

Luka 1:75 Referans Kwoze

Waefeso 4:24

Muwuvwalaje u wupya wo wunhu wono wawumbwa ku hwani yo Mulungu, wono wilajilaga mu mikalile ye mbeka, no wiling'ano no wele.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

2 Timoteyo 1:9

Mwene yacikomboza, kanyhi yakacicema ciwe wanhu wakwe mweneco, si ku soko vyono cinojeye so metumo getu, aa, ng'o, ninga ku so wuhile wakwe mweneco, na so lihewa lyakwe. Nayo yakacipela i lihewa lilyo ku soko ya Kilisito Yesu, lono vilo vyali vikali si vinawa.

Waefeso 1:4

U Mulungu yacihagula lono yinze yali yikali si nawumbwa, ho ciwe cili wakwe mu wilunza na Kilisito, ho ciwe celile mono cisina hamba yilema hali mwene, ku soko yo wendo wakwe.

1 Watesalonike 4:7

U Mulungu si yacicema ho cikale mu mikalile yo wusenyha, langa ho cikale mu wele.

2 Watesalonike 2:13

Yicinojeye cimulumbe u Mulungu nhondo zose ku soko yenyu anye i wandugu zetu, anye mono mwendigwe no Muwaha, hambi u Mulungu nha yamuhagulenyi ku wulawa ku mwamulizo ho muponywe kwe vilungo vyo Muhe, ho munozwe muwe wanhu wakwe wono mwelile mu nzila yo wihuwilo wenyu mu mbeka.

1 Watesalonike 4:1

Ze ndumilizo wandugu zangu, nha vyono mweyijiza kuli sese vyono munojeye mwikale ho mumwendeze u Mulungu. Nayo yili mbeka vyo mwikalaga. Alu cikumulombenyi kanyhi cikumunenenyi mwitagwa lyo Muwaha Yesu, vyono alu ho mucile muno kuwituma viswanu.

Matayo 1:21

Nayo kolela mwana we cilume, nagwe komucemela ilitagwa lya Yesu, hambi u mwene nha yo kolowaponya iwanhu wakwe mu wubi wawo.”

Wukumbucize wo Wulajilize 6:2

Nanye hamonga ne wana wenyu mweze muli cogopo kuli Muwaha Mulungu, u Mulungu wenyu, muwukamise wutemye wakwe malajilizo gakwe gono nghumulajilizenyi izuwali, mu vilo vyose vyo wikale wenyu, ho musume kwikala vilo vinji mumo mu yisi yiyo.

Isaya 43:21

Hambi wawa nha wo wanhu wono nenozeza nene no mweneco, nawo wowa kwimba zo lukumyo lwangu!”

Zakaliya 8:19

Wikapise wo wuleka kulya, wa mu mwezi we kane na we 'hano na wo mupunghati, na we likumi zowa zo sikukuu ze nyemo mbaha no wusangalale kuli wanhu wa Yuda. Holeka mwende mbeka no mulamu.

Luka 1:74

ho cikombozwe ku wulawa mu miwoko ye walugu wetu, ho cimwitumamile cisina woga.