Luka 1:64 - Luganuzi Luswanu Kuli Wanhu Wose 2002

⁶⁴ Ho baho no mulomo wakwe wukadiguka, no lulimi lwakwe lukahogoha, yakalonga yakumulumba Mulungu.

I CILAGANE CIPYA 1991

⁶⁴ Ho baho no mulomo wakwe wukadiguka, no lulimi lwakwe lukahogoha, yakalonga yakumulumba Mulungu.

Luka 1:64 Referans Kwoze

Luka 1:20

Alu hulicize, vyono si wihuwiye zinghani zangu, alu kowa cibwibwi, nagwe si kosuma kulonga, sunga zizi zono nghulonjeye kolo zakondya kufisilizwa.”

Yelemiya 1:9

Hanyuma ya zizo, u Muwaha Mulungu yakawugolola muwoko wakwe, yakamhamiza mu mulomo wangu, yakanyitya, “Langa ta, alu, nghukutajila zinghani zangu mu mulomo wako zono kosuma kuzilonga.

Ezekiyeli 33:22

Ninga nane, mu mapango ge cinyamihe, lono u munhu yuyo mono yehema yali yakali si nanyiziza, ane nane, nali nakondya kuviwona i vilungo vyo Muwaha Mulungu muli 'ne. Na lono u munhu yuyo mono yehemya yanyizizaga i mitondo yaco hakali mitondo, u Muwaha Mulungu, yali yakondya kumhela i vilungo vyo kusuma kulonga.

Zabuli 51:15

Wundigulaje mulomo wangu, 'gwe go Muwaha Mulungu, ho sume kuzanza zo lukumyo lwako.

Matayo 9:33

Ne licisi lyaza kuwa lyalavywa muli munhu yuyo we cibwibwi, lo lulo lulo yakawa kulonga kanyhi. Ne wanhu wakezina muno muno akuno wakutya, “Inghani yono yinha yiyi, yikali si nejela hamba mu Isilayeli!”

Ezekiyeli 3:27

Na hanyuma kolo nghulonga nagwe, no kuludohola lulimi lwako kanyhi, ho wusume kulonga, ale baho nhondo ho kowalonjela zono ane no Muwaha Mulungu nghuwalonjela. Na lulo wanji wa muli wene wohulika, ninga wanji wozibedegala zinghani zako, hambi nha wanhu we nghungugo yono yisina cihuliko yaye.”

Isaya 12:1

Ne lizuwa lyolokuza lono wanhu wolokwimba wawe kutya, “Nghukulumba 'gwe go Muwaha Mulungu! Hamba wuwe wali wungholeywe likuwo, ninga aluno wusindamice, wulece kungholelwa kanyhi likuwo.

Ezekiyeli 29:21

“Na kolo zikwijela zizi, ane nowanoza i wanhu wa Isilayeli wawe ne vilungo. No kukuleka nagwe Ezekiyeli, wusume kuwalonjela Waisilayeli, nawo wokuhulika zono wukuwalonjela. Nawo ho wamanye vyono ane yo nene Muwaha Mulungu.”

Wutuluce 4:11

Muwaha Mulungu yakamutya Musa, “Gwe Musa, mwene mono kamupelaga munhu mulomo, nani? Hamba nani mono kamunozaga munhu kawa yali ciziwi, hamba kawa yali cibwibwi? Hamba nani mono kamupelaga munhu wuwone, hamba mono kamunozaga kawa yali cibofu? Alu wumanye vyono yo nene no Muwaha Mulungu mono nizinozaga zizo zose.