Luka 1:51 - Luganuzi Luswanu Kuli Wanhu Wose 2002

⁵¹ Kawugolola u muwoko wakwe we vilungo Kaweyagaza wasisi mu mahweso ge zinhumbula zawo.

I CILAGANE CIPYA 1991

⁵¹ Kawugolola u muwoko wakwe we vilungo Kaweyagaza wasisi mu mahweso ge zinhumbula zawo.

Luka 1:51 Referans Kwoze

Zabuli 98:1

Mumwimbile Muwaha Mulungu lwimbo lupya, hambi nha ketuma nghani zo wizine! Nayo ketujila wusume, so vilungo no wuwaha wakwe vyono vyelile.

Isaya 52:10

Muwaha Mulungu kolokwitumamila vilungo vyakwe vyono vyelile, yawaponye wanhu wakwe, ne yinze yose yoloziwona zizo.

Isaya 51:9

Ale wusinhuce go Muwaha Mulungu wucitaze! Witumamile vilungo vyako nha vyono wavitumamila katali, wuciponye. Hambi nha yo gwegwe mono walitemanga vipiligwa-piligwa lizoka lya mwi'lenga lyono likucemwa Lahabu.

Walumi 1:21

Ku soko hamba wawe wakondya kumanya vyono u Mulungu yali baho, ninga si wakumupela ililumbo lyono limunojeye, hamba si wamulumbaga. Langa wene waco, wehwesaga zo wulele du, ne mahala gawo vyono gasina cinji, gamemile wutitu.

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Isaya 63:12

Hamba yali hayi mwene Muwaha Mulungu mono yetumila zimbaha muli Musa, kwe vilungo vyakwe vinji, yakagatemanula i malenga ge lilenga, yakawalowoseza wanhu hakavu haciligati ye malenga, ho yetujile lilumbo lye cibitilila?”

Isaya 40:10

Muwaha Mulungu we mihanga kolokuza yateme ne vilungo, kolowaleteleza hamonga ne wanhu wono yawaponya.

Zabuli 118:15

Ale, hulicizenyi ta mazi, ge nyemo no wusume gono gakulawa, mu mahema ge wanhu wo Mulungu, gakutya, “Vilungo vyo Muwaha Mulungu, vyo vitumile zizi!

Zabuli 89:10

Agwe walipondanga lizoka Lahabu no kuliwulaga. Wukawasumila walugu wako mu vilungo vyako.

Mwamulizo 6:5

Nayo u Muwaha Mulungu, yaza kuwuwona u wubi we wanhu mono'nze, na vyono i lihala lye mahweso ga mu zinhumbula zawo, likalaga yibi du nhondo zose,

Wugubule 18:8

Na ku soko yiyo, i magazo gakwe gomwagana mwizuwa limonga, wutamwa, wukalale, ne nzala. Nayo konyanywa mu moto, hambi u Muwaha Mulungu mono yakumuling'aniza, nha yo Mudaha vyose.”

1 Petelo 5:5

Nanye nhavivyo mo wadodo, munojeye mwiwice mu wulajilize we wanyamhala. Nanye wose munojeye muwe no winenenyhezi ho musume kwiyitumila nyenye wose, hambi i Mandiko Gono Gelile nha gakutya, “U Mulungu sikawasakaga wono wena widunhumuzi, langa kawapelaga lihewa iwenenenyhezi.”

2 Wakolinto 10:5

no kuvikumulanga vimizi vyose vyo wiwoni, vyono vikwimila u wumanyo Mulungu, cikugakwega i mahweso gose, no kuganoza gamuhulice Kilisito.

Zabuli 89:13

U muwoko wako wuli vilungo, agwe wuli vilungo muno muno kuciza!

Zabuli 63:5

Nhumbula yangu yosangalala, nha sikukuu ya vye mafuta na vyono vijinile, nane nokwimba sangalaye zo lukumyo lwako.

Zabuli 52:9

Gwe go Mulungu, nokulumba vilo vyose, ku soko ye metumo gono wetuma. Nane nokwanza hali wanhu wako, we ling'ani, zo wuswanu wako.

Zabuli 33:10

U Muwaha Mulungu kawuwembulaga wuhile we makungugo, no kugapata i mahweso gawo.

Wukumbucize wo Wulajilize 4:34

Hamba ho yuli mulungu yunji wo wose, mono yejelela yabite yakawawuse wanhu ku wulawa mwikungugo linji, kanyhi yawanoze wawe wanhu wakwe, nha vyono Muwaha Mulungu, u Mulungu wenyu yamunozezenyi nyenye ku yisi ya Misili? Hambi Muwaha Mulungu nha yazinozeza zose ha meso genyu, yetumamila vilungo vyakwe viwaha hamonga no wusume. Yaleta magazo, no wulugu, yakanoza vitanjilo, ne mezino, yakaleta nghani zo wogofye wuwaha muno muno.

Wutuluce 18:11

Alu nane namanya nha vyono, u Muwaha Mulungu, yo Yalawiliciye kuciza milungu yinji yose. Hambi nha yawakomboza Waisilayeli, mu miwoko ye Wamisili wono wali kuwatendela vibi.”

Mwamulizo 8:21

Ne mhunjile swanu ye vilavywa vivyo, yikamwendeza muno u Muwaha Mulungu, nayo Muwaha Mulungu yakatya mu nhumbula yakwe, “Hodu, hamba si nilayihodanjila lukulu yinze kanyhi, ku soko yo munhu, hambi nha nakondya kumanya vyono i mahweso go munhu, nha mabi du ku wulawa wudodo wakwe. Hamba si novyongomezeza lukulu kanyhi i viwumbwa vyose, nha vyono nozize.

Mwamulizo 11:8

Holeka u Muwaha Mulungu yakawa kuweyagaziza mono yinze yose, wakawa kuwuleka no mulimo wu wulya wo wuzenga likaya lilyo.

Yelemiya 49:15

Nayo Muwaha Mulungu kokuwusiza lukumyo lwako, na howa hasina yunji kanyhi mono kokupela cogopo yaye.