I Cililo 5:1 - Luganuzi Luswanu Kuli Wanhu Wose 2002

¹ Gwe go Muwaha Mulungu, wukumbucile zono zacagana, wucilanje, wuciwone ne cevu cetu.

I Cililo 5:1 Referans Kwoze

Habakuki 3:2

Gwe Muwaha Mulungu, ane hulika zono wetuma, nane nhuga woga wuwaha. Ale, alu'kanyhi mu vilo vyetu, witumaje metumo mawaha gono wagetuma lulo. Na lono wuli mwi'kuwo lyako, ninga weze no lusungu.

I Cililo 3:61

“Hambi nha kuwahulikaga vyono wakunhovula 'gwe go Muwaha Mulungu, kanyhi wumanyile no wihehemeze wawo wose.

I Cililo 3:19

Na kolo nghwihwesa zo wusungu wangu, na vyono kanyhi neza sina kaya, yikuwa nha sumu nghali kuli'ne.

I Cililo 2:15

Ne wanhu wono wakupuluta wakolile mwi'kaya, wakukulanga ko wubedegale, wawa kusinjisa ne mitwe yawo akuno wakugaseka matongo ga Yelusalemi, wakutya, “Mwene 'nye, mbeka lili lyo likaya liswanu, lyono lyali likumuce mu yinze yose?”

Yelemiya 15:15

Hanyuma nane Yelemiya, nghapitula nghatya, “Gwe go Muwaha Mulungu, agwe go mweneco wuzimanyile. Ninga langa wunghumbucilaje, wumhele wutazi. Nghukunena wundipicizize simbili yangu kuli wose wono wakumhela magayo. Wulece kuwakangalila wawo, ho walece kusuma kumbulaga. Kanyhi wukumbucile vyono ane nghutovulwa ku soko yako gwegwe.

Zabuli 79:12

Wuwalipaje kali mupunghati wawo, wekalani wayetu, 'gwe go Muwaha Mulungu, ku soko ye zinhovu zono wakutovuye gwegwe!

Zabuli 79:4

Caweza wanhu mono cikutovulwa ne wekalani wayetu, ne wekalani wayetu weza kucisekanga no kucizwajiza.

Nehemiya 4:4

Nghawa kulomba nghatya, “Gwe Muwaha Mulungu, wuhulice ta vyono wakucisekanga. Holeka wuwalece zinzwaji zawo ziwawuyile mu mitwe yawo. Wuwalekaje wabokwe vyose, kanyhi wuwanoze wasolwe wawe wafungwa mu yisi yo wujenzi.

Luka 23:42

Hanyuma yakatya, “Yesu wunghumbucile kolo wukuza mu wutemi wako.”

I Cililo 2:20

Gwe go Muwaha Mulungu, wuwalanje wawo ta, wono wukuwatamisa, wo wa nani wene? Alu wulanje vyono sunga ne wacekulu nhondo, weza kulya ne miwili ye wana wawo wono wawendile! Sunga ne wakohani hamonga ne wawizi, nawo nhondo weza kuwulajilwa mu Nyumba yako mugati!

I Cililo 1:20

“Alu 'gwe go Muwaha Mulungu, wulangaje ta wusungu wono nina nawo mu nhumbula yangu! Ne nhumbula yangu nha yatulilwa muno no wukalale, ku soko yo wubi wangu. Alu mu zinzila, mweza mowuli wuwulaji, na mu milango namo, molili yifwa.

Jobu 10:9

Ninga wukumbucile nha vyono, wamumba ku wulawa mwi'longo, alu ho weza kungomoleza kanyhi mu manghundi?

Jobu 7:7

“Gwe go Mulungu, wukumbucile nha vyono wumi wangu, wihwanile mbeho du. Ne nyemo yangu nha yakondya kuduma.

Nehemiya 1:8

Wukumbucile lu, vyono wamulonjela Musa wukatya, ‘Anye mo wanhu wa Isilayeli, hono mulece kuwa wehuwilwa kuli'ne nane, nomwiyagazizenyi mu makungugo ganji.

Nehemiya 1:3

Wakanonjela wakatya, “Wawalya i Wayahudi wose wono wasigala, no kulekwa ku Yelusalemi, vyono wali wali mu wugaye ne matovulo menji. Kanyhi, wakanonjela na vyono, ne majinji ga ku Yelusalemi, gali gakali gakumuce hamonga sunga ne milango yali yikali sinanozwa, ku wulawa vyono yaticimizwa na moto ha lulongozi.”

Zabuli 119:153

Wulanje ze magazo gangu, wumhonye, hambi ne nha si semigwe zo wulajilize wako.

Isaya 62:6

Gwe Yelusalemi, nane nghuwiciye walindilizi mu majinji gako. Nawo hamba si wowa kunyamala misi ne cilo. Langa wowa kumukumbuciza Muwaha Mulungu zo wihuwizo wakwe. Hamba si womuleceleza yasemwe yaye.

I Cililo 3:50

Sunga lono Muwaha Mulungu, kolo yakulanga hasi ku wulawa ku wulanga yaciwone.

Zabuli 74:18

Ninga wukumbucile 'gwe go Muwaha Mulungu, wubedegazi wono wukulawa kuli walugu wako, likungugo lyono lipuwile, likulitovula litagwa lyako.

Yelemiya 51:51

Ninga 'nye mukutya ti, ‘Oo! Ase nha cikozwa cevu, kanyhi cikuwona soni, kanyhi cikwiwona nha cisina wutazi wo wose, hambi i wajenzi nha wenjila hono helile mu Nyumba yo Mulungu.’

I Cililo 1:9

No wubi wakwe wijeye calinze, ninga mwene yakwilajila nha kotya si yali muli zizo yaye. Holeka ku soko yiyo, no wugwe wakwe wa mbuko, hamba hasina mono kosuma kumusindamika yaye. Ne walugu wakwe wamusuma, nalu mwene yakumulilila Muwaha Mulungu yamuwonele lusungu.

I Cililo 1:11

Nawo wanhu wakwe wose wakugula, wakulondola ndigwa. Wakukawa vinhu vyawo na ndigwa, ho walece kufwa. Holeka likaya likulila likutya, “Gwe go Muwaha Mulungu wunghumbucile, wugalanje magayo gangu.