I Cililo 4:9 - Luganuzi Luswanu Kuli Wanhu Wose 2002

⁹ Na wono wafwila mu wulugu nha wali ciba, si nha wono wakafwa munyuma yayo, wono wafwizaga mhola mhola so nzala, wono wali wasina ndigwa yo kulya.

I Cililo 4:9 Referans Kwoze

Ezekiyeli 24:23

Hamba si molojenda musina cipombelo mu mitwe yenyu, hamba si molojenda musina malatu mu migulu yenyu, hamba si mololila, hamba kwikunguza yaye. Langa wose molonyeta ku soko yo wubi wenyu, kanyhi molowa kugula munhu na muyagwe.

Walawi 26:39

Na wawo wacefu wa muli'nye, wono wowa womi mumo mu yisi ye walugu wenyu, nawo wolokwambuka bwete, ku soko yo wubi wenyu na so wubi we walezi wenyu.

Ezekiyeli 33:10

Muwaha Mulungu yakanonjela kanyhi yakatya, “Gwe go munhu, wuwalonjele Waisilayeli kali kenji du. Hambi wene nha wakulonga wakutya, ‘U mutegulo wo wubi wetu ne masutya getu, wacilemela, alu ho copona wule?’

Yelemiya 16:4

Hambi wose nha wofwa ku soko ye matamwa mabi, na kanyhi holowa hasina hamba yunji wo wose mono kolowalilila hamba kuwazika yaye. Ne miwili yawo, yolowa yilundile caka du ako na ako mu muhangha, kotya malundo ga suji. Nawo wolofwila mu wulugu, hamba mu nzala, ne miwili yawo yolowa ndigwa ye zindeje hamonga ne vilimu vya mu mbago.

Wutuluce 16:3

Wakatya, “Si ciba le Muwaha Mulungu yali yaciwulajile ku yisi ya Misili, kono cali cikaye ne masefuliya gamemile nyama ne mikate, nase calizaga nha vyono casakaga sunga ciguta. Alu mulanje ta, anye mwacileta amuno mono nyika, ho muciwulaje ne nzala.”

2 Watemi 25:3

Na mwizuwa lye licenda lya mu mwezi we'kane, wa mu mwaka wuwo, yikawa yagwa nzala, ne nzala yiyo yikawa nzala mbaha muno, sunga ne wanhu wakawa wasina hamba cinji co cose co kulya.

Wukumbucize wo Wulajilize 28:51

Nawo wololya mitugo zenyu sunga ne vilimwa vyenyu, nanye hamba si molotuga ndigwa, sunga mufwe. Nawo si wolomusigazizenyi hamba mhece monga yaye, hamba divayi, hamba mafuta, hamba ng'ombe, hamba ngholo, anye langa molofwa du.

Isaya 22:2

Hambi nha nghuwona likaya lyose limemile sasamo ya nyhenze ne nyemo mbaha. I wanhu wako wono wafwa mu cipango co wulugu, si wawulagwa no wulugu yaye.

Ezekiyeli 4:16

Kanyhi yakatya, “Gwe go munhu, ane nolicepula ligawo lye zindigwa lya mu Yelusalemi. Ne wanhu wono wali mumo, wologazika muno no kwihwelela, vyono lulo, ndigwa yono wolowa kulya, hamonga ne malenga gono wolowa kung'wa, vyose vyolowa kwamula kupimwa mu cijelo, hanyuma ho wawa kuvitumamila.

Ezekiyeli 7:15

Kunze kolowa wihomi mu zinzila. Namo mu zikaya molowa matamwa ne lizala. No munhu wo wose mono kolowa mu mawimbi mwi'daha lilyo, ayo kolofwila mu wihomi. Nayo mono kolowa mwi'kaya mwi'daha lilyo, nayo kolofwa so matamwa ne lizala.