I Cililo 4:7 - Luganuzi Luswanu Kuli Wanhu Wose 2002

⁷ Ne wawaha wetu wali waswanu kanyhi wazelu wenha seluji, wali vilungo, wahidimbazi ku milimo, kanyhi wena miwili miswanu yono yijinile.

I Cililo 4:7 Referans Kwoze

Zabuli 51:7

Wumbusize wubi, niwe nyelile, wunghweme, ne Hisopo niwe muzelu swee.

Lwimbo Luswanu muno 5:10

Nye wayangu, u mwendece wangu yena wusu wono wukwendeza, kanyhi yali vilungo, ne vilungo vyakwe, vyokwinjila wanhu elufu yikumi.

Zabuli 144:12

Ne wana wetu we cilume nawo, waweze nhe vilimwa vyono vikuwiluka viswanu, mu wuzelelo wawo, ne wana wetu we cicekulu nawo, waweze nhe masumbili ga mu zi nhuzi, gono makakate viswanu muno, mwi'kulu lyo mutemi.

1 Samwili 16:12

Baho Yese yakawa kutuma munhu yabite yakamulete. Nayo yali mwelu, yena meso maswanu na futa yono yikwendeza, kanyhi muzelelo we vilungo. Muwaha Mulungu yakamutya Samwili, “Ale, ayu yo nimuhaguye, mwitile mafuta!”

Danyeli 1:15

Ne vilo yikumi vyali vyeza kupuluta, wakejela wajinile, kanyhi watuga ne vilungo, kuciza i wazelelo walya wono walizaga zindigwa za mu nyumba yo wutemi.

Walamuzi 16:17

Nhondo yakawa kumulonjela ze mbeka, yakamutya, “Gwe Delila, zimvwili zangu 'ne zikali nanyonyolwa wulawa wulelwe wangu. Hambi 'ne, nha nili musiwanulwa wo Mulungu, nili Munazili wulawilila wulelwe wangu. Hono zimvwili zangu zinyonyolwe, hodu nane nowa sina vilungo, nowa nhe wanhu wanji wose.”

Walamuzi 13:7

Langa kanonjela du nha vyono, notuga 'nda nolela mwana wa cilume. Kanyhi kanonjela nha vyono, ndece kung'wa divayi hamba wujimbi, hamba kulya zindigwa yo yose i nyavufywe. Vyono u mwana yuyu mono kolelwa kowa Munazili, musiwanulwe so Muwaha Mulungu mu mikalile yakwe yose.”

Walamuzi 13:5

Na kolo u mwana yakulelwa, wulecele lukulu kumunyonyola zimvwili zakwe, hambi u mwana yuyo, nha kowa Munazili, musiwanulwe so Mulungu, ku wulawa mwi'zuwa lyono kolo lelelwa. Nayo kokwanza mulimo wo kuwaponya Waisilayeli mu miwoko ye Wafilisiti.”

Luka 1:15

Kowa muwaha hali Muwaha Mulungu, si kolowa kung'wa divayi hamba cing'wegwa co wugale,

Wutuluce 24:10

Wakamuwona Mulungu we Waisilayeli. Na hasi ye magulu gakwe, kwali kocili cinhu cono cinha sakafu ya mabwe gono gakung'alala, maswanu kotya wulanga wono wukulengalenga.

Jobu 28:16

No wuswanu wose we zahabu nengu hamba vibwe vyo wuguzi wukamu, cifo cayo si vyokwiling'anila ne cifo ce mahala.

Jobu 28:18

Cifo ce mahala, cicizize muno, si nha malijani, hamba mabwe gono gakung'alala go wuguzi wukamu, hamba alimasi.

Lwimbo Luswanu muno 5:15

Ayi migulu yakwe, yinha zisumbili ze'bwe lyono likung'alala viswanu zono ziwicigwe mucanyha ye misinji ye zi zahabu. Yo munhu mutambule, yenhe matunda ga Lebanoni, hamonga ne mibici yayo ye mihagata.