I Cililo 4:2 - Luganuzi Luswanu Kuli Wanhu Wose 2002

² Ne wazelelo wa Sayuni, wali wo we cifo cikamu nha zahabu, ninga luno, wakutendelwa nha viya vye lilongo.

I Cililo 4:2 Referans Kwoze

Isaya 30:14

Nanye motulanjika mwiyagale nhe nyungu yono yitulice vibi no kuzaganzika, hawe hasina hamba cizaye cidodo cono cosigala, cono cokwila hamba kupalila moto bwete, hamba kukupila kunze malenga gono gali mwi'kandilo.”

Yelemiya 19:11

Niwalonjele nha vyono, u Muwaha Mulungu yakutya nhavi, “Ane nowabenanjiza i wanhu wawa, hamonga ne likaya lili, nawo wokwihwana ne nyungu yiyi ye lilongo, yono si yosumika kuyilunza hamonga kanyhi mazaye gayo. Nawo i wanhu, wolowa kuyizika mivimba ye wandugu zawo, sunga na kuko ku Tofeti, hambi nha holowa hasina kanyhi hanhu hanji ho hose ho kuwazika.

2 Timoteyo 2:20

Mu makaya mawaha, mozili bakuli ne viya vye mawala gose, viya vinji vya fweza, vinji vya zahabu, vinji vya mbawo, na vinji vya wulongo, na vinji viwicigwe viwe vitumamilwa vye siya, na vinji kanyhi viwe vitumamilwa vye nhondo zose.

2 Wakolinto 4:7

Hamba nhavivyo, ase mono cina cico i ciwutwa co Muhe, cihwanile i viya vye lilongo, ho yijele calinze vyono i vilungo vivyo viwaha, vikulawa kuli Mulungu hamba si muli sese co weneco.

Zakaliya 9:13

Nomwitumamila Yuda yawe kotya wo wupinde wo musilikale, na Isilayeli yawe kotya zo songa. Nowetumamila wanhu wa ku Sayuni wawe kotya wo mumaje, wehome ne wanhu wo Wugiliki.”

I Cililo 5:12

I walongola wetu nawo, wakwibatwa, wakunyongwa. I wakombi wetu, si wakupegwa cogopo yaye.

Isaya 51:18

Nalu hasina munhu wo wose mono kokutonga nzila, hamba mu wanhu wako, hasina mono kokwibata muwoko wako yakutonje nzila.

I Cililo 2:21

Alu i wadodo ne wakombi, wose nha wagwiye wafwiye mu zinzila. I wazelelo hamonga ne wacekulu, wose wakondya kuwulagwa ne mimaje ye walugu. Kuwawulajila mwi'zuwa lye likuwo lyako, wusina hamba lusungu.

Yelemiya 22:28

Nane nghatya, “Alo mutemi yuyu Yehoyakimu, yehwana njilo ye malenga yono yakondya kutulika, yakondya kutagwa kunze, hambi nha yeza yisina cambuzi lo? Hamba yiyi yo soko yono yikaleka mwene, hamonga ne wanagwe wose, wakahamywa, wakategulwa ku yisi yono si wayimanyile yaye lo?”

Yelemiya 19:1

U Muwaha Mulungu yakanonjela mbite nghagule nyungu ya malenga ko muwumbi, niwasolaje ne wanyamhala wanji we wanhu, hamonga ne wakohani wanji,

Hoseya 8:8

Waisilayeli weza wenha makungugo ganji, wono si wakwiliye cinji, weza wenha ciya cono cisakaye.