I Cililo 4:10 - Luganuzi Luswanu Kuli Wanhu Wose 2002

¹⁰ Ne magayo gono gawaziza wanhu wangu, galeta wogofye wuwaha muno. Hambi i wacekulu wono wali wawendile muno wana wawo, nha wakawateleka wana wawo, ho watuje ndigwa yo kulya.

I Cililo 4:10 Referans Kwoze

I Cililo 2:20

Gwe go Muwaha Mulungu, wuwalanje wawo ta, wono wukuwatamisa, wo wa nani wene? Alu wulanje vyono sunga ne wacekulu nhondo, weza kulya ne miwili ye wana wawo wono wawendile! Sunga ne wakohani hamonga ne wawizi, nawo nhondo weza kuwulajilwa mu Nyumba yako mugati!

Isaya 49:15

Ninga nayo Muwaha Mulungu yakupitula yakutya, “Alu mwene mbeka nyina yo munhu kosuma kumusemwa u mwanagwe mono yamulela, hamba si komwenda yaye? Ninga hamba yiwe nyina yo mwana yasume kumusemwa mwanagwe, ane langa si nomusemwelenyi lukulu yaye.

Yelemiya 19:9

Ne walugu nawo wololipilima likaya, wawawulaje i wanhu wose wono wali mumo. No wupilimwe wuwo we likaya, wolowa wa wogofye muno. Hambi i wanhu wono wolowa wali mugati, nha wolowa kwiyilya weneco wose, wolowa kulya sunga ne wana wawo.”

Ezekiyeli 5:10

Na mu ndipicizwa yiyo, iwalezi wa mu Yelusalemi, wololya i wana wawo, nawo wana wololya walezi wawo. Nolomulipicizenyi no kumwiyagazizenyi mu malanga gose, kanyhi holowa hasina hamba yunji mono yalasigala mumi.

I Cililo 4:3

Sunga ne macewe nha gakuwa kosa mana gayo. Ninga wanhu wangu weza wakali, wenha nyacihema ya mu nyika.

I Cililo 3:48

Ne meso gangu, gakuhuluma makolongo ge mahozi, ku soko yo wongomele we wanhu wangu.

Walawi 26:29

Ne zinzala zenyu zowa mbaha, modabuka muno muno, nanye mowalya sunga ne wana wenyu we cilume na we cicekulu.

2 Watemi 25:3

Na mwizuwa lye licenda lya mu mwezi we'kane, wa mu mwaka wuwo, yikawa yagwa nzala, ne nzala yiyo yikawa nzala mbaha muno, sunga ne wanhu wakawa wasina hamba cinji co cose co kulya.

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

Isaya 22:2

Hambi nha nghuwona likaya lyose limemile sasamo ya nyhenze ne nyemo mbaha. I wanhu wako wono wafwa mu cipango co wulugu, si wawulagwa no wulugu yaye.