I Cililo 2:8 - Luganuzi Luswanu Kuli Wanhu Wose 2002

⁸ Muwaha Mulungu yali yasimbiliye, vyono majinji ga Sayuni ganojeye gakumulangwe du. Yakamula kuwalanga, ho yawaletele wuhodanjice wono wuwakwiliye. Majinji hamonga ne minala yayo, vyose vigwiye, nalu gawa matongo.

I Cililo 2:8 Referans Kwoze

2 Watemi 21:13

Noyilipiciza Yelusalemi, nha vyono nayilipiciza Samaliya, nha vyono namunozeza Ahabu u mutemi wa Isilayeli, hamonga no lulelo lwakwe lwose. Nowafwagula wanhu wose wa mu Yelusalemi wamalice, hawe hazelu swee, nhe sahani yono yakwemwa no kugubikwa.

Yelemiya 14:2

“Alu Yuda yeza yili mu cililo, hambi i makaya gayo nha geza kufwa, ne wanhu wayo, wagonile hasi du so wukalale, nayo Yelusalemi, yikulilila wutazi.

Isaya 34:11

Nago matuwi ne mahowe go golokwikala mu yisi yiyo. Nayo Muwaha Mulungu koloyinoza kanyhi yilece kulela yiwe nha vyono yali lono yali yikali si nawumbwa.

Isaya 3:26

Nayo milango ye likaya, yokalala no kulila. Ne likaya lyokwihwana no mucekulu mulekwa mono yekaye hasi mu manghundi.

Yelemiya 5:10

“Alu nane nowatuma walugu, waze wayidumulanje mizabibu ye wanhu wangu, ninga si woyongomezeza lukulu yaye. Nowalonjela vyono wayidumulilaje manhambi du. Hambi i manhambi gago, nha si sawo yangu yaye.

Ezekiyeli 20:22

Ninga kanyhi hodu ngheyimila. Nanoza nhavivyo, ku soko ye litagwa lyangu, ho lilece kwavufywa ha meso ga we makungugo, wono wawona vyono nghuwawusa i wanhu wa Isilayeli mu yisi ya Misili.

I Cililo 2:17

Alu Muwaha Mulungu, nhondo ketuma zono yali yazitemizye kuzituma. Kacihodanga yasina lusungu nha vyono yacilonjela. Kawapela walugu wetu wusume, kawapela wusangalale so wutamiswe wetu.

I Cililo 2:5

Muwaha Mulungu, yawahodanga Waisilayeli nha mulugu. Yagaleka magomawakali gayo ne hanhu hayo vihodangwe. Yawaletela wanhu wa Yuda wusungu wono si wolomalika.

I Cililo 2:2

Muwaha Mulungu yavyongomeza vitumbi vyose vya Yuda, hamba kuviwonela lusungu yaye. Yakumulanga ne magomawakali gose gono gayicitilaga yisi. Yawaletela cevu ciwaha i watemi, hamonga no wutemi wawo.

Isaya 28:17

“No wiling'ano, wowa wo mulejehe wo kujelela musinji wuwo, nawo wihuwilwa cowa co cijelelo cayo co wima.” Ne mvula ye mabwe yolowuwusiza lukulu wutizizo we walambi wose, nalyo lihwazi lyolohuluma mucanyha yo wihundiko wawo liwuhodanje.

Isaya 5:5

Alu, lecenyi ta nimulonjelenyi, nane vyono nowunoza, “Nowupambula mululu wayo, nigamwagule ne majinji gono gakuwa kuwucitila, nigalecele malimu ga mu mbago, gaze gawulye no kuwusambanjilanga.

Jobu 13:21

wulece kundipiciza hamba kunyogofya ko woga wako.

2 Samwili 8:2

Hanyuma kanyhi, yakawasuma Wamowabi. Yakawa kuwalambalila i wafungwa mu micilili. Hanyuma yakawa kuwawulaga wafungwa wejete wejete mu wulawa mu wafungwa wadatu wadatu. Na wawo i wo yumonga yumonga wono wasigala muli wawo wadatu wadatu, yakawaleka womi. Yakawanoza Wamowabi wawe wetumami wakwe, wakawa kumulipa sunga ne kodi.

I Cililo 2:18

Gwe Yelusalemi, wugalece majinji gako gamulilile Muwaha Mulungu! Galekaje mahozi gako gasulule misi ne cilo. Wisakaze ne cililo, hamonga no wusungu!

Isaya 22:5

Hambi ali nha lyo lizuwa lye mahwele, no wusumwe, hamonga no woga wuwaha, mwi'lolo lyo wugubulilwe. Hambi u Muwaha Mulungu we mihanga, nha yo yacileteye. Alu lanje, sunga ne majinji ge likaya lyetu, gose gakondya kumwaguka, ne mazi ge cililo cetu co kulondola wutazi, ne matunda nhondo gakubocelela.

Yelemiya 52:13

Yakayipembela moto Nyumba yo Mulungu, hamonga ne kaya ye likulu, hamonga ne zikaya zose ze wawaha wa mu Yelusalemi.