I Cililo 1:3 - Luganuzi Luswanu Kuli Wanhu Wose 2002

³ Nawo wanhu wa Yuda, weza wawanda lu, wono wasina wutazi wo wose. Hambi lu nha wakondya kuhamywa ku zikaya zawo. Weza wekala mu zi'si zinji, wasina hamba welecele wo wose. Wapilimwe ne walugu mbavu zose, wasina hamba nzila yo kwiponezya.

I Cililo 1:3 Referans Kwoze

I Cililo 2:9

Nayo milango yayo, mifucizwe mu malowanjila, ne makomeyo gayo gose gabenanjice. U mutemi hamonga ne wanhu wakwe, wose wali ku wuhamywe. Alu nhondo, hamba Wulajilize weza si wukwijizwa yaye, ne wawizi nawo hamba si wakutuga wugubulilwe ku wulawa kuli Muwaha Mulungu.

Ezekiyeli 5:12

Lifungu lilongozi lye wanhu wako, wofwila mwi'kaya so matamwa na so nzala, lifungu lye kejete, awo wolowulajilwa kunze ye likaya no mumaje, nawo we lifungu lye kadatu lye ndumilizo, noloweyagaziza mwi'beho liwaha, hanyuma nowatyatilila no mumaje wangu.

Yelemiya 52:15

Nayo Nebuzaladani, yakawakonghola i wanhu wose wono wali wakali wasigaye mwi'kaya, hamonga ne wazenji wanghula, hamonga na wono wamanyhila ko mutemi wa Babiloni. Wose wawa, yakawategula ku Babiloni.

Yelemiya 52:8

Ninga hamba nhavivyo, i wasilikale we Cibabiloni, wakamuwinga mutemi Zedekiya, sunga wakamwibatila mu mawimbi, behi ne yisi ya Yeliko. Ninga i wasilikale wakwe wose, wakatiza wakamuleka yali wene.

Yelemiya 39:9

Hanyuma ya zizo nayo Nebuzaladani, mono yali yo musilikale muwaha, nayo yakawa kuwasola i watekwa, mu wanhu wono wali wakali wasigaye mwi'kaya, yakawategula ku Babiloni, hamonga ne wanhu wono wali watizizi, wono wali wasigaye wono welunza nayo.

Yelemiya 24:9

Nane noloweyagaziza mu zinghugugo zose za kono'nze, ho watuje wongomezwe wubi. Ne wanhu wose wolowezwajiza no kuwahosa hamonga no kuwasekanga, no kuwalijita, ho hose hono noloweyagaziza.

Yelemiya 16:16

U Muwaha Mulungu yakutya nhavi, “Ane nowatuma wanimula somba wenji muno, waze wawanimule wanhu wawa. Hanyuma yayo, niwaceme i wapelembi wenji, waze wawapelembe mu wulawa mu matunda gose, na mu vigongo, sunga na mu zimhango ze mabwe.

Yelemiya 13:19

Hambi i makaya ga Yuda, gono gali ku lubavu lwa kutakama ge yisi ya Yuda, nha gakondya kupilimwa no wulugu, hamba hasina munhu wo wose mono kosuma kwinjila mu makaya gago kanyhi. Ne wanhu wose wa Yuda nha wakondya kusolwa, wategulwa ku wuhamywe.”

2 Watemi 25:21

mu yisi ya Hamati. Nayo mutemi Nebukadineza yakawabocela, yakawatowanga, yakawawulaga wose. I wanhu wa Yuda, wakasolwa wakahamywa mu yisi yawo.

2 Watemi 25:11

Hanyuma yuyo Nebuzaladani, yakawakunza wanhu wose wono wali wakali wasigaliye, hamonga na wono watiziza mu miwoko yo mutemi wa Babiloni, yakawategula wose ku Babiloni.

2 Watemi 25:4

Hodu, wanhu wakawa kugakumula majinji ge likaya ho weponye, hamba yiwe wasilikale we Cibabiloni, wali wakali wali baho walipilime likaya, ninga wasilikale wose wa mwi'kaya wakatiza wose ne cilo. Wakakolela mu nzila yo mulango wa haciligati ye majinji mejete, gono gadomile ku busitani yo mutemi, wakatiziza ku lubavu lwe lilolo lya Yoludani.

2 Watemi 25:5

Ninga hamba nhavivyo, wasilikale we Cibabiloni, wakamutyatya mutemi Zedekiya, wakamwibata, lono yali yafika mu yisi yono yitendemaye, behi na Yeliko. Ninga i wasilikale wakwe wose, wakamuleka wakatiza.

Wukumbucize wo Wulajilize 28:48

Holeka luno mojendelela kuwetumamila walugu wenyu wono Muwaha Mulungu kowaleka waze wamuhomenyi. Nanye modabuka muno, kanyhi mokaluka muno, kanyhi mowa kujenda cipwi, mowa mwina wanjile wuwaha muno. Nayo Muwaha Mulungu komupelenyi mikalo mikamu, sunga kolo yakumongomezenyi.

I Cililo 4:15

Sunga ne wanhu, wakawa kuwawinga wakutya, “Bitenyi ako! Hambi nha mweyavufya! Holeka muwuce, mulece hamba kucipamiza'se!” Hodu, nawo wakawa kutuluka, wakabita ako na ako mu makungugo ganji, ninga hakawa hasina hamba yunji kuko, mono yawabocela yaye.

I Cililo 5:5

Wacimasha duu, kotya cili madogowe hamba ngamiya, sunga nhondo cakatala. Ninga hamba nhavivyo, si wakucileka ciceheze yaye.