Isaya 26:3 - Luganuzi Luswanu Kuli Wanhu Wose 2002

³ Gwe go Muwaha Mulungu, kuwapelaga mulamu wono wukwilaniciye, i wanhu wono wuhile wawo wose wuli kuli'gwe kanyhi wakwitumbiye gwegwe.

Isaya 26:3 Referans Kwoze

Wafilipi 4:7

No mulamu wo Mulungu wono wucizize u wumanye wose we wanhu, womukamisenyi zinhumbula ne mahala genyu mu wilunza na Kilisito Yesu.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Yohana 14:27

“Mulamu nghumulecelenyi, mulamu wangu nghumupelenyi, si nghumupelenyi anye kotya nha vyono yinze yilavyaga. Mulece kugazika mu nhumbula, hamba mulece kwihwelela.

Zabuli 9:10

Nawo wose wono walivumilaga litagwa lyako, 'gwe go Muwaha Mulungu wawo wo wakwitumbilaga gwegwe, hambi 'gwe nha si kumutagaga yaye, u munhu wo wose mono yakukulondola gwegwe.

Walumi 5:1

Ale, vyono cakondya kunozwa, ho civumilwe hali Mulungu ko wihuwilo, holeka cilamuye nayo mu nzila yo mutwa wetu Yesu Kilisito.

Isaya 31:1

Woyi hee, kuli wose wono wabitaga kulondola wutazi ku Misili. Hambi nha wetumbiye vilungo vyo winji we wasilikale wa Misili, nha cinji, zifwalasi ne matuka go wulugu, hamonga ne wasilikale. Ninga hamba si wamwitumbiye Muwaha Mulungu, u Mulungu mono yelile wa Isilayeli, hamba si wakumulomba yawapele wutazi.

Mika 5:5

Hono Waashuli waze wayisole yisi yetu no kugabena magomawakali getu, nase cowategula watemi wetu we vilungo wakawahome.

2 Zinghomo 16:8

Ninga wule i Wakushi hamonga ne Walibiya, si wali wena mhuga mbaha muno ye wasilikale? Ninga vyono agwe wali wumwitumbiye Muwaha Mulungu, nayo yakakupela wusume wuwaha muli wene, hamba wawe wali wenji muno.

2 Zinghomo 13:18

Nhavivi vyo wasuma wanhu wa Yuda kuli Waisilayeli. Hambi nha wali wamwitumbiye Muwaha Mulungu, u Mulungu we walezi wawo.

1 Zinghomo 5:20

Akuno wali wamwitumbiye Mulungu, wakamulomba yawapele wutazi. Nayo Mulungu yakawahulika wulombe wawo, yakawapela wusume wuwaha kuli Wahajili, hamonga ne wekalani wayawo wono vyali vilunzize nawo.

Isaya 48:2

Ninga hamba nhavivyo, mukali mukwilumba mukwiyitya nha vyono anye muli we likaya lyono lyelile, na kanyhi mumwitumbiye Mulungu wa Isilayeli, mono yakucemwa yo Muwaha Mulungu we mihanga.

Isaya 50:1

Muwaha Mulungu yakutya, “Alu mukwihwesa nha vyono nali nawawinga wanhu wangu, nha vyono munhu kamupelaga mucekulu wakwe talaka? Alu ceti ce talaka ho cili hayi lo? Hamba mukwihwesa nha vyono nali nawaguza ku wuhamywe lo, nho munhu mono kaguzaga wanagwe ku wuwanda? Ng'o ye! Anye mwabita ku wuhamywe ku soko yo wubi wenyu, mwabita kuko, ku soko ye masutya genyu.”

Zabuli 119:165

Wose wono wawendile wulajilize wako, wena mulamu wono wukwilaniciye muno muno, na hasina cinji kanyhi cono cowagwisa.

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 26:12

Gwe go Muwaha Mulungu, kocimotya mu milimo yetu yose, hambi nha yo soko ye metumo gako.

Isaya 27:5

Ninga nawo i walugu we wanhu wangu, hono wasace niwadime, yiwanojeye wamule welamule nane. Heya mbeka, yiwanojeye sunga welamule nane.”

Isaya 32:18

Nawo i wanhu wo Mulungu wolowa kwikala wasina kanyhi mahwele. Na mu zikaya zawo, wolowa wena mulamu kanyhi wapolile.

Isaya 42:6

“Ane yo nene Muwaha Mulungu mono nakucema, nghakupela no wusume ho wusume kuyiwona ling'ani yikunozwa kono'nze. Nane nonozeza muli gwegwe cilagane cangu ne wanhu wangu wose. Na muli gwegwe, mo nowuletela wuzelu wubulile muli makungugo.

Isaya 42:19

Mwene howa hoyuli yunji mono yali cibofu yawucizize wubofu wo mwitumami wangu, hamba mono yali ciziwi yamucizize mwitumami wangu mono namutuma?

Isaya 49:8

Muwaha Mulungu yakuwalonjela wanhu wakwe yakutya, “Kolo lizuwa lyo kumuponyenyi lyakondya kuza, ane nomuponyenyi, nomupitulenyi cililo cenyu co kusaka wutazi. Nolomudimenyi no kumucitilenyi, hamba muwe mwali mwakondya kuwika cilagane ne wanhu wose co kusaka wutazi. Kanyhi nolomudimenyi no kumucitilenyi, so cilagane cono nacinoza ne wanhu wose muli nyenye. Nane nomuwicenyi mwikale kanyhi mu yisi yenyu yono yali lyeza yitongo.

Isaya 66:12

Nayo Muwaha Mulungu yakutya nhavi, “Ane nomupelenyi wumoteswe we cibitilila. Ne sawo ye makungugo yomuhulumilenyi nhe 'kolongo lyono si linyalaga yaye. Nanye mowa mwihwanile nho mwana mudodo, mono yakukocwa no nyina, kawa kukumbatilwa mu mawoko no kutendelwa ko wendo wuwaha.

Danyeli 3:17

Langa u Mulungu wetu mono cikumuhemba, yo kosuma kucitaza mwi'lambi lyo moto, hamonga na mu vilungo vyako.

Danyeli 3:28

Mutemi yakatya, “Yalumbwe Mulungu wa Shedilaki, Meshaki na Abedinego! Hambi nha kamutuma Malayika wakwe, kawaponya wawa wanhu wakwe, wono wakumwitumamila no kumwihuwila. Walema malajilizo gangu, wawa kwisuza wumi wawo. Wawona ciba wafwe, si nho kumuhemba mulungu yunji, langa Mulungu wawo du.

Danyeli 6:23

Mutemi yakasangalala muno muno, yakalajiliza wamulavyanize Danyeli mu mhango. Hobaho wakamulavyaniza Danyeli kunze. Nayo Danyeli vyono yali yamwihuwiye Mulungu, yakejela yasina hamba nghomele yo yose mu muwili wakwe.

Zabuli 125:1

Wono wamwitumbiye Muwaha Mulungu, wehwanile ne litunda lya Sayuni, lyono si lisinjisikaga yaye, langa lisikame vilo vyose.

Isaya 32:17

Vyono mu mapango gago, wanhu wose wolowa kwituma ze ling'ani du. Kanyhi kolowa na mulamu no wutuvu hamonga no witumbilo cibitilila.

Isaya 50:10

Nanye wose mono mumuhulice Muwaha Mulungu, no kuzihulika zinghani zo mwitumami wakwe, mumanye nha vyono mokola mu nzila yo wutitu tuku. Ninga anye mumwitumbile du Muwaha Mulungu mumwegamile Mulungu wenyu.

Yelemiya 39:18

Nolokukamisa, nagwe hamba si kolowulagwa yaye. Kolokwiponya wumi wako, vyono wali wunyitumbiye nene. Vyo nghutya ane, no Muwaha Mulungu.”