Isaya 10:3 - Luganuzi Luswanu Kuli Wanhu Wose 2002

³ Hamba monozaci kolo Mulungu yakumulipicizenyi? Hamba monoza nhawule, kolo yakumuletelenyi magazo ku wulawa ku yisi yo kutali? Hamba motiziza hayi hene mukalondole wutazi? Hamba hayi hene hono mozihundika zisawo zenyu?

Isaya 10:3 Referans Kwoze

Luka 19:44

Wolokongomeza gwegwe, hamonga ne wanago wono wali mumo. Nawo si wolokusigaziza hamba libwe limonga mucanyha mwibwe liyagwe, vyono si watanga ilipango lyono Mulungu yaziza kukuponya.”

Hoseya 9:7

Ninga cipango co wulipicizwe cakondya kuza, icipango cono wanhu wolozituga zono ziwanojeye. Kolo zizi zikwijela, Isilayeli wolozimanya, nawo wololonga watye, “Muwizi ayu yapuwile! Munhu ayu mono yakutongwa no Mulungu yena lukwale.” Anye nyo wanhu, musulile 'ne ku soko yo winji wo wubi wenyu.

Jobu 31:14

Na hono ndece kunoza nhavivyo, alu ho nolosuma wule kumulanga Mulungu? Nane ho nololongaci kolo Mulungu yakuza kuning'aniza ne?

1 Petelo 2:12

I mijendele yenyu muli wanhu wono siwamumanyile Mulungu, yinojeye yiwe miswanu muno muno, na kolo wakumuvilenyi nha muli wetuma vibi, wasume kugawona i metumo genyu maswanu, ho wamulumbile Mulungu mwizuwa lyo wuze wakwe.

Zefaniya 1:18

Na mwi'zuwa lyono Muwaha Mulungu kololajila likuwo lyakwe, fweza ne zahabu zawo zose, hamba si zolowaponya yaye, hambi i yinze yose, nha yolowa yakondya kutakamizwa no moto we likuwo lyakwe. Hambi nha kolowadumya wanhu wose wono wekaye mono'nze, ko mudumyo wo wogofye wuwaha.

Isaya 26:21

Hambi Muwaha Mulungu nha yakuza yakulawa ku wulanga ku wikalo wakwe, ho yawalipicize wanhu we yinze ku soko yo wubi wawo. No wuwulaji wose wono wetumwaga cinyele mono'nze, wose wololajilwa cagalanze. Ne yinze nayo, hamba si yolowahundika yaye wose wono wawulagwa.

Isaya 20:6

Ne lizuwa lilyo kolo likuza, i wanhu wono wekalaga mu mhwani ye yisi ye Wafilisiti, wololonga watye, ‘Alu mulanje ta, zono ziwejeleye i wanhu wono cali ciwetumbiye ho wacitaze mu miwoko yo mutemi Waashuli alu mwene mbeka ho cosuma wule kupona?’ ”

Isaya 5:26

Muwaha Mulungu kolozicemeleza ne zinghungugo zo kutali. Kolowacema walawe malanga gose ge'nze, nawo wolokuza musunho kuli mwene.

Zimbazi 11:4

Ninga wugoli hamba si wulakutaza cinji yaye mwizuwa lyo kufwa. Ninga wihuwilwa wokuponya wumi wako.

Wukumbucize wo Wulajilize 28:49

Nayo Muwaha Mulungu, komuletelenyi likungugo ku wulawilila ku mhelo ye yinze, likungugo lyono hamba ne nonga yawo, anye si muyimanyile yaye. Ne wanhu wawo womuzizenyi nha numba.

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Isaya 39:3

Hanyuma muwizi Isaya yakamubitila mutemi Hezekiya yakamuwuza yakatya, “Alu wanhu wawa walawa hayi, na kanyhi wakulonjela cici?” Nayo Hezekiya yakapitula yakatya, “Wanhu wawa, walawa yisi ya kutali muno muno, yisi ya Babiloni.”

Isaya 33:14

Ne wanhu wabi wa ku Sayuni, wose wakucicima so woga, akuno wakutya, “Mbeka ning'aniza yo Mulungu yihwanile no moto wono wunyanyaga cibitilila. Alu mukwihwesa, yunji wa muli sese kosuma kupona mu moto wuwo?”

Isaya 30:16

Ati langa mukusaka mwiponye nyo weneco kuli walugu wenyu, mu nzila yo kupanda zifwalasi zenyu mumanyhe muno, muwatize. Heya vyo yinha, hambi nye nha mukusaka mwiponye du! Mukwihwesa vyono zifwalasi zenyu zowa manyhi kuciza. Ninga mumanye nha vyono, wawo i walugu wenyu wono wakumutyatililenyi mu nyuma, wowa wamanyhi muno muno kumucizenyi nyenye.

Isaya 5:14

Hambi i yinze ye wafu, nha yiwadabuciye wene, nayo yahame mulomo wayo. Nayo yowamela i wanhu we lilumbo wa mu Yelusalemi, hamonga ne lipuga liwaha lye wanhu wayo, wono wayisangalalilaga Yelusalemi.

2 Watemi 7:15

Wanhu wawo wakatuluka wakawa kubita sunga he kolongo lya Yoludani. Na mumo mu nzila, wakawa kuwona vivwalo hamonga ne vinhu vinji vyono Wasiliya wajendaga wakuvigumila lono wali kutiza. Hodu wanhu wawo wakawuya kuli mutemi no kumuloloseza zose.

Mwamulizo 31:1

Yakobo yakawahulika wana wa Labani vyono wang'ung'ulikaga wakutya, “Lanje, ta, Yakobo vyono yakondya kwigolifya ku soko ye sawo yo sogo yetu.”

Hoseya 5:13

“Nayo Isilayeli yali yeza kuwona vyono yatamwa, nayo Yuda yali yeza kuziwona zinghomele zakwe, hodu Isilayeli yakawa kubita ku yisi ya Siliya kulondola wutazi kuli wutemi wuwaha, ninga hamba nhavivyo, nayo hamba si kosuma kuwaponya, hamba kuzinoja zinghomele zawo.

Isaya 13:6

Mulile muno! Hambi lizuwa lyo Muwaha Mulungu nha lyasejelela, lizuwa lyono u Mulungu Mudaha vyose, koleta wongomezwe.

Isaya 17:4

Muwaha Mulungu yakutya, “Lizuwa likuza lyono Isilayeli yolowusizwa wuwaha wayo. No wugoli wayo wologaluka wuwe wuciwa.

Isaya 26:14

Ninga 'lu wawo wose wakondya kufwa, hamba si wowumipa kanyhi myuhe yawo hamba si yozuka yaye, hambi agwe nha wakondya kuwalipiciza no kuwongomezeza lukulu. Hasina kanyhi hamba yunji mono kowakumbucila.

Isaya 29:6

Ninga u Muwaha Mulungu we mihanga, kolomuponyenyi anye mu mbali ze madidimo, hamonga na ze matulo ge'si. Mulungu kololeta libeho lyo mukukunzo, hamonga no moto we malambi mawaha,

Isaya 30:5

ninga i wanhu wa Yuda wolokalala vyono wali wetumbiye likungugo lyono si lyowaletela cambuzi, langa likuwagwisa du, hamba kuwapela wutazi nha vyono wali walanjiliye.”

Isaya 30:7

Hambi Misili, nha yisina wutazi wo wose hamba wudodo bwete. Si holeka nane nghayicemela yiyo Misili litagwa lya fumbo, lyono likutya, ‘Nzoka yono yisina Sumu.’ ”

Yelemiya 4:30

Woyi he kuli'gwe, 'gwe Yelusalemi! Alo nhawule wukwivwika vivwalo vye liwala lidunghu? Hamba nhawule wukwihamba no wihambo we zahabu no kwiyola mu meso gako ne lanji? Ninga wumanye nha vyono winozelezi wako wuwo, wowa nghani bwete du. Hambi i weyendi wako, nha wakondya kukubedegala, nalu wakusaka wakuwulaje.

Yelemiya 9:9

Alu'ne ho ndece kuwalipiciza so makani gago hongo? Hamba nolecelaci kwilipiciza ne likungugo lyono linha nhavivi? Vyo nghutya ane no Muwaha Mulungu.”

Yelemiya 22:7

Hambi nha notuma wanhu wabite wakayongomeze, ne wanhu wawo, woteguliza hamonga ne zinhemo zawo, wakayitemanje ne mihagata, i mibici yayo miswanu muno, wayipembele mu moto.

Hoseya 9:5

Ninga cipango cilawa kufika ce sikukuu yo kumulavizya cogopo Muwaha Mulungu, wolonoza nhawule?

Mika 7:4

Sunga no munhu muswanu muli wene, yakuwa yasina cambuzi nhe maselegwa. Ninga lizuwa lyakondya kuza, lyono Mulungu kowalipiciza wanhu, nha vyono yawasugula mu nzila ye walindilizi wawo ne wawizi wakwe, ku wulawa katali. Alu weza wali mu mahwele.

Isaya 28:20

Hambi nha mowa mwihwanile mbazi yo munhu mono yakujela kugona mu citanda cifupi muno, cono si yakusuma hamba kutambaliza ne migulu yakwe, no kwifunika bulanjeti lisisili lyono si likukwila hamba kumugubika muwili wakwe wose.

Amosi 5:19

Yolowa nha munhu mono yakumangha yakutiza simba, no kwitang'anila ne dubu! Hamba yolowa nha munhu mono yakwinjila mukaya, no kwegamika muwoko mwijinji, nzoka yiwa muluma!