Isaya 1:5 - Luganuzi Luswanu Kuli Wanhu Wose 2002

⁵ Ninga lu, ho so cici mukujendelela kumubedegala? Ane nghuwona, mukali mwendile mucile kulipicizwa. Alu mutwe wako Isilayeli, wakondya kutuga mazeya gose, nhumbula yako nayo, hamonga no mutima wako, vyose vyatimba.

Isaya 1:5 Referans Kwoze

Ezekiyeli 24:13

Gwe Yelusalemi, i metumo gako go wusenyha, gakondya kukwavufya. Nane hamba niwe najela kukweza, ninga hamba nhavivyo vyo wukali si nela yaye. Nane manyile nha vyono si kokwelela lukulu, sunga langa kolo wakondya kuwuwona wukali we likuwo lyangu.

Yelemiya 5:3

Mwene u Muwaha Mulungu kalangaga wihuwilwa, hambi nha yamutowenyi, nanye hamba kuhulika ng'o, yakamukunhulanjenyi, ninga anye mukalema ku wiyijize. Hambi nha mwali musina cihuliko, hamba si mwasaka kuwuleka wubi wenyu.

Isaya 31:6

U Muwaha Mulungu yakutya, “Anye nyo wanhu wa Isilayeli, mwakondya kunhendela wubi, hamonga no kumbedegala. Ninga aluno muwuye, mumbuyile nene!

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Yelemiya 9:3

Wene wewikanize kulonga zo wulambi du nhondo zose, wanhu wono wetujila vilungo vyo kuyitema yisi mu nzila zo wulambi. U Muwaha Mulungu yakutya nhavi, “I wanhu wangu nha wetuma wubi wityatiliye, hamba si wakuwa kumanya 'ne, vyono yo nene Mulungu wawo.”

Yelemiya 2:30

Nghamulipicizenyi, ninga wulipicize wangu wono nghamulipicizenyi, hamba si wakwila cinji yaye, nanye hamba si mwenda ho nimugomolenyi. Mukawawulaga i wawizi wenyu, mukehwana nhe simba yono yisagahaye muno.

Nehemiya 9:34

Walezi wetu, ne watemi wetu, ne walongola wetu, hamonga ne wakohani, hamba si walityatya Lilajilizo lyako, hamonga no Wulajilize wako wono wawapela.

Yelemiya 5:5

Ane, nane nowabitila wanhu, nghalongane nawo kwe vilungo, hambi awo nha wazimanyile zono u Mulungu wawo yakuzisaka, na zono u Muwaha Mulungu, yakuwasaka wene wetume.” Ninga wose wakawulema u wutemi wo Muwaha Mulungu, wakalema sunga no kumuhulika kose.

Isaya 33:24

Ne wanhu wose wono cowa cikalane nawo mu yisi yetu, hasina hamba monga mono kolo kwing'ulanza yawe kutya yatamwa, ne wanhu wose wono wokwikala mumo, wolonenelwa wubi wawo.

Isaya 9:21

Nawo i wanhu wa Manase na wa Efulayimu, wokwihoma weneco wose. Ninga kanyhi hanyuma, wokwilunza wayihome Yuda. Ninga hamba nhavivyo, likuwo lyo Muwaha Mulungu si lyoduma, yakali yawugoloye muwoko wakwe du ho yalipicize.

Isaya 9:13

Nawo wanhu wa Isilayeli, wakali du sinanena, hamba yiwe Muwaha Mulungu we mihanga yakondya kuwalipiciza, ninga hamba si wakumuwuyila ng'o.

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

2 Zinghomo 28:22

Na lono magazo gakwe Ahazi gacilaga kuwa mabi muno muno, nayo Ahazi ho yakacila muno kwituma wubi hali Muwaha Mulungu si nha halulongozi.

2 Watemi 1:13

Ninga mutemi nayo yakawuyajila kanyhi kutuma mwitumami yunji, hamonga kanyhi na wanhu wanji makumi mahano we cilume. Nayo mwitumami yuyo yakabita ko ku cigongo, yakafugama hasi, ha mwande ya Eliya, yakawa kulomba yakutya, “Gwe go munhu wo Mulungu, wumbonele lusungu, nene hamonga ne wanhu wangu, wulece kuciwulaga.

Yelemiya 13:23

Alo wukwihwesa nha vyono u munhu mutitu, kosuma kuwukawaniza wutitu we nghuli yakwe lo, hamba suwi kugapata i mawalawala gayo? Na hono yiwe yisumice, ale, na gwegwe mono wuzoweye kwituma zimbi du, kumbe kosuma kwiyijiza ku wituma ziswanu.

Yelemiya 17:9

“Alo mwene, nani 'mbi mono kosuma kuyimanya nhumbula yo munhu? Hambi nhumbula yo munhu nha yo nghoci muno kuciza vinhu vyose, kanyhi yina wutamwa wono si wosuma kuponywa yaye.

Yelemiya 44:15

Ale, baho, i wanhu wose we cilume, wono wakamanya nha vyono, wagolece zawo wayilavizya makumbiko milungu yinji, hamonga ne wacekulu wono wali wali bahalya, hamonga ne Waisilayeli wose wono wekalaga ku lubavu lwa kutakama lwe yisi ya Misili, wawa lipuga lyose, wakanonjela wakatya,

I Cililo 5:17

Holeka zinhumbula zetu zizilice. Na ku soko ya zizo, ne meso getu si gakuwona viswanu.

Ezekiyeli 34:4

Ninga hamba si muzitondowozaga yaye zono zisoceye, hamba kuzilagula, zono zitamigwe, hamba kuziwopa zono zina nghomele, hamba kuzikongholeza zono ziyagaye ako na ako, hamba kuzilondola zono zajiliye. Langa anye muzikunhulangaga du.

Ezekiyeli 34:16

“Nolozilondola zono zajiliye, nizigomole, na zono ziyagaye caka, noloziwopa bandeji, zono zina nghomele, noloziponya na zono zitamigwe. Langa zingholo zono zijinile zina ne vilungo, azo zose nolozongomezeza lukulu. Hambi ane nha yo nene u mudimi mono ketumaga ze ling'ani.