Isaya 1:3 - Luganuzi Luswanu Kuli Wanhu Wose 2002

³ Hamba ne zing'ombe, nha zimumanyile mono yazisawile, ne zindogowe nazo, zimanyile manyi manyi hanhu hono mutwa wawo kazidimilaga. Ninga woyi hee! I wanhu wangu Waisilayeli si wamanyile yaye, hamba kwizuka du bwete.”

Isaya 1:3 Referans Kwoze

Yelemiya 8:7

Sunga ne yobwa ya mu wulanga nha yigamanyile ne madaha gayo go kuwuyila kwi nhuli lyayo, sunga ne zingungulima zose, ne zisamamba, hamonga ne zinghweli nghweli, zose zigamanyila madaha gayo go kuhamila, no kubita kwikala hanhu hanji. Ninga i wanhu wangu, woyi he! Hamba si mugamanyile ne malajilizo gono ane namulajilizenyi.

Yelemiya 4:22

U Muwaha Mulungu yakutya nhavi, “Wanhu wangu walele muno muno, hambi nha si wamanyile 'ne. Wehwanile i wana wadodo wono wasina mahala, kanyhi wasina hamba wizuce bwete. Langa wene wasugu du ku wituma zimbi, ninga ku wituma ziswanu, kwawafutila.”

Isaya 44:18

Na mbeka wanhu we liwala lilyo, wapuwile, hamba si wakuzimanya bwete na zono wakwituma yaye. Hambi meso gawo hamonga ne mahala gawo, nha wafufunize, ho walece kuyimanya i mbeka.

Isaya 5:12

Na mu zi sikukuu zenyu, mwendile kutowa masumbi, ne zindonondo, ne misesele, ne fuluti, hamonga no kung'wa divayi. Ninga hamba si mwendile kwihwesa ze metumo go Muwaha Mulungu hamba kuyimanya i milimo ye miwoko yakwe.

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

Zabuli 94:8

Anye mo walele, mwihwesaje ta hadodo! Anye nanye mono musina mahala, alu ho motuga nili wizuce?

Isaya 27:11

Sunga ne manhambi ge mibici gakunyala, gakubeneka, ne wacekulu nawo wakutenya mumo ne zingwagu. Hambi i wanhu nha siwakutanga yaye, holeka nayo Mulungu u Muwumbi wawo, si kowawonela lusungu, hamba si kowanenela yaye.

2 Petelo 3:5

Iwanhu wawo, wasemwaga na vyono Mulungu yalonga, u wulanga ne yinze vikawa kuwumbwa. Ne yinze yikawumbwa ku wulawa mu malenga, na kwe malenga,

Zimbazi 6:6

Nawo i wanhu wadoba, yiwanojeye weyijizize mu nzila ye zisungusugu vyono zikalaga.

Yelemiya 10:14

Na muli zizi zose, i wanhu wakwijela walele, kanyhi wasina mahala, na wawo wono wakuvisesa vivyo vihwani, wakondya kukozwa cevu, ku soko ye vihwani vyawo, hambi i milungu yawo yono wakuyisesa, nha ya wulambi du, kanyhi yisina wehele muli yene.

Yelemiya 10:8

Wose nha walele du, kanyhi wasina mahala. Ale wene, wakwihwesa hamba wosuma kwiyijiza cicici, mumo mu vihwani lo vye mabici?

Matayo 13:19

U munhu wo wose mono yakuyihulika inghani yo Wutemi, hamba kuyizuka yaye, yuyo yo yehwanile i zimbeyu zizilya zono zagwa mu nzila, nayo u Mubi kazaga no kuyisukula ayilya yono yali yakondya kuhadikwa mu nhumbula ya yuyo munhu.

Isaya 5:13

Holeka ku soko yiyo, mosolwa mutegulwe ku yisi yo kutali so wuleka kumanya 'ne. Ne walongola wenyu wolofwa so nzala, ne wanhu wanji wose, wolofwa so nyhilu ye malenga.

Isaya 56:11

Kanyhi wehwana i mabwa malaku gono si gegutaga yaye. Na kanyhi walongola wawa, mbeka wasina hamba wizuce bwete. Hambi nha wene wose, munhu yakwituma nha vyono yakusaka mweneco du, no kulondola cambuzi cakwe du mweneco.

Ezekiyeli 16:30

Alu, azi zo yakulonga u Muwaha Mulungu yakutya, ‘Agwe Yelusalemi, wetuma zizi zose nho mucekulu musenyha mono yasina hamba cevu yaye.

Danyeli 9:11

Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Hoseya 2:8

Hamba si kosuma kumanya vyono, ane yonene mono namupela wuhemba, ne divayi, ne mafuta, ne zifweza zose, hamonga ne zahabu, vyono yetumamilaga mu wuhemba Baali.

Zimbazi 28:5

Ne wanhu wabi, hamba si wayimanyaga ling'ani yaye. Ninga wono wamuhembaga Muwaha Mulungu, wayimanyiye lukulu.

Isaya 42:20

Alu nanye Isilayeli, nha mwakondya kuziwona nghani nyinji muno, ninga wulenyi, zina cambuzici kuli'nye? Kanyhi mwina ne makutu go kuhulicila, ninga hamba si mukuzitanga yaye.”

Yelemiya 35:16

Ninga mulanje, i wana wa Yonadabu, vyono walibata no kulikamisa lilajilizo lyono sogo yawo yawalajiliza. Ninga anye nyo wanhu nye, hamba musina cihuliko kuli 'ne ng'o.

Yelemiya 50:6

“I wanhu wangu wehwanile zingholo zono u mudimi wazo yazajiliza mu matunda. Nalu wakuyega-yega nhe zingholo, wakwitananhiza mu matunda, wakondya kusemwa no kwawo kwihi.