Hoseya 9:4 - Luganuzi Luswanu Kuli Wanhu Wose 2002

⁴ Hamba siwomulavizya Muwaha Mulungu vilavywa vye divayi mumo mu zi'si zo wujenzi. Ne zindigwa zawo zolomwavufya munhu wo wose mono kolozilya, kotya nhe ndigwa ye nghunguza yo wumala lifwa. Nayo yokwitumamilwa so wigusha weneco du. Ninga hamba cinji si cokwila kumulavizya Muwaha Mulungu mu Nyumba yakwe yo wuhembelo.

Hoseya 9:4 Referans Kwoze

Hoseya 8:13

Wakundavivya makumbiko ge zinyama, no kulya weneco kanyhi zinyama zizo ze makumbiko. Ninga ane no Muwaha Mulungu singhwendezwa nawo. Naluno nowukumbucila wubi wawo, no kuwalipiciziza mu wubi wawo, nowagomola kanyhi sunga ko ku Misili!

Yelemiya 6:20

Alu nane nowa nina cambuzici, hono niwubocele wuvumba wono wakundetela ku wulawa Sheba, hamba no wudi wa mhunjile swanu wono wukulawa ku zi'si zo kutali? Nane hamba si novibocelela lukulu i vilavywa vyawo, hamba si nokwendezwa yaye ne makumbiko gawo.

Wukumbucize wo Wulajilize 26:14

Hamba si niluvizye niyilye yiyo zaka yaye, lono nili mu cililo. Hamba si niyilavizye kunze ye kaya yangu, lono nali nili mu wavufywe yaye hamba si niyilavizye liwe yikumbiko kuli wafu ng'o. Langa nghakuhulika gwegwe du go Muwaha Mulungu, nane nakondya kwituma nha vyono wandajiliza nitume, kuli zo wulavya zaka.

Yoweli 2:14

Na lunji Muwaha Mulungu wenyu, komukumbucilenyi no kukawaniza lihweso lyakwe, no kumulugutizenyi, hamonga no kumonjelezezenyi vilimwa vyenyu. Nanye ho mosuma kumulavivya vilavywa vyo wusaje ne divayi.

Hoseya 3:4

Hambi Waisilayeli, nha wokwikala vilo vinji wasina mutemi hamba walongola, wowula hamba vilavywa, hamba masumbili ge mabwe maswanu, wowula vihwani, hamba hwani bwete yo kutowela cisangu.

Ezekiyeli 24:17

Hamba cililo cako cilece kuhulikwa na yunji. Kanyhi wulece kuciwopola ne cipombelo cako, hamonga ne malatu gako ho ciwe nha citanjilo co wufwilwe wako. Hamba wulece kwigubiciza ku wusu, hamba kulya zindigwa nha zono walizaga wanhu wono wali mu wusungu wo wufwilwe.”

Yohana 6:51

Ane yo nene indigwa yo wumi, yono yatima kulawa ku wulanga, munhu wo wose hono yalye indigwa yiyi, kokwikala mumi cibitilila, ne ndigwa yono nomupela, wo muwili wangu wono nghuwulavya so wumi we yinze.”

Malaki 2:13

Ayi yo nghani yinji kanyhi yono mukwituma, mukucigubika cikumbicilo co Muwaha Mulungu kwe mahozi ge cililo cenyu, vyono mwene siyakuvibocela vilavywa vyono mukumulavizya.

Amosi 5:22

Hamba mundavizye vilavywa vinyanye na vyo 'saje, ane sinovibocela yaye, sinozibocela hamba ne zimitugo zenyu zono zijinile zono mukundavizya.

Yoweli 1:13

Ale, muvwale magunila, mulile, anye nyo wakohani mono mwitumaga ha cikumbicilo! Mubite mu Nyumba yo Mulungu mukalile cilo cose! Hambi nha heza hasina vilavywa vyo wuhemba ne divayi, vyono momulavizya Mulungu wenyu mu Nyumba yakwe.

Ezekiyeli 24:22

Ale, nanye baho ho mulanozeza zizi zono nghuzinoza 'ne. Hambi nha si mologubiciza wusu wenyu, hamba kulya zindigwa nha zono walizaga wanhu wono wali mu wusungu wo wufwilwe.

Isaya 66:3

“Hambi i wanhu nha wetumaga nha vyono wendile weneco. Hambi wene nha wakuwona co cimonga du, hono mu makumbiko gawo wawulaje ng'ombe hamba munhu, hamba wawulaje ngholo, hamba kubena singo ye 'mbwa, hamba hono walavye cilavywa co wusaje, hamba sakami ye magubi, hamba na hono walavye wuvumba, hamba wavitogoze vihwani. Heya! Wene wendile zinzila zono ziwuhodangaga wuhembi.

Isaya 57:6

Kanyhi muwa kusola ne mabwe gono gatelemeye ga mwikolongo, muwa kugahemba nha milungu. Hanyuma muwa kusola ne divayi, muwa kugalavizya cilavywa, hamonga ne vilavywa vyo wusaje. Ninga mulece kwihwesa nha vyono nane nghwendezwa ne metumo genyu gago, aa ng'o.

Wuwale 28:2

Yawalajilize Waisilayeli vyono, yiwanojeye wamulavizye Mulungu vilavywa vye ndigwa, vyono vikumwendeza, wavilavye mu vilo vyono vitemezwe kulavywa.

Walawi 21:21

Holeka munhu mono kowa yena cilema mu lulelo lwa Haluni mukohani, yuyo si kosuma kundetela cilavywa ce ndigwa.

Walawi 21:17

ya mulonjele Haluni yatye, “Mu lulelo lwako lose, munhu mono kowa yena cilema mu muwili wakwe, ayo si kowa yanojeye yandavizye cilavywa ce ndigwa. Ne nghani yiyi yinojeye yikamiswe na mu vilo vyose vyono vikuza.

Walawi 21:8

Ne wanhu, wanojeye wamuwone mukohani vyono yo munhu mono yelile, hambi nha yo kandavizyaga ane no Muwaha Mulungu i vilavywa vye ndigwa. Ane yo nene Muwaha Mulungu mono nimwezajenyi 'nye, nha nelile.

Walawi 21:6

Mwene yanojeye yawe yelile, hamba yalece kulikoza cevu litagwa lyangu. Hambi mwene nha kalavyaga cilavywa ce ndigwa kuli 'ne, holeka yimunojeye yeze yelile.

Walawi 17:11

Vyono, wumi wa muli vyose vyumi vya mono'nze, nha wuli mu sakami, na yiyi yo soko yono yikuleka Muwaha Mulungu yakulajiliza vyono sakami yose, yinojeye yitilwe mucanyha ye cikumbicilo, ho yinoze wilamule. Sakami yono wo wumi, yo yikunoza wilamule.

Wutuluce 40:23

Na mucanyha yayo, yakawa kuyijeleka viswanu mikate yono milavywe kuli Muwaha Mulungu, nha vyono yalajilizwa no Muwaha Mulungu.

Wuwale 19:11

Munhu wowose mono kowupamiza muvimba, hodu kowa yeyavufya mweneco, sunga vilo mupunghati vipulute.

Wuwale 4:7

“Hanyuma kanyhi, wasole meza ye mikate milavye kuli Muwaha Mulungu, watandice mucanyha yayo mwenda we liwala lye buluu, ho wawe kujeleka mucanyha yayo viya vyayo, nha cinji visahani vyo kuwicila wuvumba, ne vikombe, hamonga ne vidumu, vyo kujidila vilavywa vye divayi. Kanyhi yinojeye mikate yiwe miwice mucanyha ye meza nhondo zose.

Wutuluce 29:40

Nagwe wuyilavye ngholo yiyo yinongozi, hamonga na kilo monga yo wusaje, wono wunamuce muno, wono wuhanzahanze hamonga na lita monga ya mafuta malengu, hamonga na lita monga ya divayi, viwe cilavywa ce cing'wegwa.

Yelemiya 16:7

Kanyhi holowa hasina hamba munhu monga mono kololya ndigwa, hamba kung'wezana na yunji mono yafwiliywe no nduguye, ho yiwe nha yo nzila yo kumusindamika. Hamba hasina munhu monga, mono kolomuwonela lusungu, u munhu wo wose mono yafwiliywe no sogwe hamba nyina.

Danyeli 1:8

Baho Danyeli yakehwesa mu nhumbula yakwe, yakawona nha vyono sikosuma kwiyavufya, so wulya zindigwa no kung'wa divayi ya mu nyumba yo wutemi. Holeka yakawa kumulomba Ashipenazi yu yulya u muwaha we wapaswe, yamulece, yalece kulya ndigwa yono yomwavufya.

Yoweli 1:9

Hambi vilavywa vyo wusaje hamba vye divayi, vyo kulavya mu Nyumba yo Mulungu, nha vyeza vili hasina lu. Iwakohani nawo wakulila ku soko i vilavywa vyo kumulavizya Muwaha Mulungu, alu vyeza vili hasina.

Hoseya 7:16

Vyo wakali du wakuwuya ne nyuma wakundeka, wakumutyatya mulungu wo wulambi, mono yasina vilungo. Waweza si wehuwilwa hamba hadodo, waweza nha wupinde wono si wukwiliye cinji. Hambi walongola wawo, nha wakulonga ko wivuni, ninga walekaje, wolofwa cifo cibi muno, sunga ne Wamisili wolowaseka.”