Hoseya 8:1 - Luganuzi Luswanu Kuli Wanhu Wose 2002

¹ Muwaha Mulungu yakutya, “Towe ndulele lizi lye citanjilo! Hambi walugu nha wakuzumha hasi, nha numba, mu'si yangu! Wanhu wangu wabena icilagane cono nalagana nawo, wabedegala no wulajilize wangu.

Hoseya 8:1 Referans Kwoze

Hoseya 6:7

“Ninga wene weza nha Adamu, wacibena cilagane cono calagana nane.

Wukumbucize wo Wulajilize 28:49

Nayo Muwaha Mulungu, komuletelenyi likungugo ku wulawilila ku mhelo ye yinze, likungugo lyono hamba ne nonga yawo, anye si muyimanyile yaye. Ne wanhu wawo womuzizenyi nha numba.

Hoseya 5:8

Mutowe ndulele yo wulugu mu Gibeya! Ne zifuluti mu Lama! Nanye kuko ku Betaveni, mucenje so wulugu! Nanye mo wanhu wa Benyamini, mwinjile mu wihomi!

Yelemiya 4:13

Ale, wulanje ta, i walugu wakuza wenji muno wenha mavunde. Ne magali gawo go wulugu, gehwanile libeho lyono likupilima-pilima, sunga ne zifwalasi zawo, zikumangha musunho muno muno kuciza 'ndi. Woyi hee! Alu langa cajilila! Alu ho cawona wusungu!

Habakuki 1:8

“Ne zifwalasi zawo zowa zikumangha mbela mbela zicizize masuwi, kanyhi nghali, zicizize ne maminzi gono gadabuce. Ne wajendela zifwalasi wawo, wokuza wakuzimasha ku wulawa ma'si go kutali, fwalasi zawo zikwipalila hasi. Zikukola musunho muno muno kotya numba vyono yibataga mapelembo gayo.

1 Wakolinto 15:52

kwa nhinicizo, lwa kamonga, mu cipango ce ndulele ye ndumilizo. Hambi yindulele nha yololila, ne wafu wolozukulilwa mu wuwe wono si wolofwa kanyhi, baho nase ho colohundusiswa.

Matayo 24:28

Na kanyhi kuko kono kowuli u muvimba, kuko ne zindi ko zokwikongholela.”

Zakaliya 11:1

Wudigule milango yako 'gwe! Lebanoni, u moto ho wutakamize mibici yako ye mikambala!

Zakaliya 9:14

Nayo Muwaha ho kokwilajila mu wanhu wakwe koguma zi songa zakwe, nazo zobita kotya limuli. U Muwaha Mulungu yo kotowa ne ndulele. Nayo kojenda ne mbeho ye civulavumbi kuwulawilila ku takama ye yisi.

Zefaniya 1:16

lizuwa lyono limemile mazi ge zindulele zo wulugu, ne cililo co wihome we wasilikale, wakwinjila mu makaya na mu minala mitali muno.

Amosi 9:1

Nane namuwona Muwaha Mulungu yemile ha cikumbicilo. Yakanyitya, “Wutowe mu midumo ye masumbili gono gawukamizye wuhembelo, ne likumbo lyose lyosinjisika. Nagwe wugabenanjize no kugaleka gawagwile wanhu mu mitwe ye wanhu. Ne wanhu wono wasigaye ku wulugu ane nolowawulaga no mumaje. Hasina hamba munhu monga mono yalatiga, hamba yumonga mono yalapona muli wene.

Amosi 8:3

Na mwi'zuwa lilyo zinyimbo za mu kaya yo wutemi, zolowa vililo vyo wusungu wuwaha. Ne miwili ye wanhu wono wafwiye, yolowa yiyagaye caka hanhu hose. Hamba lizozo si lilahulikwa yaye.”

Amosi 3:6

Hamba ndulele yo wulugu ma, yotowa mu kaya, wanhu walece kogopa? Hamba nghani 'mbi ma, yosuma kwinjila mwi'kaya lono Muwaha Mulungu si yayitemizye?

Yoweli 2:1

Towenyi ndulele ye citanjilo mu Sayuni, mwi'tunda lyono lyelile lyo Muwaha Mulungu. Wanhu wose mono mwikaye mu Yuda, mucicime. Hambi lizuwa lyo Muwaha Mulungu nha likuza, kanyhi lyasejelela.

Hoseya 9:15

Muwaha Mulungu yakutya, “Metumo gawo gose mabi, ganziza ku Giligali. Baho nane ho nanziza kuwasula. Na ku soko yo wubi wono wetuma, nane nowawusa mu'si yangu. Hamba sinowenda kanyhi yaye. Hambi nha sunga ne walongola wawo wose, wakondya kumbedegala.

Hoseya 4:6

Wanhu wangu wongomezwa ku soko vyono si wamanyile'ne. Nanye mo wakohani si mukusaka mumanye 'ne, kanyhi mukagalema ne mafundo gangu. Holeka nane nghumulemenyi nanye, hamba si nowavumila ne wana wenyu wawe wakohani wangu.

Ezekiyeli 16:59

U Muwaha Mulungu yakulonga yakutya nhavi, “Ane nomutendelenyi nha vyono munojeye. Hambi nha mwabedegala wihuwizo wenyu, no kucibena cilagane.

Ezekiyeli 7:14

Hambi ndulele nha yololila ho yiwawikanize wanhu wose. Ninga hasina hamba munhu monga mono kololawila yabite ku wulugu yaye, hambi likuwo lyo Mulungu nha lyolowagwila wanhu wose.

Yelemiya 51:27

“Mwinule bendela hacanyha so wihomi! Mutowe ne ndulele, i makungugo ho gahulice! Mugawikanize makungugo so wulugu, wayihome Babiloni! Muwalonjele sunga ne watemi wa Alalati na Mini, hamonga na Ashikenazi, wose wenjile mu milewo. Mulete zifwalasi, ziwe nyinji muno nhe matewa ge zinzije.

Yelemiya 48:40

U Muwaha Mulungu yehuwiza nha vyono, likungugo lyolokuza, nalyo lyologuluka nha 'ndi, no kugoloza mabawa gayo mucanyha ya Mowabu.

Yelemiya 31:32

Ne cilagane cico, si colowa cihwanile ne cilagane ce katali yaye, cono nacinoza ne walezi wawo, lono nawakamisa, nghawawusa mu yisi ya Misili. Hamba niwe nali nili mulume wawo, ninga wene si wacikamisa yaye cilagane cico.

Yelemiya 6:1

Ale, mutize ho mupone, anye nyo wanhu wa Benyamini! Muwuce mu Yelusalemi. Mutowe ndulele mu Tekowa, mwinule citanjilo co moto mu Beti-hakelemu. Hambi i mabi, hamonga no wongomezwe, nha vikuza vikulawilila ku lubavu lwa kusumuka.

Yelemiya 4:5

Ale, mutowe zindulele mu yisi yose ya Yuda, muzoze muno muno. Muwalonjele i wanhu wa Yuda na Yelusalemi, watizize mu makaya gono gena magomawakali.

Isaya 58:1

Muwaha Mulungu yakutya nhavi, “Alu wuzoze kwe lizi yiwaha munghango vyono kosuma! Wuwalonjele wanhu wangu Isilayeli zo wubi wawo!

Isaya 24:5

Ne wanhu wakondya kuyavufya yinze, so wubena malajilizo go Mulungu, no kudelengula cilagane cono yacinoza, ho cikale cibitilila.

Isaya 18:3

Ale, ta, muhulicize anye wose mono mwikaye mono'nze! Hono muwone bendela yenulwa mucanyha mu vizuli vye matunda, ale mulanje! Kanyhi mweze muyihulicize ne ndulele kolo yeza kutowa!

2 Watemi 18:27

Nayo yakapitula yakawatya, “Anye mukwihwesa vyono mutemi kanhuma nize nongane na nyenye du hamonga no mutemi? Aa ng'o. Ane nghulongana sunga ne wanhu wose wono wekaye mwi'jinji mucanyha, walye mavi gawo, wang'we ne matunzi gawo, sunga na nyenye.”

Yoweli 2:15

Holeka mutowe ndulele mwi'tunda lya Sayuni, muwalajilize wanhu walece kulya cinji, wekongholele wose hamonga!

Yelemiya 34:18

Nawo i wetumami wa mu yisi ya Yuda na Yelusalemi, hamonga ne wetumami we likulu, ne wakohani, hamonga ne walongola, wose wanoza nane cilagane mu mapango gono wayidumulila ndama vipiligwa vyejete, wakakola hagati ye vipiligwa vivyo.

Yelemiya 49:22

Nawo walugu woloyihoma Bozila kotya numba yiguluce, akuno yigolose ne mabawa gayo. Na mwizuwa lilyo, i wasilikale wa Edomu, wolokwinjilwa no woga wuwaha muno, nho mucekulu mono yali mu nghunga yo lusawo.”

Ezekiyeli 17:3

ho wamanye vyono ane yo nene Muwaha Mulungu, mono nghuwalonjela vyono, baho katali, kwali na 'ndi mbaha, yono yali yina mazoya maswanu ku wulangwe, hamonga ne mabawa mawaha muno, gono gatandalaga hanhu hawaha. Ale, 'ndi yiyo, yaguluka yikabita sunga mu Matunda ga Lebanoni, na kuko, yikapanyula cisonje co mubici wo muhagata,

Ezekiyeli 11:4

Holeka 'gwe go munhu, wuwahosaje so nghani.”