Hoseya 6:1 - Luganuzi Luswanu Kuli Wanhu Wose 2002

¹ Wanhu wakutya, “Alenyi ciwuye kuli Muwaha Mulungu! Mwene yacitamisa yakondya, ninga yamanyile vyono kociponya! Yacipela zinghomele, ninga kociponya zinghomele zetu.

Hoseya 6:1 Referans Kwoze

Wukumbucize wo Wulajilize 32:39

“ ‘Alu mulanje! Ane yo nene Mulungu du nili wene, hamba hasina mulungu yunji kanyhi, langa nene du. Yo nene mono nghuwulaga, kanyhi nghuwumifya, nghutajila nghomele kanyhi nghuponya. Na hasina munhu mono konyimila muli yono nghwituma.

Jobu 5:18

Hambi Mulungu nha katamisaga, kanyhi no kulagula, miwoko yakwe yikupelaga nghomele, ninga kanyhi i miwoko yakwe yo yikukuponya.

1 Samwili 2:6

U Muwaha Mulungu kawulagaga, kanyhi kawumifyaga, kawategulaga wanhu ko ku yisi ye wafu, kanyhi kawagomola.

Hoseya 14:4

Muwaha Mulungu yakutya, “Nane nowagomola wanhu wangu wawuye kuli'ne nowenda kwe nhumbula yangu yose, hamba sinolowakolelwa likuwo kanyhi.

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Yelemiya 30:17

Hambi nha nolomugomolelenyi kanyhi u wuswanu wenyu, kanyhi nolomuponyenyi ne zinghomele zenyu, hamba i walugu wenyu wawe kutya, ‘Alu mulanje, Sayuni yakondya kulekwa hasina hamba yunji kanyhi mono yakuyitondowoza yaye.’ Vyo nghutya, ane no Muwaha Mulungu.”

Isaya 2:3

nawo wanhu wolowa kutya, “Alenyi cibite kwi'tunda ku Nyumba yo Mulungu, ku Nyumba yo Mulungu we Waisilayeli. Mwene nayo kocijiza zono yakuhila ase cizitume. Nase cojendela mu zinzila zakwe zono kohagula mwene. Hambi wulajilize wo Muwaha Mulungu, nha wulawaga ku Yelusalemi kalongaga ne wanhu wakwe ku wulawa ku Sayuni.”

Jobu 34:29

Na hono Mulungu yawe si yakusaka kwituma nghani yinji, alo nani mono kosuma kumuhosa. Na hono yawuhundice wusu wakwe, wanhu wowula wutazi.

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Yelemiya 50:4

U Muwaha Mulungu yakutya nhavi, “Ne vilo vivyo kolo vyeza kuza, wanhu wa Isilayeli hamonga ne wanhu wa Yuda, wolokuza wakulila, wakunondola ane no Mulungu wawo.

Yelemiya 3:22

Holeka anye wose, mono mwali mwakondya kumuleka u Muwaha Mulungu wenyu, alu mumuwuyilaje nhondo. Nayo komuponyenyi, no kumunozenyi muwe wehuwilwa kuli mwene. Nanye mukutya, “Heya cikuza kuli'gwe go Muwaha Mulungu, hambi 'gwe nha yo gwegwe go Muwaha Mulungu wetu.

Isaya 30:26

Nawo mwezi wolong'alala nhe lizuwa. Nalyo lizuwa lyolong'alala wung'alale wuwaha muno kali mupunghati kuciza wung'alale walyo we vilo vyose, lyolotowelela wung'alale wa vilo mupunghati mwi'zuwa lilyo limonga. Na zizi zolokwijela mwizuwa lyono Muwaha Mulungu yeza kuwawopa bandeji wanhu wakwe, mu zinghomele zono yawapela, hamonga no kuwaponya.

Yelemiya 33:5

Wanji wolokwihoma ne Wababiloni, wono wolozimevya zinyumba ne mivimba ye wanhu, wono nolowawulajila nene mwi'kuwo lyangu. Nane nakondya kulileka likaya lili, ku soko ye makani mabi, gono wakwituma wanhu wayo.

Zabuli 30:7

Gwe go Muwaha Mulungu, ku soko yo lusungu lwako, wakondya kunghamya nhe'tunda yiwaha. Ninga hamba nhavivyo, wukehundika kutali nane, sunga nane nghawa kwanza kutuga woga.

Yelemiya 30:12

U Muwaha Mulungu yakuwalonjela i wanhu wakwe yakutya nhavi, “Alu mulanje ta, ne zinghomele zenyu hamba si zikunoga yaye, no wutamiswe wenyu hamba si wukulagulwa ng'o.

Isaya 30:22

Nanye movisola vihwani vyenyu vyose vyono vihiliwe fweza, hamonga na vyono vihiliwe zahabu, muwe kuvitaga kutali, nha cinhu ca cikomaza, akuno mukuzoza mukutya, “Wuce ha meso gangu!”

Zefaniya 2:1

Anye nyo likungugo lyono lisina cevu, ale mwikongholelaje hamonga,

1 Samwili 7:3

Nayo Samwili yakawalonjela Waisilayeli yakawatya, “Hono muwe mbeka mukumuwuyila Muwaha Mulungu, kwe zinhumbula zenyu zose, ale munojeye muwusize lukulu milungu yenyu yose ye cijenzi, hamonga ne vihwani vyose viseswe vye cihwani co mulungu we cicekulu Asitaloti. Mwiyilavizye lukulu nyo weneco kuli Muwaha Mulungu, mumuhembe mweneco yali wene du. Nayo komuponyenyi mu miwoko ye Wafilisiti.”

Jobu 16:9

Yawusalangulanga muwili wangu kanyhi yanuguliye kwe'kuwo

Zabuli 6:2

Wumbonelaje lusungu, 'gwe go Muwaha Mulungu, hambi ane nha nili musocele, holeka wumhonye 'gwe go Muwaha Mulungu, hambi nha nghucicima sunga mo mu mafupa mugati.

Zabuli 71:20

Kundetela magayo menji mabi, ninga hamba yiwe nhavivyo, agwe komhela kanyhi wumi no kunyinula.

Muganuzi 3:3

cipango co kuwulaga, ne cipango co kuponya, cipango co kumwagula, ne cipango co kuzenga,

Isaya 17:7

Ne lizuwa lilyo kolo likuza, i wanhu wolomuwuyila Muwumbi wawo u Mulungu mono yelile wa Isilayeli wakulondola wutazi.

Yelemiya 33:6

“Ninga hamba nhavivyo, nololiponya likaya lili, hamonga ne wanhu wayo, no kuwaleka wekale ne miwili miswanu. Nane nolowalajila zo mulamu, na ze mikalile yono yipolile.

Yelemiya 50:5

Nawo woloyiwuza nzila yono yibitile ku Sayuni, nawo woloyityatya. Wolonoza cilagane ce cibitilila, cono hamba si wolocibena kanyhi yaye.”

I Cililo 3:11

Kanghundujiziza ha mhelo ye nzila, kanhemasha nha nili nyama, kawa kundeka baho.

Hoseya 11:10

“Wanhu wangu wolonhyatya kolo nghukoloma nha simba kuli walugu wawo. Wolonyiziza musunho ku wulawa ku lubavu lwa kumwezi.

Hoseya 12:6

Holeka anye nyo lulelo lwa Yakobo, mwitumbilenyi Mulungu wenyu, kanyhi mumuwuyile mwene. Mweze ne cihuliko, kanyhi mweze muli ling'ani, akuno mumulindiye Mulungu ko wukangalizi, nhondo zose.

Walawi 14:48

Na hono mukohani yaze yayilanje kaya yiyo, nayo yawone vyono mumvulya si wuwuyajiye kanyhi yaye, hodu mukohani yayanze kaya yiyo vyono yakondya kwezwa. Hambi mumvulya nha wakondya kuwucila lukulu.

2 Zinghomo 30:6

Nawo wanhu wono watumwa no mutemi hamonga ne wetumami wakwe, wakawa kutuluka kubita ku wulalici, mu yisi yose ya Yuda na Yelusalemi. Wakatumwa wakawalonjele wanhu vyono mutemi yakutya, “Nye nyo wanhu wa Isilayeli, mono mwapona mu miwoko ye Waashuli, wono wayisuma yisi. Aluno mumuwuyile Muwaha Mulungu, u Mulungu wa Abulahamu, na Isaka na Yakobo, nayo komuwuyilenyi.

Jobu 22:23

Na mbeka, yikunojeye winenenyheze, wumuwuyile Mulungu, wagalecele lukulu mabi gose, gono getumwa mu kaya yako.

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.