Hoseya 5:1 - Luganuzi Luswanu Kuli Wanhu Wose 2002

¹ “Ale, muhulicize zizi, anye mo wakuhani! Muhulicize nyo Waisilayeli! Muteje makutu genyu anye nyo we nyumba yo mutemi! Hambi nha munojeye nyenye mulavye ning'aniza ye mbeka. Ninga alu, wuling'anizwe womuwuyilenyi nyenye nyo weneco. Hambi nha mweza muli mutego ku Mizipa, no lwavu lono lugoloywe mwi'tunda lya Taboli.

Hoseya 5:1 Referans Kwoze

Hoseya 9:8

Ninga Mulungu yanhuma ane nha muwizi, ho niwakaje wanhu wakwe Waisilayeli. Ninga ho hose hono nghubita, anye mukujela kunhega kotya ndeje. Sunga na mu Nyumba yo Mulungu yo wuhembelo, i wanhu wayo, wo walugu wo muwizi.

Mika 7:2

Hasina munhu mwihuwilwa mono yasigaye mu'si, hamba munhu mono yali cihuliko hali Muwaha Mulungu. Munhu wo wose kalondolaga cilejeho ho yetume zo wuwulaji. Munhu wo wose kamupelembaga nduguye ho yamugwize.

Mika 3:9

Ale muhulicizaje anye nyo watemi wa Isilayeli, na anye wose mono muyisulile ling'ani, no kuyipitulanya imbeka liwa yisutya.

Hoseya 6:9

Ne wakohani wenha litewa lye wahizi wono watejeye munhu wamwibate. Wakwituma zo wuwulaji, sunga ko ku hanhu hono helile ku Shekemu. Kanyhi wakwituma wubi wuwo ne nyono du.

Walamuzi 4:6

Zuwa linji yakatuma wanhu wabite wamucemele Balaka u mwana wa Abinowamu mono yekalaga mwi'kaya lya Kedeshi mu yisi ya Nafutali, yakamulonjela yakamutya, “U Muwaha Mulungu u Mulungu wa Isilayeli, kakulajiliza yakutya nhavi, ‘Wusole wanhu we cilume elufu yikumi, ku wulawa mu mulango wa Nafutali, na Zabuloni, wuwategule sunga kwi'tunda lye Taboli.

Malaki 2:1

U Muwaha Mulungu we mihanga yakuwalonjela wakohani yakutya, “Lilajilizo lyenyu lyo lino. Munojeye munyogope nene muli zose zono mukwituma.”

Amosi 7:9

Ne hanhu hono lulelo lwa Isaka wahembelaga, naho holo kongomezwa. Ne hanhu hose hono helile ha Isilayeli, holekwa matongo du. Nane noloyidumya ne mhuga yo mutemi Yelobowamu.”

Hoseya 10:15

“Azi zo zilejela kuli'nye wanhu wa Beteli, ku soko yo wubi wenyu wono mwetuma. No wihomi wulawa kwanza, mutemi wa Isilayeli kolowulagwa.”

Hoseya 4:1

Muwaha Mulungu, yena nghani yo kuwahosa wanhu wono wekaye mu'si ayi. Muhulicize, Isilayeli, muli zizo zono yakulonga, “Kweza kusina wihuwilwa hamba lusungu mu'si, ne wanhu hamba si wakumanya 'ne vyono nili Mulungu.

Malaki 1:6

Muwaha Mulungu we mihanga yakuwatya wakohani, “Mwana kamogopaga sogwe, no mutumwa nayo kamogopaga u muwaha wakwe. Ane nili sogo yenyu, alu nhawule si mukunyogopa? Nane ho nili mutwa wenyu, alu nhawule nha si munyogopile, langa mukunyihepa? Akuno kanyhi mukuwuza ti mukutya, Cikukwihepa wule?

Mika 3:1

Ale muhulicize, anye nyo walongola wa Isilayeli! Yinojeye kuli'nye muyimanye ling'ani,

Hoseya 13:8

Nane nomuhungucilenyi nhe dubu lyono litajile wana wayo, kanyhi nomudemulanjenyi. Nomuhawanjenyi kotya simba, no kumudemulanjenyi vidodo vidodo kotya nimu ya mu mbago.

Yelemiya 46:18

Ane yo nene u Muwaha Mulungu, we mihanga, yo nene mutemi kanyhi yo nene Mulungu mumi. Nha vyono yinha minala ye litunda lya Taboli, yigasulutiye matunda kucanyha, na vyono litunda lya Kalimeli, nalyo lijeye mucanyha ye lilenga, Ale, ne vilungo vya mono yakukuhoma, vyo vyowa vinha.

Yelemiya 13:18

U Muwaha Mulungu yakanonjela kanyhi yakatya, “Wubite wumulonjele mutemi, hamonga no nyina, wawuce mu magoda gawo go wutemi. Hambi i vipombelo viswanu mu mitwe yawo, nha vyakondya kuwopozwa mu mitwe yawo.

Yoweli 1:2

Hulicizenyi ta, anye nyo wakombi, sunga nanye wose mono mwi'kaye mu'si ya Yuda, muhulicize. Wulenyi hono mukulanga, zono zinha zizi zowa zejela 'mbi mu vilo vyenyu hamba lunji mu vilo vye walezi wenyu?

Walamuzi 4:12

Nayo Sisela yali yeza kumanya nha vyono Balaka yakondya kubita mwi'tunda lya Taboli,

1 Samwili 7:5

Hanyuma, Samwili yakawa kuwacema Waisilayeli, wekonghole wose hamonga ku Mizipa, yakawa kuwalonjela yakutya, “Ane nomulombelenyi kuli Muwaha Mulungu kuko ku Mizipa.”

1 Samwili 7:6

Wose wakawa kwihanguliziza kuko ku Mizipa. Wakanega malenga, wakagapulinhya hali Muwaha Mulungu, cikawa nha cilavywa kuli Muwaha Mulungu, kanyhi wakaleka no kulya mwi'zuwa lilyo. Wakalonga wakutya, “Ase cakondya kumusutizya Muwaha Mulungu.” (Samwili yakawa mulamuzi muli Waisilayeli baho ha Mizipa.)

1 Samwili 7:16

Nayo mu myaka yose, yapilimaga ku Beteli, na Giligali, na Mizipa, no kuwalamula Waisilayeli mu zinghani zawo.

Yelemiya 11:7

Hambi nha nawahomelela no kuwasugula i walezi wawo, lono nawawusiza mu yisi ya Misili, vyono yiwanojeye wahulice'ne. Kanyhi hamba si naduma baho du, langa najendelela kuwasugula wanhu sunga nalu.

Amosi 3:1

Muhulicizenyi nghani ayi, anye nyo wanhu wa Isilayeli yono Muwaha Mulungu yayilonga kuli'nye, anye nyo we likungugo lyose lyono yaliwusa ku Misili yakatya,