Hoseya 4:5 - Luganuzi Luswanu Kuli Wanhu Wose 2002

⁵ Vyono cilo na misi, anye mwikalaga mukuhodanga du, sunga ne wawizi nawo si wakwituma ziswanu. Nane nomongomeza u nyina yako, 'gwe, Isilayeli.

Hoseya 4:5 Referans Kwoze

Hoseya 2:2

Wanangu, mumunene nyina yenyu hamba yiwe mwene, yaweza si mugolece wangu, nane neza si nili mulume wakwe. Mumunenaje yalece zinghani zakwe zo wusenyha, no wumalaya wakwe.

Yelemiya 15:8

Sunga nalu mu yisi yenyu, mowali wacekulu wenji muno i wafwile, no winji wawo winha nho musawawa wa mwi'lenga. Kanyhi nghawawulaga i wazelelo wenyu mu wuzelelo wawo, nghawatajila mu wusungu wuwaha i wanyina zawo. Nghawapela wusungu musunho, hamonga no wogofywe.

Wagalatiya 4:26

Ninga Yelusalemi ya ku wulanga, lye'kaya lilelele, nayo yo nyina yetu ase.

Zakaliya 13:2

Kanyhi mu vilo vivyo, nolowusa ne matagwa ge milungu ye vihwani yono yili mu yisi, na holowa hasina yunji wo wose mono kolosuma kujikumbucila kanyhi. Nolowawinga wose wono wakwinoza wawizi wo wulambi, no kuwawusiza wuhile wuwo i wahemba vihwani.

Zakaliya 11:8

Nghawa sina witumbilo kuli wadimi wadatu wa ha mwamulizo, wono wakasula muno ho baho nane nghawa kuwawusa wose mu mwezi monga.

Yelemiya 50:12

Ninga, likaya lyenyu liwaha, lyonyetywa no kukozwa cevu. Nayo Babiloni, yolowa yo ya kunyuma muno muno si nhe makungugo gose. Yolonyala, yiwe nyika yono yisina malenga.

Yelemiya 23:9

Nye nhumbula yangu yapaya si, sunga nalu, neza kucicima. Neza nho munhu mono yagalile wujimbi, nho munhu mono yang'weye divayi nyinji muno, ku soko yo Muwaha Mulungu, na ku soko ye zinghani zakwe zono zelile.

Isaya 50:1

Muwaha Mulungu yakutya, “Alu mukwihwesa nha vyono nali nawawinga wanhu wangu, nha vyono munhu kamupelaga mucekulu wakwe talaka? Alu ceti ce talaka ho cili hayi lo? Hamba mukwihwesa nha vyono nali nawaguza ku wuhamywe lo, nho munhu mono kaguzaga wanagwe ku wuwanda? Ng'o ye! Anye mwabita ku wuhamywe ku soko yo wubi wenyu, mwabita kuko, ku soko ye masutya genyu.”

Ezekiyeli 14:3

“Gwe go munhu, i wanhu wawa, wakondya kuvyenda vihwani ne mitima yawo yose, navyo vyo vikuwatonga ku wituma wubi. Alu wakwihwesa vyono ane nane ndahile kuwapitula hongo?

Hoseya 2:5

hambi wene nha wana wo mucekulu malaya, mono yasina hamba cevu. Hambi nha yalonga mweneco yakatya, “Nane nobita kuli wono wanyendile wono wakumhela ndigwa ne malenga, no wusinga, no wuhamba, hamonga ne mafuta ne divayi.”

Hoseya 5:5

No wiwoni we Waisilayeli, wukuhomelela muli wene. No wubi wawo wukuwakobaza no kuwagwisa, ne wanhu wa Yuda wakugwizana hamonga nawo.