Hoseya 4:16 - Luganuzi Luswanu Kuli Wanhu Wose 2002

¹⁶ Wanhu wa Isilayeli wakamu, wehwanile nyumbu. Alu, nane ho nowadima nhawule nha ngholo, mwi'lolo?

Hoseya 4:16 Referans Kwoze

Zakaliya 7:11

Ninga i wanhu wangu wangu wakawa wali cibede siwakasaka hamba no kuhuliciza, wakadinda ne makutu gawo ho walece kuhulika,

Hoseya 11:7

Wene wakucila kuwuya ne nyuma. Ninga wololila ku soko yo lubano lono luli muli wene, hamba hasina munhu mono kololuwusa muli wene.

Yelemiya 14:7

Nawo i wanhu wangu, wakundilila wakutya, ‘Hamba wuwe u wubi wetu wukucihomelela, ninga 'gwe go Muwaha Mulungu wucitazaje du, nha vyono gwegwe wehuwiza. Na mbeka, ase cikulecile kali kenji du, na kanyhi cituma wubi hali'gwe.

Yelemiya 8:5

Ninga anye 'lu, nhawule vyo mukali du muvidindimiye i vihwani vyenyu viseswe, hamba si mukusaka kumbuyila ng'o.

Yelemiya 7:24

Ninga wene si wahulika 'ne, hamba kuzicelelela bwete, zono nawalonjela. Wene waketuma zimbi vyono wasakaga weneco mu zinhumbula zawo. Wakacila kuwa wabi muno, wakawuka ku wuswanu.

Yelemiya 5:6

Na yiyi yo soko yono yoleka simba zilawe mu mbago zize ziwawulaje, nago maminzi gololawa mu nyika gaze gawahawanje no kuwalubutula mhonje mhonje. Nago masuwi golokwiwendya-wendya mu zikaya zawo. Nawo wanhu hono waze walawile kudeha, gaze gawahawanje nhugu nhugu, hambi u wubi wawo nha winji muno. Nawo wakacila kumuleka Mulungu yizuwa ne'zuwa.

Yelemiya 3:11

Hanyuma kanyhi, u Muwaha Mulungu yakanonjela, nha vyono, hamba yawe Isilayeli yali yakondya kumuleka, ninga hamba nhavivyo, kelajila nha vyono yali ling'ani si yenha Yuda mono si mwihuwilwa.

Yelemiya 3:8

Nayo Yuda, yaziwona, nha vyono nakondya kumuleka Isilayeli, namupela talaka, na vyono namuwinga, ku soko yandeka 'ne, no kuzityatya zo wusenyha. Ninga nayo Yuda munghalo lumbulye Isilayeli mono si mwihuwilwa, nayo hamba si yatuga woga yaye. Langa nayo yakawa musenyha,

Yelemiya 3:6

Kanyhi mu vilo vyo mutemi Yosiya, u Muwaha Mulungu yakanonjela yakatya, “Alu wule, waziwona zono yetumile Isilayeli, mono si mwihuwilwa? Hambi nha yakondya kundeka 'ne, kawa kubita mu matunda matali gose, na hasi ye mabici gose gono gena mahamha gadedewaye, kawa kwituma zo wusenyha wakwe.

Isaya 22:18

Mbeka kokutondola nha mupila wo kubana, yakutaje ku yisi ngazi muno. Nagwe kolofwila kuko du, behi ne matuka gako go wulugu gono wukwidunhumulila. Hambi nha wukuyikoza cevu kaya yo muwaha wako.

Isaya 5:17

Nazo zinyana ze zingholo, hamonga ne zinyhinda, hamonga ne zinyehe, zolotuga wudimilo we mahanze mumo mu matongo ge makaya gago.

1 Samwili 15:11

“Nghukalala muno muno vyono namunoza Sawuli yawe mutemi, hambi 'lu nha yakondya kundeka, kanyhi yakondya kugabedegala ne malajilizo gangu.” Nayo Samwili yakawa kukolwa ne likuwo. Na mu cilo ci cilya cose, yakagona yakulomba kuli Muwaha Mulungu.

Walawi 26:33

Noleta wulugu muli'nye, kanyhi nomwiyagazenyi mwiyagalile mu zi'si zo wujenzi. Ne yisi yenyu yowa matongo, ne makaya genyu golekwa gagwiye caka.

Zabuli 78:8

Walece kuwa nha vyono wali i walezi wawo, wono wali wabedegazi kanyhi wafyuzi, lulelo lono lusina wulunji we nyikala, wono wukamile, u lulelo lono lusina wihuwilwa kuli Mulungu.

Isaya 30:23

Nanye kolo mwahadika zimbeyu mu migunda yenyu, Muwaha Mulungu komutonyezezenyi mvula ho zicindice, no kumuletelenyi nhwanga mbaha muno. Ne mitugo zenyu zowa no wudimo winji muno.

Yelemiya 31:18

“Kanyhi hulika i wanhu wa Isilayeli wakulonga ko wusungu wuwaha wakutya, ‘Gwe go Muwaha Mulungu, ase, cali cihwanile nhe ndama, yono si mbope no lufungo, ninga wacifunda ciwe ne cihuliko. Holeka luno, wucigomole kuli'gwe, nase nha ciwikanize cikuwuyile gwegwe du, go Muwaha Mulungu, go Mulungu wetu.

Hoseya 10:11

“Nayo Isilayeli yenha ndama yono yakondya kwijizwa, yono yendile kutowa wuhemba, ninga nghwihwesa vyono, ciba niyiwicile lubano mu singo yayo swanu, ho niyitonje yisume kwituma mulimo muwaha. Nomunoza Yuda yawe yo mukwega lisili, nayo Isilayeli yawe yo mutulanga malowanjila mu nyuma yo muyagwe.”

Hoseya 11:6

No wulugu wolokwinjila mu makaya gawo, no kugabenanga i malango ge likaya lyawo, wulugu wolowongomeza.”