Hoseya 13:2 - Luganuzi Luswanu Kuli Wanhu Wose 2002

² Sunga nalu wakucila kwituma wubi, wakwinozeza vihwani ho wavihembe. Wakwinozeza vihwani vya fweza, vinozwe ne miwoko ye wanhu kwe mahala gawo weneco. Nawo wakutya, “Ale muvilavizyaje makumbiko!” Alu wanhu ho wovinonela wule vihwani vivyo, i vihwani vyono vine futa ye zindama!

Hoseya 13:2 Referans Kwoze

Hoseya 2:8

Hamba si kosuma kumanya vyono, ane yonene mono namupela wuhemba, ne divayi, ne mafuta, ne zifweza zose, hamonga ne zahabu, vyono yetumamilaga mu wuhemba Baali.

Isaya 46:6

Wanhu wawopolaga vifuko vyawo wawa kumwaga zahabu hasi, wakuwa kupima fweza mu vipimo. Hanyuma wawa kumutuga mutyani yawatyanile mulungu, hanyuma wawa kwinama ha mwande yo mulungu yuyo wawa kumuhemba!

1 Watemi 19:18

Hamba nhavivyo, nane nosigaza wanhu elufu mupunghati mu Isilayeli, wono wanyogopile nene, kanyhi wono si wamuhembaga Baali, hamba kucinonela ne cihwani cayo.”

Yelemiya 10:4

no kuhambwa kwa fweza na zahabu, na hanyuma wawa kuwukomelela misumali, ho wulece kudegandega.

Walumi 11:4

U Mulungu yamupitula Eliya yakamutya nhawule? Yamutya nhavi, “Nisigazize wanhu elufu mupunghati, wono wakali si namuhemba Baali.”

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

Walumi 2:5

Ninga so wukamu ne cibede ca mu nhumbula yako, wukwiwicila go mweneco ilikuwo, kwi'zuwa alilya lyono ilikuwo lyo Mulungu lyono lina i ning'aniza ye ling'ani lyologubulwa.

Hoseya 11:6

No wulugu wolokwinjila mu makaya gawo, no kugabenanga i malango ge likaya lyawo, wulugu wolowongomeza.”

Hoseya 10:1

Waisilayeli wali wenha kotya nha muzabibu wono wulelile zabibu nyinji muno. Mu nghango yo wumoteswe wawo, yikawa yo nghango yo wonjeleze wo kuzenga vikumbicilo vinji. Na mu nghango yo wulezi we yisi yawo vyono wali winha, ale, yo nghango yo wuswanu we masumbili ge mabwe maswanu gono wanoza, gono wahembaga.

Hoseya 8:6

No munhu munghula mu Waisilayeli, yo munoza cihwani. Ninga yiyo ndama ye zahabu, yono wakuyihemba kuko ku Samaliya, yolobenanjizwa-benanjizwa tici-tici.

Hoseya 8:4

“Wanhu wangu wakwihagulila watemi, ninga wakwituma zizi wali wene. Wakwiwicila wawaha hamba kwilumbaniza nane ng'o, wakusola fweza zawo na zahabu, wawa kunoza vihwani so wongomele wawo weneco.

Isaya 46:8

“Holeka anye nyo wabi, muzikumbucilaje zi zino, muzihwese zono nakondya kwituma.

Isaya 45:20

Muwaha Mulungu yakutya nhavi, “Ale! Mwikongholelaje hamonga, anye nyo wanhu we makungugo gose, wose mono muponile mu wugwe wo wutemi wa Babiloni, muze wose ku wuling'anizwe! Anye nyo wanhu mono mudinghulaga vihwani vyenyu vye mabici viseswe, muwa kulomba kuli milungu yono si yomuponyenyi yaye. Anye nyo wanhu walele!

Isaya 30:1

U Muwaha Mulungu yakutya, “I walongola wono watemile mu yisi ya Yuda, wose wali mu wongomezwe du, hambi nha wambedegala'ne. Wene 'mbi nha wakwituma zono zili mu mahweso gawo du, zono ane si niwakomboye wazitume. Kanyhi wakwilumbaniza no wilumbanize wono ane si niwakomboye wawunoze. Wakucila konjeleza wubi mucanyha yo wubi wunji.

Isaya 1:5

Ninga lu, ho so cici mukujendelela kumubedegala? Ane nghuwona, mukali mwendile mucile kulipicizwa. Alu mutwe wako Isilayeli, wakondya kutuga mazeya gose, nhumbula yako nayo, hamonga no mutima wako, vyose vyatimba.

Zabuli 2:12

hono mulece kunoza nhavivyo, mwene kosimba nanye mokongomezwa, hambi likuwo lyakwe nha lyakaga nhinicizo. Nyemo mbaha kuli wose wono wakwihundika muli mwene!

2 Zinghomo 33:23

Kanyhi si yali yehwanile sogwe mono yenenenyheza, yakamuwuyila Muwaha Mulungu. Mwene Amoni, yetuma wubi muno kuciza no wubi wono sogwe yetuma.

2 Zinghomo 28:13

Holeka nawo wakawalonjela wasilikale wawo, wakawatya, “Mulece kuwaleta wawo wafungwa akuno! Hambi ase mbeka nha cakondya kwituma wubi hali Muwaha Mulungu, sunga nalu cakondya kumukoza likuwo, nalu, yewikanize yacilipicize. Nalu kanyhi mukusaka mwitume nghani yinji yono yowonjeleza wubi wetu.”

1 Samwili 10:1

Hobaho Samwili yakawa kusola cupa ye mafuta, yakawa kumwitila Sawuli mu mutwe, hanyuma yakawa kumunonela, yakamutya, “Muwaha Mulungu kakwitila mafuta, ho wuwe mutemi muli wanhu wakwe wa Isilayeli. Kotema muli wanhu wakwe, kanyhi kowacitila muli walugu wawo. Naco aci co citanjilo kuli'gwe, cono cikukulajila vyono Muwaha Mulungu yo yakuhaguye wuwe mutemi muli wanhu wakwe.

Wuwale 32:14

Alu nanye mwazihalila ze walezi wenyu, anye nyo lulelo lupya, lulelo lwe wanhu wabi, mwewikaniza nanye mulilete kanyhi likuwo liwaha lyo Muwaha Mulungu kuli Waisilayeli.

Yelemiya 10:8

Wose nha walele du, kanyhi wasina mahala. Ale wene, wakwihwesa hamba wosuma kwiyijiza cicici, mumo mu vihwani lo vye mabici?

Hoseya 4:17

I wanhu wa Efulayimu, wasumigwe ne vihwani. Holeka lece vyajililane kuko.

Hoseya 8:5

Ane si nghucisacila lukulu cihwani ce ndama ye zahabu, yono wakuhemba wanhu we likaya lya Samaliya. Ngholigwe ne likuwo muno muno ku soko yawo. Alu mwene wojendelela sunga nili ho waze walece wuhemba vihwani vyawo?

Hoseya 10:5

Ne wanhu wono wekaye mwi'kaya lya Samaliya, wotuga woga no kulila so wajilize we ndama ye zahabu ya ku Beteli. Wene hamonga ne wakohani wono wacitumamilaga cihwani cico, wolocililila muno. Wololila walaza kuwa wawusizwa nhojo yawo yo lukumyo.

Hoseya 14:3

Hambi Ashuli nha sikociponya yaye, hamba fwalasi zo wulugu sizosuma kucitaza. Hamba sicolotya kanyhi kuli vihwani vyetu vye milungu, vyono vyene yo Mulungu wetu. Gwe Muwaha Mulungu, wulajile lusungu kuli wawo wono wasina ku wubito.”

Isaya 44:11

Hambi nha munhu wo wose mono kocihemba, nha kokolwa soni. Nawo wanhu wono wakusesa vivyo vihwani, nha wanhu du, wono wasina cinji co cose. Holeka anye muwalekaje du, hambi nha wose wolokwima ha wuling'anizi, nawo wolokogofywa muno no kukolwa cevu.

Yelemiya 8:5

Ninga anye 'lu, nhawule vyo mukali du muvidindimiye i vihwani vyenyu viseswe, hamba si mukusaka kumbuyila ng'o.

Hoseya 11:2

Ninga nha vyono nacila kumucema, nayo vyo yakacila kundeka no kutyatya zakwe. I wanhu wangu wakawalavizya makumbiko Mabaali, wakafusiza wuvumba ivihwani.