Hoseya 12:2 - Luganuzi Luswanu Kuli Wanhu Wose 2002

² Nayo Muwaha Mulungu, yena nghani yono yakuhila kuleta kuli wanhu wa Yuda, na kanyhi kowalipiciza Waisilayeli, ku soko ye metumo ge wanhu wayo. Mwene kolowalipa so wubi wawo wono wetuma.

Hoseya 12:2 Referans Kwoze

Mika 6:2

Anye nyo matunda, nanye nyo misinji ye cibitilila ye yinze, muhulicize calo co Muwaha Mulungu kuli'nye, Muwaha Mulungu yena calo kuli wanhu wakwe, mwene yakubita kuyileta nghani yo kwilolosa kuli Isilayeli.

Hoseya 4:1

Muwaha Mulungu, yena nghani yo kuwahosa wanhu wono wekaye mu'si ayi. Muhulicize, Isilayeli, muli zizo zono yakulonga, “Kweza kusina wihuwilwa hamba lusungu mu'si, ne wanhu hamba si wakumanya 'ne vyono nili Mulungu.

Isaya 10:6

Nowategula Waashuli wakalihome likungugo lyono lisina cihuliko, wono wanghoza likuwo. Nowategula wakasole vinhu mateka, kanyhi wakahize no kuwakanyanjiza wanhu kotya nhope mu zinzila.”

Wagalatiya 6:7

Mulece kukongwa, u Mulungu si wakunozeza nzwaji. Cono u munhu yakucihadika, co cico du co kolodudula kanyhi.

Walumi 2:6

Mwi'zuwa lilyo, u Mulungu, kolomulipa munhu wo wose nha vyono genha imetumo gakwe.

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

Hoseya 8:13

Wakundavivya makumbiko ge zinyama, no kulya weneco kanyhi zinyama zizo ze makumbiko. Ninga ane no Muwaha Mulungu singhwendezwa nawo. Naluno nowukumbucila wubi wawo, no kuwalipiciziza mu wubi wawo, nowagomola kanyhi sunga ko ku Misili!

Hoseya 4:9

Ninga mulanjilile! Nanye motuga wulipicizwe wuwo du wono wanhu wolipicizizwa. Nomulipicizenyi ho mulipe mabi gose gono mukwituma.

Hoseya 2:13

Nolomulipiciza ku soko ye cipango cono yakasemwa 'ne, lono yafusaga wuvumba kuli Baali, no kuvwala wihambo wo wuguzi wukamu, no kuwatyatya wendece wakwe. Vyo yakutya Muwaha Mulungu.

Yelemiya 25:31

Ne lizi lyakwe lyolobocelela sunga ko ku zimhelo ze yinze. Hambi u Muwaha Mulungu, nha yakwisumaniza ne makungugo. Nayo kolowaleta wanhu wose ha wuling'anizwe, yawasole i wanhu wabi yawawulaje. Vyo yakutya u Muwaha Mulungu.”

Isaya 59:18

Kolowalipiciza i walugu wakwe mu nghango ya vyono wetuma, hamonga na wose wono wekaye mu zi'si zo kutali.

Isaya 24:21

Nalyo lizuwa likuza, lono Muwaha Mulungu kolowalipiciza mapuga ge wawaha, gono gali kucanyha, hamonga ne watemi we yinze wono wali mono'nze.

Isaya 10:12

Kanyhi u Muwaha Mulungu yakutya nhavi, “Ninga nane kolo nakondya kuzinoza mwi'tunda lya Sayuni na mu Yelusalemi, nolomulipiciza u mutemi wa Ashuli ku soko yo widunhumuzi wakwe no wiwoni wakwe wose.”

Isaya 3:11

Ninga woyi he, kuli wanhu wabi, hambi nha wolopegwa wulipicizwe, nha vyono wene nawo wawatendelaga vibi wayawo.

Hoseya 9:9

Weyihodanga muno ku soko yo wubi wono wetuma lono wali wali ku Gibeya. Ninga Mulungu kowukumbucila wubi wawo, nayo kowalipiciza ku soko yo wubi wawo.

Hoseya 7:2

Hamba siwakwihwesa mu zinhumbula zawo, vyono nowukumbucila wubi wuwu wose, no wubi wawo wuwapilime, hamba si wihundice ho ndece kusuma kuwuwona.”

Hoseya 9:15

Muwaha Mulungu yakutya, “Metumo gawo gose mabi, ganziza ku Giligali. Baho nane ho nanziza kuwasula. Na ku soko yo wubi wono wetuma, nane nowawusa mu'si yangu. Hamba sinowenda kanyhi yaye. Hambi nha sunga ne walongola wawo wose, wakondya kumbedegala.

Amosi 2:4

Muwaha yakutya, “Wanhu wa Yuda, wetuma wubi kali kenji na ku soko yiyo, nane nowalipiciza. Hambi nha wehepa mafundo gangu, hamba siwebate ne malajilizo gangu. Hambi nha wakondya kwajiliza so wutyatye milungu yo wulambi yono wasogo zawo wayitumila.”

2 Watemi 17:4

Ninga hamba nhavivyo, mu mwaka wunji, nhondo, Hosheya yakatuma wanhu kuli mutemi wa Misili yakulomba wutazi, nhondo yakawa kuleka no kulipa kodi kuli Shalamanesa mutemi wa Ashuli. Ninga nayo mutemi Shalamanesa yali yeza kuzimanya zizo, hobaho yakawa kumwibata Hosheya, yakawa kumufunga mu jela.

Jobu 15:2

Gwe Jobu, hambi u munhu we mahala kalongaga nghani zo wulele, Wule, u munhu yuyo, kowa yamemile nghani za bwete du?

Zabuli 78:36

Ninga wamukonga Mulungu, na muli zose zono wamulonjelaga, zali za wulambi du.

Muganuzi 5:15

Na vyo yinha, hambi munhu nha vyono yaza mononze yali cipwi yasina cinji co cose, mu wulawa mu'nda yo nyina, ale, vyo nhavivyo vyo kolowuya kanyhi yali cipwi kuko kono yalawilila. Hamba si kosuma kusoleleza na cinji co cose ca mu nhuguti yakwe.

Isaya 30:6

Ayi nayo yo nghani yo Mulungu kuli vilimu vyose vyono vikaye mu nyika yo lubavu lwa kutakama, yakutya, “I wawaha wa Yuda, wajendaga muhinzo mutali, wakukola mu yisi yono yina mbali nyinji, i hanhu hono gekalaga masimba, mono mogali mazoka gono gena sumu nghali muno, hamonga ne mazoka gono gagulukaga. Wakukola mumo akuno ho wapaciye ne vinhu vyo wuguzi wukamu muno mu zindogowe na mu zingamiya zawo, ho walitegulile vipegwa likungugo lyono si lyosuma hamba kuwapela wutazi wo wose yaye.

Hoseya 7:1

“Mu madaha gono nghuhila kuwaponya wanhu wangu Isilayeli no kuwanoza wamoteswe kanyhi, ninga zono nghusuma kuwona muli wene, wo wavu wawo no wubi wono wakwituma. Wakwiyihiziza weneco wose, wakubena mu zikaya no kuhiza, wakuwahiziza wanhu mu zinzila.

Hoseya 7:11

Isilayeli yakuyumbayumba ako na ako kotya nziwa ndele, wanhu wakwe ha lulongozi wakasaka wutazi kuli Misili, na aluno kanyhi wakumanyhila ku Siliya.

Hoseya 8:9

Wena nhumbula nghamu nha ye nyhenje. Waisilayeli wakujendela mu zinzila zawo weneco. Wakondya kubita kulondola wutazi kuli Wasiliya, no kugalipa i makungugo ganji ho gawadime kuli walugu.

Hoseya 8:10

Holeka luno ane nowakonghola hamonga, ho niwalipicize. Nawo wokwinyongola ko wusungu musunho, lono mutemi wa Siliya yakuwatendela ko wukali.