Hoseya 12:1 - Luganuzi Luswanu Kuli Wanhu Wose 2002

¹ “Nghani zose zono Waisilayeli wakwituma, cilawa hakali mitondo, sunga cinyamihe, zisina cambuzi, kanyhi za wuhodanji du. Wukoci hamonga ne metumo go wu wula lusungu, gakonjelezeka muno muli wene. Wakulagana ne wanhu wa Ashuli no kusuluza hamonga ne Wamisili.”

Hoseya 12:1 Referans Kwoze

Hoseya 11:12

Muwaha Mulungu yakutya, “Waisilayeli wamhilima hamonga no wulambi no wukonji. Ne wanhu wa Yuda nawo, wakali wakunema 'ne no Mulungu mwihuwilwa, Mono Yelile.

Hoseya 8:7

Ku soko vyono wakuhadika mbeho, holeka wolodudula mukukunzo! Migunda yo wuhemba siyolopisa hamba siyolosuma kulavya ndudula yo yose. Na hamba yize yilavye, iwajenzi wo woloyilya wayimale.

Hoseya 5:13

“Nayo Isilayeli yali yeza kuwona vyono yatamwa, nayo Yuda yali yeza kuziwona zinghomele zakwe, hodu Isilayeli yakawa kubita ku yisi ya Siliya kulondola wutazi kuli wutemi wuwaha, ninga hamba nhavivyo, nayo hamba si kosuma kuwaponya, hamba kuzinoja zinghomele zawo.

Ezekiyeli 17:10

Heya, mbeka, muzabibu wakondya kuhadikwa, ninga wule, wojendelela kuwiluka hongo? Hamba si wosuma kunyazwa ne mbeho ya kucilima kolo yeza kuwuputa? Hamba lunji kunyalila baho hono ho wuli, hono wukuwilucila?”

Yelemiya 22:22

Holeka i walongola wako, wolopemhelusizwa kutali ne mbeho, ne wendece wako nawo wolosolwa nha wafungwa mu wulugu, ne likaya lyako, nalyo mbeka lyolokozwa cevu no kupuwa. Ku soko yo wubi wose wono wetuma.

Jobu 15:2

Gwe Jobu, hambi u munhu we mahala kalongaga nghani zo wulele, Wule, u munhu yuyo, kowa yamemile nghani za bwete du?

2 Watemi 15:19

Nayo Tigilati Pilesa, u mutemi wa Ashuli, yakenjila kwa vilungo mu Isilayeli, Menahemu yakamupela kilo makumi madatu za fweza, ho Tigilati Pilesa yalumbe kumutaza mu wudime we yisi yakwe.

Mwamulizo 41:6

Na hanyuma ya zizo, maso ganji kanyhi gali mupunghati, nago gakacindika mu nyuma yayo, gono masisili, kanyhi gagugumiye so mbeho ya kucilima.

Yelemiya 2:36

Hambi nha mweyibedegala nyo weneco, mukawa kuyipitucila i milungu ye makungugo ganji. Ninga mumanye vyono molokozwa cevu ne yisi ya Misili, nha vyono mwakozwa cevu ne yisi ya Ashuli.

Yelemiya 7:15

Nomuwinjenyi ha meso gangu, nha vyono nawawinga i wandugu zenyu, i wanhu wa Isilayeli. Vyo nghutya ane no Muwaha Mulungu.”

I Cililo 5:6

Na lono ciwe cikusaka ndigwa zono zicikwiliye, sunga cibite du cikelombeleze ku Misili, hamba ku Siliya.

Hoseya 4:19

Wolosolwa nha wakukwenghwelezwa ne mbeho, nawo wolokozwa cevu ku soko ye makumbiko gawo ge vihwani.”

Hoseya 7:11

Isilayeli yakuyumbayumba ako na ako kotya nziwa ndele, wanhu wakwe ha lulongozi wakasaka wutazi kuli Misili, na aluno kanyhi wakumanyhila ku Siliya.

2 Zinghomo 21:11

Na kanyhi yakazenga ne hanhu henji ho wuhembelo we wanhu wono si wamumanyile Mulungu mu yisi ya Yuda. Yakawa kuwanoza i wanhu wa Yuda na Yelusalemi, waketuma wubi hali Muwaha Mulungu.

Zabuli 78:36

Ninga wamukonga Mulungu, na muli zose zono wamulonjelaga, zali za wulambi du.

Hoseya 4:15

Ale, sunga na nyenye nyo Waisilayeli, si muli wehuwilwa kuli'ne, ninga wanhu wa Yuda walece kunoza nhavivi. Mulece kuhemba ku Giligali hamba Betaveni, hamba kwihuwiziza kuko mwi'tagwa lyo Mulungu mumi.

Hoseya 7:1

“Mu madaha gono nghuhila kuwaponya wanhu wangu Isilayeli no kuwanoza wamoteswe kanyhi, ninga zono nghusuma kuwona muli wene, wo wavu wawo no wubi wono wakwituma. Wakwiyihiziza weneco wose, wakubena mu zikaya no kuhiza, wakuwahiziza wanhu mu zinzila.

Hoseya 11:9

Holeka si nomulipicizizenyi mwi'kuwo lyangu ng'o. Hamba sinoyongomeza Isilayeli kanyhi. Hambi 'ne nha nili Mulungu, hamba si nili munhu yaye. Ane yonene Mono Yelile, mono nili hamonga nanye. Hamba sinomuzizenyi mwi'kuwo lyangu yaye, ho nimongomezenyi.