Hoseya 11:3 - Luganuzi Luswanu Kuli Wanhu Wose 2002

³ Ninga ane yonene mono nawafunda Isilayeli wajende. Nawadinghula wanhu wangu mu mawoko gangu, ninga wene hamba siwamanya vyono ane nawaponya, no kuwadima.

Hoseya 11:3 Referans Kwoze

Yelemiya 30:17

Hambi nha nolomugomolelenyi kanyhi u wuswanu wenyu, kanyhi nolomuponyenyi ne zinghomele zenyu, hamba i walugu wenyu wawe kutya, ‘Alu mulanje, Sayuni yakondya kulekwa hasina hamba yunji kanyhi mono yakuyitondowoza yaye.’ Vyo nghutya, ane no Muwaha Mulungu.”

Wukumbucize wo Wulajilize 1:31

sunga na mu nyika. Kanyhi na vyono yamujendyenyi mu nzila yose mupolile, sunga yakamufisenyi hanhu baha, yakamudinghulenyi nha vyono sogo yo munhu kadinghulaga u mwanagwe we cilume.’

Wutuluce 15:26

Yakawalonjela yakatya, “Hono mbeka mulihulice lizi lyangu ane no Muwaha Mulungu, no Mulungu wenyu, mwitume zono zili ling'ani hali'ne, na kanyhi hono muwukamise no wulajilize wangu, hamonga ne malajilizo gangu, ale, nane si nomugumililenyi matamwa gagalya gono nawagumilila Wamisili yaye. Hambi ane nha yo nene Muwaha Mulungu mono nghumuponyenyi.”

Hoseya 7:15

Ninga hamba yiwe yo nene mono nawafunda, nghawakamya ne vilungo, hamba nhavivyo wene vyo wakunyihweseza zimbi du.

Metumo ge Watumwa 13:18

Yakawakangalila mwidaha lya myaka makumi mane mu nyika.

Hoseya 14:4

Muwaha Mulungu yakutya, “Nane nowagomola wanhu wangu wawuye kuli'ne nowenda kwe nhumbula yangu yose, hamba sinolowakolelwa likuwo kanyhi.

Hoseya 7:1

“Mu madaha gono nghuhila kuwaponya wanhu wangu Isilayeli no kuwanoza wamoteswe kanyhi, ninga zono nghusuma kuwona muli wene, wo wavu wawo no wubi wono wakwituma. Wakwiyihiziza weneco wose, wakubena mu zikaya no kuhiza, wakuwahiziza wanhu mu zinzila.

Hoseya 2:8

Hamba si kosuma kumanya vyono, ane yonene mono namupela wuhemba, ne divayi, ne mafuta, ne zifweza zose, hamonga ne zahabu, vyono yetumamilaga mu wuhemba Baali.

Isaya 63:9

ku wulawa mu magayo gawo. Hamba si yali malayika yaye mono yawaponya, langa Muwaha Mulungu mweneco du yo yawaponya. Yawaponya ku soko yo wendo wakwe no lusungu lwakwe. Hambi nha yawadima sunga na mu vilo vyono vyapuluta,

Isaya 46:3

“Ale, ta muhulicize anye nyo wana wa Yakobo, anye mo masigazwa ge wanhu wangu. Ane yo nene mono namukocenyi ku wulawa wulelwe wenyu.

Isaya 30:26

Nawo mwezi wolong'alala nhe lizuwa. Nalyo lizuwa lyolong'alala wung'alale wuwaha muno kali mupunghati kuciza wung'alale walyo we vilo vyose, lyolotowelela wung'alale wa vilo mupunghati mwi'zuwa lilyo limonga. Na zizi zolokwijela mwizuwa lyono Muwaha Mulungu yeza kuwawopa bandeji wanhu wakwe, mu zinghomele zono yawapela, hamonga no kuwaponya.

Wutuluce 23:25

Nanye hono muhembe nene, no kunyitumamila nene no Muwaha Mulungu, u Mulungu wenyu, nane nomulugutizenyi mu ndigwa zenyu ne malenga genyu, nogawusa ne matamwa muli'nye.

Yelemiya 8:22

Alo mwene kuko ku Gileyadi, hongo kusina miti yo yose? Hamba kuko ku Gileyadi, kusina muganga wo wose hongo? Alu socici i wanhu wangu wakali sunga nalu si wanaponywa yaye?

Isaya 1:2

U Muwaha Mulungu yakutya, “Muhulicize ta nimulonjelenyi anye nyo wulanga ne yinze! Yo nene mono nawalisa i wana, kanyhi nghawawilusa, ninga alu, wakondya kumbedegala.

Wukumbucize wo Wulajilize 8:2

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

Wutuluce 19:4

“Nyenye nyo weneco mwewonelela vyono nawanoza Wamisili, kanyhi na vyono nghamudinghulenyi nha vyono 'ndi yidinghulaga vyanagwe mu mabawa gayo, nghamuletenyi sunga hono hangu.

Zabuli 107:20

Yawaponyezya mu nghani yakwe, yakawaponya ho walece kongomela.

Wukumbucize wo Wulajilize 33:27

Muwaha Mulungu yo mudimi wenyu nhondo zose. Ne miwoko yakwe ye cibitilila, wo wutazi wenyu. Kawawinjilaga kutali i walugu wenyu so cambuzi cenyu. Kanyhi yakumulonjelenyi muwongomeze wose.