Hoseya 10:8 - Luganuzi Luswanu Kuli Wanhu Wose 2002

⁸ Na mucanyha ye cigongo ca Aveni, hono Waisilayeli wakuhemba vihwani, naho holokongomezwa. Mamivya ne mabalwe, vyolowiluka mu makumbicilo gawo. Ne wanhu wologalonjela matunda wawe kutya, “Mucihundikaje!” Ne vigongo wakutya, “Mucigubikaje!”

Hoseya 10:8 Referans Kwoze

Luka 23:30

Mwipango lilyo i wanhu ho wolokwanza kugalonjela matunda, ‘Mucigwilaje.’ ne vigongo, ‘Mucigubice.’

Wugubule 6:16

Wakawa kugalonjela matunda na gago mabwe mawaha muno muno wakutya, “Ale, cigwilenyi si, mucihundicize ha yuyo mono yekaye mwigoda lyo wutemi, kanyhi ho ciwe kutali ne likuwo lyo Mwana we ngholo!

Isaya 2:19

Wanhu wolotiza, wawe kwinjila mu mapango na mu mabwe mawaha ga mu matunda, na wanji wolohimba mina hasi, wenjile ho weponye ne likuwo lyo Muwaha Mulungu, wakujela kwihundika ha vilungo vyakwe no lukumyo lwakwe, lono mwene yeza kuza kuyisinjisa yinze.

Hoseya 9:6

Wuhodanjice kolo wakondya kuza, ne wanhu wakwiyagala, wabite ku Siliya. Ne Wamisili wolowakonghola hamonga wazikwe ku Memufisi! Ne viwutwa vyawo vye fweza, hamonga ne hanhu hono zikaya zawo zali nzenje ha mwamulizo, holocindika mabalwe ne mamivya.

Amosi 8:14

Na wono welahilaga vihwani vye milungu vye Samaliya, wono watezaga, ‘Ko mulungu wako Dani,’ hamba, ‘Ko mulungu wa Belisheba!’ Wanhu wawo wologwa, na hamba si wolokwinuka kanyhi yaye.”

Isaya 32:13

alu vititika vye mamivya hamonga ne mabijili, vyakondya kutita mu yisi ye wanhu wangu. Heya, mulile ku soko ye zikaya zono wekalaga wanhu wangu wena nyemo, na so likaya lyono lyali limemile wusangalale.

Wugubule 9:6

Na mwipango lilyo, wanhu walolondola lifwa, ninga si wololiwona ng'o, wolosulumila wafwe, ninga ilifwa lyolowatiza

Mika 1:13

Anye wanhu mono mwikaye Lakishi, muwopeleze zifwalasi mu magali go wulugu. Anye mono mwawutyatya wubi wa Isilayeli, kanyhi mukayambuza Yelusalemi yitume wubi.

Mika 1:5

Azi zose zokwijela, ku soko ye wanhu wa Isilayeli, wono wetuma wubi no kumuleka Muwaha Mulungu. Alu nani 'mbi mono kohoswa ku soko ye lisutya lya Isilayeli? Hono si Samaliya du! Hamba nani mono yena lisutya lyo kuhemba vihwani mu'si ya Yuda? Hono si Yelusalemi!

Hoseya 10:5

Ne wanhu wono wekaye mwi'kaya lya Samaliya, wotuga woga no kulila so wajilize we ndama ye zahabu ya ku Beteli. Wene hamonga ne wakohani wono wacitumamilaga cihwani cico, wolocililila muno. Wololila walaza kuwa wawusizwa nhojo yawo yo lukumyo.

Hoseya 10:2

Ne wanhu wono nhumbula zawo nghoci, alu wogaya so wubi wawo. Mulungu kovibenanga vikumbicilo vyawo, no kugahodanga ne masumbili gawo.

Hoseya 5:8

Mutowe ndulele yo wulugu mu Gibeya! Ne zifuluti mu Lama! Nanye kuko ku Betaveni, mucenje so wulugu! Nanye mo wanhu wa Benyamini, mwinjile mu wihomi!

Hoseya 4:15

Ale, sunga na nyenye nyo Waisilayeli, si muli wehuwilwa kuli'ne, ninga wanhu wa Yuda walece kunoza nhavivi. Mulece kuhemba ku Giligali hamba Betaveni, hamba kwihuwiziza kuko mwi'tagwa lyo Mulungu mumi.

Hoseya 4:13

Wakulavya makumbiko, mucanyha ye vizuli vye matunda, kanyhi wakufusa no wuvumba mucanyha ye matunda na ha masina ge mibici mitali. Vyono mibeho yayo yikwendeza muno! Ku soko yiyo, holeka wana wenyu we cicekulu, wekaye nha malaya, ne wakwe zenyu we cicekulu nawo wakusenyha.

Isaya 34:13

Nago mamivya hamonga ne matundulu, go golocindika mu makaya gawo go wutemi, na mu makaya gono mazenjele magomawakali. Nago macewe ne matuwi, wolowa wo wikalo wago.

2 Zinghomo 31:1

U wuhembi wali weza malika, i wanhu Isilayeli wose wakawa kwiyagala mu makaya gose mu Yuda, wakagabenanga masumbili gose ge mabwe, wakavidumulanga ne vihwani vyose vyo mulungu we cicekulu Ashela, wakagabenanga ne makumbicilo, hamonga ne hanhu hose hono hetumamilwaga so wuhembi we milungu yo wulambi. Wakanoza nhavivi mu yisi ya Yuda, na mu zisi za Benyamini, na Efulayimu na Manase. Wali weza kukondya, hodu wakawa kuwuya ku kaya.

2 Watemi 23:15

Mutemi Yosiya, yakawumwagula no wuhembelo wono mutemi Yelobowamu mwana wa Nebati, yali yawuzenjile ku Beteli, mono yawanoza Waisilayeli wetume wubi hali Mulungu. Yosiya, yakacimwagula cikumbicilo, yakagatulanjiza mabwe gayo, yakagatindya, gakawa manghundi. Yakacikongoga cihwani co mulungu we cicekulu Ashela.

1 Watemi 14:16

Nayo Muwaha Mulungu kolowaleka Waisilayeli vyono Yelobowamu yetuma wubi no kuwanoza Waisilayeli wetume wubi nhavivyo.”

1 Watemi 13:34

No wubi wuwu, ku lubavu lwakwe yakeletela wuhodanjice no wongomele hamonga no kwiwembula ha meso ge yisi.

1 Watemi 13:2

Hobaho muwizi yakalonga ku so lilajilizo lyo Muwaha Mulungu, yakatya, “Gwe go cikumbicilo, go cikumbicilo, Muwaha Mulungu yakutya nhavi, ‘Kololelwa mwana we cilume mu nyumba ya Dawudi, litagwa lyakwe Yosiya.’ Na yuyo Yosiya, kolowawulajila muli gwegwe i wakohani wose wono wakwituma mu vigongo, mu makumbicilo ge milungu yo wulambi, wono wakulavya ne makumbiko muli gwegwe, ne mafupa gawo kologakongojela muli gwegwe.”

Wukumbucize wo Wulajilize 9:21

Nghawusola wubi wenyu, nha cinji yiyilya ndama nyenjedulwe yono mwali mwayinoza, nghawa kuyigumila mu moto. Nghayitakamiza, nghawa kuyitindya, yikawa nha manghundi, hanyuma, nghawa kugagumila manghundi gago mu cikolongo, cono cahulumaga cilawiliye mwi'tunda.

Mwamulizo 3:8

Na mu cinyamihe cico, wakahulika lizi lyo Mulungu yakujenda mu mugunda, u mulume yuyo hamonga no mugolece wakwe, wose wakehundika mu mibici ya mu busitani, ati u Muwaha Mulungu ho yalece kuwawona.

Hoseya 2:6

Holeka ku soko yiyo, nomuwicila ligomawakali lye mamivya no kuzenga lijinji ho liyidinde nzila yakwe, yalece kuwuwona wukolo wakwe.

Hoseya 10:9

Muwaha Mulungu yakutya, “Waisilayeli siwakuleka kuwituma wubi kuli'ne, ku wulawa mu cipango co wubi wawo wa ku Gibeya. Holeka wulugu wolowagana ku wulawa ku Gibeya.

Amosi 7:9

Ne hanhu hono lulelo lwa Isaka wahembelaga, naho holo kongomezwa. Ne hanhu hose hono helile ha Isilayeli, holekwa matongo du. Nane noloyidumya ne mhuga yo mutemi Yelobowamu.”

Nahumu 3:11

Ninawi, nagwe kogala sunga mahala gajilile! Kanyhi kojela kwiponya ku wulawa kuli walugu wako.

Isaya 2:21

No Muwaha Mulungu kolo yakuza, kuloyicicimya yinze, i wanhu wolotiza, wawe kwinjila mu mapango na mu mapalika ge mabwe mawaha ga mu matunda, na wanji wolowa kuhimba mina hasi wenjile, ho weponye ne likuwo lyo Muwaha Mulungu, wakujela kwihundika ha vilungo vyakwe, no lukumyo lwakwe.

Hoseya 8:5

Ane si nghucisacila lukulu cihwani ce ndama ye zahabu, yono wakuhemba wanhu we likaya lya Samaliya. Ngholigwe ne likuwo muno muno ku soko yawo. Alu mwene wojendelela sunga nili ho waze walece wuhemba vihwani vyawo?

Amosi 1:5

Nogabenanjiza ne malango ge likaya lya Damesiki no kuwawusa wono wekaye mwi'lolo lya Aveni, hamonga no mutemi wa Betedeni. Ne wanhu wa Siliya, wolosolwa nha wafungwa sunga ko ku yisi ya Kili.”

Amosi 3:14

Mwi'zuwa lyono nolowalipiciziza wanhu wa Isilayeli so wubi wawo, nolovihodanga vikumbicilo vya Beteli. Ne zinhuzi zose ze cikumbicilo vyose zolobenangwa no kuga hasi.