Hoseya 10:6 - Luganuzi Luswanu Kuli Wanhu Wose 2002

⁶ Ne cihwani cico ce ndama, colosolwa sunga ko ku Ashuli, ciwe kodi kuli wutemi wa Ashuli. Nayo Isilayeli yolokolwa cevu no kuwona soni so nghani yayo yeneco.

Hoseya 10:6 Referans Kwoze

Hoseya 5:13

“Nayo Isilayeli yali yeza kuwona vyono yatamwa, nayo Yuda yali yeza kuziwona zinghomele zakwe, hodu Isilayeli yakawa kubita ku yisi ya Siliya kulondola wutazi kuli wutemi wuwaha, ninga hamba nhavivyo, nayo hamba si kosuma kuwaponya, hamba kuzinoja zinghomele zawo.

Isaya 30:3

Ninga yuyo mutemi wa Misili, kowa yasina vilungo vyo kuwataziza yaye. Hambi u wutazi wono wolawa kuko ku Misili, nha womalicila du mu wongomele wuwaha muno.

Danyeli 11:8

Nayo kolosola vihwani vye milungu yawo, hamonga ne viya vyawo vye zahabu na vye fweza, vyono wali wavisiwanuliye yiyo milungu yawo, yavitegule vyose ku Misili. Na kolo yikupuluta myaka micefu yo mulamu,

Yelemiya 7:24

Ninga wene si wahulika 'ne, hamba kuzicelelela bwete, zono nawalonjela. Wene waketuma zimbi vyono wasakaga weneco mu zinhumbula zawo. Wakacila kuwa wabi muno, wakawuka ku wuswanu.

Mika 6:16

Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”

Hoseya 8:6

No munhu munghula mu Waisilayeli, yo munoza cihwani. Ninga yiyo ndama ye zahabu, yono wakuyihemba kuko ku Samaliya, yolobenanjizwa-benanjizwa tici-tici.

Hoseya 4:19

Wolosolwa nha wakukwenghwelezwa ne mbeho, nawo wolokozwa cevu ku soko ye makumbiko gawo ge vihwani.”

Hoseya 4:7

Na mu nghango yono mukucila kuwa wenji, yo nghango yiyo du kanyhi, yono ucila kusutizya 'ne. Holeka nane nolipitula lilumbo lyenyu liwe cevu.

Ezekiyeli 36:31

Holeka nanye mokumbucila zinzila zenyu zimbi, ne metumo genyu gono si maswanu, nanye mokwiwona cevu, ku soko yo wubi wenyu hamonga ne mawifyo genyu.

Yelemiya 48:13

Nayo Mowabu kolokozwa soni, ku soko yo mulungu wakwe Cemoshi, nha vyono nawo Waisilayeli wakozwa soni, ku soko ya Beteli u mulungu wawo mono wali wamwitumbiye.

Isaya 45:16

Ne wanhu wono wasesaga vihwani wose wolokozwa soni, na wose hamonga wolopuvywa.

Isaya 1:29

Nanye molokalala muno, vyono mwahembaga mabici, hamonga ne zi busitani zisiwanulwe.

Jobu 18:7

Ne zinghanzo zakwe ze vilungo, zohogoha, ne lihala lyakwe mweneco, lyomugwisa.

2 Watemi 17:3

U mutemi Shalamanesa wa Ashuli, yakehoma na Hosheya. Hosheya yakasumwa na Shalamanesa, yakawa yakulavya kodi kuli Shalamanesa mu myaka yose.

Ezekiyeli 16:28

Wukasenyha ne wanji wose, hamba kwiguta yaye, hanyuma wukabita kuwatyatya Waashuli, wukasenyha nawo, ninga nawo hamba si wakwigusya yaye.