Hoseya 10:12 - Luganuzi Luswanu Kuli Wanhu Wose 2002

¹² Nane nghutya, “Muyilime yisi mhya, so nyenye nyo weneco, muhadice ling'ani no kududula wendo no wulugutwe wono wolawa mu wuhembi wenyu wa kuli'ne. Alu co cipango cenyu co kumbuyila, ane no Muwaha Mulungu wenyu, nane nokuza nimumwajilenyi wulugutwe wangu.”

Hoseya 10:12 Referans Kwoze

Yakobo 3:18

No wiling'ano, yo mikalo ye zimbeyu za wono wendile mulamu wahadicilaga mu mulamu.

Isaya 45:8

Nane nololeta wusume ku wulawa ku wulanga nha mvula, nayo yisi yolokwiwikaniza ho yiwubocele na mu mapango gago wolowa mulamu hamonga no wiling'ano. Ane no Muwaha Mulungu mono nolozinoza zizi zijele.”

Zimbazi 11:18

Ne wanhu wabi, si watugaga cambuzi co cose yaye. Ninga hono witume ze ling'ani, nagwe kohumbilizwa.

Isaya 55:6

Holeka mumupitucile Muwaha Mulungu, mumulombe lono yakali yali behi.

Hoseya 6:3

Alenyi cimumanye Muwaha Mulungu. Mwene kokuza kuli'se lono wela hakali mitondo muno, nayo kokuza kuli'se kotya mvula ye mhinga yono yidedewazaga yisi.”

Isaya 44:3

Nane noyipela malenga yisi yono yina nyhilu, kanyhi notula makolongo gahulume mu yisi nghavu. Nane nowajidila zo muhe wangu i wana wenyu. Kanyhi nowalugutiza we zindelo zenyu.

Muganuzi 11:6

Holeka lono wukuhadika mbeyu zako, wuhadice mwi'pango lye hakali mitondo na mwi'pango lye cinyamihe nhavivilya, hambi nha si wumanyile za hayi zono zokota, hono za hakali mitondo, hamba ze cinyamihe, hamba lunji zose.

Zabuli 105:4

Mubitilenyi Muwaha Mulungu, hambi nha yo yali vilungo. Mulondolenyi mweneco du vilo vyose.

Luka 13:24

Yesu yakawatya, Muhidimbale kwinjila mu mulango mufinyu, hambi nha nghumulonjelenyi mbeka, vyono wenji wojela kwinjila, ninga si wosuma.

Amosi 5:15

Musule zimbi, mwende ziswanu no kwituma ze ling'ani mu mahakama. Nha lunji Muwaha Mulungu we mihanga kowa no lusungu kuli wanhu we likungugo lili, wono wakali wasigaye womi.

Amosi 5:6

Mumubitilaje Muwaha Mulungu, nanye mowumipa. Ninga hono mwikale simumubitiye, mwene komukongojezenyi ne likuwo lyakwe nha moto nyo Waisilayeli. Moto wolowanyanya ne wanhu wa Beteli, hasina hamba yunji mono kolosuma kuwuzimya.

Isaya 31:1

Woyi hee, kuli wose wono wabitaga kulondola wutazi ku Misili. Hambi nha wetumbiye vilungo vyo winji we wasilikale wa Misili, nha cinji, zifwalasi ne matuka go wulugu, hamonga ne wasilikale. Ninga hamba si wamwitumbiye Muwaha Mulungu, u Mulungu mono yelile wa Isilayeli, hamba si wakumulomba yawapele wutazi.

Amosi 5:4

Muwaha Mulungu yakuwalonjela Waisilayeli, yakutya, “Muze kuli'ne, nanye mowumipa.

Hoseya 12:6

Holeka anye nyo lulelo lwa Yakobo, mwitumbilenyi Mulungu wenyu, kanyhi mumuwuyile mwene. Mweze ne cihuliko, kanyhi mweze muli ling'ani, akuno mumulindiye Mulungu ko wukangalizi, nhondo zose.

Amosi 5:8

Muwaha Mulungu mono yanoza zinyelezi ne cilimila ne mwacinghunghu. Kapitusaga citi ciwa wuzelu, ne misi ciwa cilo. Kacemaga malenga ga mwi'lenga no kugamwaga kunze mu yisi litagwa lyakwe Muwaha Mulungu.

Hoseya 8:7

Ku soko vyono wakuhadika mbeho, holeka wolodudula mukukunzo! Migunda yo wuhemba siyolopisa hamba siyolosuma kulavya ndudula yo yose. Na hamba yize yilavye, iwajenzi wo woloyilya wayimale.

Metumo ge Watumwa 2:18

Heya, sunga ne wetumami wangu we cilume na we cicekulu, nolowetila zo Muhe wangu mu vilo vivyo, nawo woloyiganula inghani yangu.

Ezekiyeli 34:26

“Nane nolozimotya, nizilece zikale zilipilime litunda lyangu lyono lyelile. Kanyhi nolozimotya ne mvula, mwi'daha lyono zikuyihila.

Isaya 32:20

Mwene lulo! Wanhu wolowa wena nyemo mbaha, ku soko ye malenga menji ku so vilimwa vyawo, hamonga no wudimilo wuswanu hanhu hose, so zindogowe hamonga ne zing'ombe zawo.

Isaya 30:23

Nanye kolo mwahadika zimbeyu mu migunda yenyu, Muwaha Mulungu komutonyezezenyi mvula ho zicindice, no kumuletelenyi nhwanga mbaha muno. Ne mitugo zenyu zowa no wudimo winji muno.

Yelemiya 50:4

U Muwaha Mulungu yakutya nhavi, “Ne vilo vivyo kolo vyeza kuza, wanhu wa Isilayeli hamonga ne wanhu wa Yuda, wolokuza wakulila, wakunondola ane no Mulungu wawo.

Isaya 5:6

Nowuleka wutite ne masukuzi, hamonga ne maselegwa gayo. Hamba si nowupanyulila yaye ne mizabibu yayo, hamba si nowulimila. Langa nowuleka du vititane ne vikungugu hamonga ne mabijili. Kanyhi nolajiliza mavunde, galece kuwutonyezeza mvula.”

Zimbazi 18:21

Ne zinghani zono wukuwa kuzilonga, zosuma kuwukamisa wumi wako hamba kuwongomeza. Holeka kobocela nha vyono zinha zinghani zako.

Zabuli 72:6

Mutemi yawe nhe mvula yo wunyunyute mu migunda, yawe nhe mvula yono yiyitonyelaga yisi.

2 Wakolinto 9:10

Nayo u Mulungu mono kamupelaga mbeyu mulimi, no kumupela i ndigwa yo kulya, komupelenyi nanye zimbeyu zono mukuhila, nayo kozicindisa no kuziwilusa, hamonga no kumupelenyi ndudula mbaha ku soko yo weza mutima wenyu.

Isaya 48:18

Alu yali yiwe yili ciba le, hono mwali mugebate malajilizo gangu! Holeka mwali muwutuje no wumoteswe wuwaha, wono wihwanile nhe likolongo lyono si linyalaga! No wusume wali wumuzizenyi nhe mawingo ge lilenga.

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Isaya 54:14

Nagwe kosikamywa mu wiling'ano na mu ling'ani, nagwe hamba si kokwiwonelwa kanyhi hamba kuwa no woga yaye.