Hoseya 10:10 - Luganuzi Luswanu Kuli Wanhu Wose 2002

¹⁰ Nowebata wanhu awa wanya wubi niwalipicize. Ne makungugo golokwihanguliza hamonga ho gehome nawo, wololipicizwa so wubi wawo vyono winji.

Hoseya 10:10 Referans Kwoze

Ezekiyeli 5:13

“Nanye baho ho mololiwonela nhondo likuwo lyangu hamonga no wukali wangu, sunga lono nolowa nayimala nhunduji yangu nene no mweneco. Na kolo zizi zejela, baho nanye nhondo, ho molomanyila vyono ane no Muwaha Mulungu yo nene mono nonjile zizo kuli 'nye, vyono ngholigwe likuwo muno so wula wihuwilwa wenyu.

Hoseya 4:9

Ninga mulanjilile! Nanye motuga wulipicizwe wuwo du wono wanhu wolipicizizwa. Nomulipicizenyi ho mulipe mabi gose gono mukwituma.

Yelemiya 16:16

U Muwaha Mulungu yakutya nhavi, “Ane nowatuma wanimula somba wenji muno, waze wawanimule wanhu wawa. Hanyuma yayo, niwaceme i wapelembi wenji, waze wawapelembe mu wulawa mu matunda gose, na mu vigongo, sunga na mu zimhango ze mabwe.

Matayo 22:7

Nayo u Mutemi yakasimba muno muno, yakawatuma i wasilikale wakwe, ho wabite wakawongomeze i wawulaji wawalya, hamonga no kuliticimiza i likaya lyawo.

Hoseya 8:10

Holeka luno ane nowakonghola hamonga, ho niwalipicize. Nawo wokwinyongola ko wusungu musunho, lono mutemi wa Siliya yakuwatendela ko wukali.

Hoseya 8:1

Muwaha Mulungu yakutya, “Towe ndulele lizi lye citanjilo! Hambi walugu nha wakuzumha hasi, nha numba, mu'si yangu! Wanhu wangu wabena icilagane cono nalagana nawo, wabedegala no wulajilize wangu.

Ezekiyeli 23:46

Azi kanyhi zo yakulonga u Muwaha Mulungu yakutya, “Langa, ta, nane noleta lipuga lye wanhu, waze wawahungucile, no kuwaboka vinhu vyawo.

Ezekiyeli 23:9

Holeka ku soko yiyo, nane nghamuwika mu miwoko ya wawo Waashuli i wendece wakwe, wono yali viyendile nawo.

Ezekiyeli 16:42

Nane baho likuwo lyangu ho lilamalicila, niwe kusenjela. Nane si nolokolwa kanyhi ne likuwo, nhondo no wivu wangu ho wokuwucila.

Ezekiyeli 16:37

Ku soko ya zizo zose, nane lu, nowakonghola hamonga i wendece wako wose, wono wuwendile, na wono wuwasulile. Nowaleta hali'gwe niwatandalice, wakupilime, hanyuma, nghugubule myenda yako, niwalece waciwone cipwi cako.

Yelemiya 21:4

wabite wakamulonjele Zedekiya, zono u Muwaha Mulungu, u Mulungu wa Isilayeli yalonjile, katya, “Agwe Zedekiya, ane no mweneco, yo nokwihoma ne wasilikale wako, wono wakwihoma ne wasilikale wa Nebukadineza, u mutemi wa Babiloni, niwasume. Nokongholeza sunga ne vitwalo vyawo vyose, nivilundice haciligati ye likaya lya Yelusalemi.

Yelemiya 15:6

Hambi anye nyo wanhu, nha mwakondya kundeka 'ne, nalu mwamhitucila migongo yenyu. Ku soko yiyo, holeka nane nghawugolola muwoko wangu, nghamongomezenyi, hambi nha nali nalemwa kulimila likuwo lyangu.

Isaya 1:24

Nalu muhulicize zono yakulonga u Muwaha Mulungu u Mudaha vyose, u Mulungu wa Isilayeli yakutya, “Alu, nowalipiciza walugu wangu, nawo si wongaza kanyhi.

Wukumbucize wo Wulajilize 28:63

Nha vyono Muwaha Mulungu yasangalala, yakamumotyenyi, no kumwinjifyenyi, yo nhavivyo kanyhi vyo kosangalala, kumongomezenyi no kumuhodanjenyi. Nanye mowuswa mu yisi yono mukwinjila muyiteme.

Hoseya 10:9

Muwaha Mulungu yakutya, “Waisilayeli siwakuleka kuwituma wubi kuli'ne, ku wulawa mu cipango co wubi wawo wa ku Gibeya. Holeka wulugu wolowagana ku wulawa ku Gibeya.

1 Watemi 12:28

Nayo yali yeza kwihwesa nhavivyo, hodu yakanoza vihwani vya ndama nyejete za zahabu, yakawalonjela wanhu wakwe yakutya, “Mwali kwikataza no muhinzo mutali muno wo kubita ku Yelusalemi, ku wuhembi. Ninga alu mulanje, 'nye nyo wanhu wa Isilayeli, ayi yo milungu yenyu yono yamuwusenyi ku Misili!”

Jobu 39:10

Wule, kosuma kuyiwopa mbogo monga, no mulejehe yikulimile? Hamba kutelemeza malolo, ne lisili mu migunda yako?

Hoseya 4:19

Wolosolwa nha wakukwenghwelezwa ne mbeho, nawo wolokozwa cevu ku soko ye makumbiko gawo ge vihwani.”