Hoseya 1:7 - Luganuzi Luswanu Kuli Wanhu Wose 2002

⁷ Langa kuli wanhu wa Yuda, nolajila wendo. Ane no Muwaha Mulungu wawo, nowaponya wene, ninga sinozinoza zizo mu nzila yo wulugu wo mumaje, hamba wo wupinde ne zisonga, hamba we zifwalasi ne wapanda fwalasi.”

Hoseya 1:7 Referans Kwoze

Zakaliya 4:6

Malayika yakanonjela nghamutegulile Zelubabeli nghani yono yikulawa kuli Muwaha Mulungu, yono yikutya, “Si kwe vilungo, hamba si ko wusume wako go mweneco, aa, ng'o! Langa ko muhe wangu.

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

2 Watemi 19:35

Na mu cilo cico, malayika wo Muwaha Mulungu yakabita ku nghambi ye Waashuli, yakawawulaga wasilikale waficile elufu yigana limonga na makumi munana na wahano. Na mu welelecele we lizuwa lye kejete, hakali mitondo, wose wakawa wakondya kufwa.

Hoseya 11:12

Muwaha Mulungu yakutya, “Waisilayeli wamhilima hamonga no wulambi no wukonji. Ne wanhu wa Yuda nawo, wakali wakunema 'ne no Mulungu mwihuwilwa, Mono Yelile.

Isaya 7:14

Ale, du, ninga Muwaha Mulungu mweneco komupelenyi citanjilo. U muhinza kodinghula 'nda, nayo kolela mwana wa cilume, ne litagwa lyakwe kocemwa ‘Imanuweli.’ ”

Isaya 49:6

Muwaha Mulungu yakanonjela yakutya, “Nina mulimo muwaha wono nghuwiciye agwe go mwitumami wangu. Ninga si mulimo wo kuwagomola du mu lukumyo i wanhu wa Isilayeli, wono wasigaye, langa nokunoza kanyhi wuwe wuzelu kuli makungugo, i yinze yose ho yisume kuponywa.”

Zabuli 33:16

Hasina mutemi mono kekalaga yapolile, ku soko yo winji we mapuga ge wasilikale wakwe, wo wulugu gono yena nago, hamba citung'ati, si kawasumizaga wayagwe, ku soko ye vilungo vyakwe mweneco.

1 Samwili 17:47

sunga ne wanhu wose wono wali bahano, womanya vyono Muwaha Mulungu si ketumamilaga mimaje hamba migoha, ho yawaponye wanhu wakwe Mwene yo yena wusume wose mu wulugu, hambi i milewo nha yakwe mweneco nayo komutajilenyi nyenye wose mu miwoko yetu.”

2 Watemi 19:29

Isaya yakamulonjela mutemi Hezekiya yakatya, “Naco acino co citanjilo cono cokwijela. Mu mwaka wuwu, sunga na mu mwaka wono wukuza, mowa kulya wuhemba wono wowa kwicindicila weneco du mwi'hala. Ninga mu mwaka muyagwe, aho langa ho molosuma kuhadika mbeyu yo wuhemba nyenye weneco no kuwududula. Kanyhi mohadika zabibu, molya ne mikalo yayo.

Isaya 30:18

Ninga hamba nhavivyo, mwene Muwaha Mulungu wo lusungu kowa vyo yakali yakumuwonelenyi lusungu du. Kanyhi yewikanize ho yamuwonelenyi lusungu, hambi mwene nhondo zose nha ketumaga ze ling'ani. Holeka wamoti wono wamwitumbiye u Muwaha Mulungu.

Yelemiya 25:5

Wene wawizi wakamulonjelenyi wakatya, ‘Ale, mupituce muzilece zinzila ze mikalile yenyu mibi, na mu wubi wenyu wono mwitumaga, ho musume kubita kwinjila no kwikala mu yisi, yono u Muwaha Mulungu yamupelenyi nyenye hamonga ne walezi wenyu, ho yiwe wuhazi wenyu we cibitilila.

Yelemiya 25:6

Ne wawizi wawo wakamulonjelenyi kanyhi, nha vyono munojeye mulecele lukulu, kuyihemba, hamba kuyitumamila milungu yinji, hamba kumukoza likuwo u Muwaha Mulungu, so wuhemba vihwani vyenyu vyono mwisesese nyo weneco. Nanye lulo, hono mwali mumuhulice Muwaha Mulungu, nayo si yali yamulipicizenyi yaye.

Yelemiya 33:26

Holeka vyono mbeka netuma zizi, ale, nane nocikamisa cilagane cangu, cono nacinoza no lulelo lwa Yakobo no mwitumami wangu Dawudi. Kanyhi nolomuhagula yumonga wa mu lulelo lwa Dawudi, yateme mu lulelo lwa Abulahamu, na Isaka na Yakobo. Nane nolowa no lusungu kuli wanhu wangu, kanyhi nolowamotya muno.”

Hoseya 1:8

Baho Gomeli yali yeza kumulesa mwanagwe we cicekulu. Yakadinghula 'nda kanyhi, yakatuga mwana yunji wa cilume.

Wutuluce 14:13

Nayo Musa yakawapitula yakawatya, “Nye, wayangu, mulece kogopa ye! Mwime mukamile, nanye mowona vyono Muwaha Mulungu komuponyenyi izuwali. Nanye hamba si mowawonela lukulu kanyhi Wamisili wawa wono mukuwawona izuwali.

Wutuluce 14:30

Nhavivi vyo Muwaha Mulungu yawaponya Waisilayeli mwizuwa lilyo, mu miwoko ye Wamisili. Waisilayeli wakawawona Wamisili walambalaye mu nhumbi ye lilenga wafwiye.

2 Watemi 6:18

Nawo Wasiliya, wali weza kusaka wamuhungucile Elisha, mwene Elisha yakamulomba Muwaha Mulungu yakatya, “Gwe go Muwaha Mulungu, watunduwazaje meso wanhu wawa, wawe cibofu.” Muwaha Mulungu nayo yakawuhulika wulombe wa Elisha, yakawatunduwika meso wanhu wawo wakawa cibofu.

2 Watemi 19:34

Nane nolidima likaya lili, kanyhi nolikamisa, ku soko yangu, na ku soko yo wihuwizo wangu wono namwihuwiziza Dawudi u mwitumami wangu.’ ”

Zabuli 44:7

Hambi nha yo gwegwe du, mono waciponya mu miwoko ye walugu wetu, wukawasuma wono wali wacisulile.