Hoseya 1:5 - Luganuzi Luswanu Kuli Wanhu Wose 2002

⁵ Na mu cipango cico, nolovihodanga vilungo vyo wulugu vye wasilikale we Waisilayeli mwi'lolo lya Yezeleli.

Hoseya 1:5 Referans Kwoze

Walamuzi 6:33

Hobaho Wamidiyani, ne Waamaleki, hamonga ne zimbeyu za mu nyika, wakehanguliza wakalowoka likolongo lya Yoludani. Wakasimya nghambi mwi'lolo lya Yezeleli.

Yoshuwa 17:16

Wakamupitula wakatya, yisi ya mu matunda, hamba siyocikwila yaye. Hamba nhavivyo, Wakanani wa mu malolo, wena matuka go wulugu ge vyuma, hamonga na wono wali mu Betishani na mu matumbi gono gapilime, sunga na wono wali mwi'lolo lya Yezeleli nawo nhavivyo.

Hoseya 2:18

Mu vilo vivyo, nolonoza cilagane ne vilimu vyose vya mu mbago ne zindeje, ho vilece kuleta wugaye muli wanhu wangu. Nane nolowusa vitwalo vyose vyo wulugu mu'si, mimaje yose no wupinde. Nolowaleka wanhu wangu wekale wapolile.

Yelemiya 51:56

Walugu nha waza ho wayongomeze Babiloni, ne wasilikale wayo wakutekwa, ne mapinde gawo gakubeneka. Hambi ane nha yo nene Mulungu, mono niwulipicizaga wubi. Nane noyitendela Babiloni nha vyono yene yinojeye.

Zabuli 46:9

Mwene yakuwudumya wulugu mono'nze yose, mwene kabenanjizaga wupinde ne migoha, sunga ne matuka go wulugu gose kagaticimizaga.

Zabuli 37:15

Ninga mimaje yawo yiyo, yowacinya weneco mu zinhumbula zawo, no wupinde wawo wobenanjizwa-benanjizwa.

2 Watemi 15:29

Na mwi'pango lyono Peka yali yatemile, lyo lipango lilyo, nayo Tigilati Pilesa mutemi wa Ashuli, lo yagasolela makaya ga lyoni, na Abeli-beti na Maaka, na Yanowa, na Kedeshi na Hazoli, hamonga ne zisi za Gileyadi, na Galilaya, na Nafutali. Yakawasola mateka ne wanhu wose yakawategula ku yisi ya Ashuli.

Ezekiyeli 39:3

Nane nowutoweza wupinde wakwe mu muwoko wakwe wo kucekulu wugwe hasi, ne zisonga zakwe, nozitoweza mu muwoko wakwe wo kulume, nazo zigwe hasi.