Hoseya 1:11 - Luganuzi Luswanu Kuli Wanhu Wose 2002

¹¹ I wanhu wa Yuda ne wanhu wa Isilayeli, wolokwilunza hamonga. Nawo wolokwihagulila weneco mulongola, na kanyhi, wolokonjelezeka no kumoteswa mu yisi yawo. Heya, lizuwa lya Yezeleli lyolowa yizuwa yiwaha muno!

Hoseya 1:11 Referans Kwoze

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.

Yelemiya 31:33

Ninga aluno, i cilagane cono nocinoza ne wanhu wa Isilayeli, cocino, Ane nolowutajila wulajilize wangu muli wene, niwandice mu zinhumbula zawo mugati. Nane nolowa Mulungu wawo, nawo wolowa wanhu wangu.

Walumi 11:15

Hambi hono yiwe u wulemwe wawo wukayiletela iyinze u wilamule no Mulungu, alu ho yowa wule mu cipango cono wovumililwa no Mulungu? Iwafu wolozuka!

Yelemiya 50:19

Hanyuma niwagomole wanhu wa Isilayeli ku yisi yawo. Nawo kolo wafika kuko, wowa kulya zindigwa za mwi'tunda lya Kalimeli, hamonga na za mu yisi ya Bashani. Nawo wowa kulya ndigwa yo yose du yono wosaka, yono yikulawa mu ma'si ga Efulayimu na Gileyadi.

Yelemiya 30:3

Hambi i vilo nha vyokuza vyono nolowaziza wanhu wangu Isilayeli na Yuda. Nolowagomola kanyhi ku yisi yono nawapela walezi wawo, nawo wayisole kanyhi, yiwe yisi yawo. Vyo nghutya, ane no Muwaha Mulungu.”

Zabuli 110:3

Nawo wanhu wako wokwilavya weneco, ko mutima muzelu, mwizuwa lyo kuwahoma no kuwasuma walugu wako. Nha vyono yinha buhe ya hakali mitondo, ale, nhavivyo ne wazelelo wako, nawo, vyo wolokuziza gwegwe, mu matunda gono gelile.

Yelemiya 30:7

Ninga lizuwa lyo wogofye likuza, hasina hamba lizuwa linji lyono lyolowa lihwanile ne lizuwa lilyo, lizuwa lyo wugaye we wanhu wangu, wo lulelo lwa Yakobo, ninga hamba nhavivyo, wolopona du.”

Yelemiya 30:21

No mutemi wawo, kololawilila mumo du mu nghungugo yawo. Na mono kolowatema, kolowa wa mu mhuga yawo weneco. Nane kolo nghumucema, nayo kolonyiziza. Hambi nha sikolokwijelela nyanyizize, lono nene nghali sinamucema yaye.

Yelemiya 32:37

Nowakongholeza wanhu wose, ku wulawa mu ma'si gose, kono naweyagaziza mwi'kuwo lyangu, niwagomole kanyhi hanhu baha, niwalece wekale bahano wapolile.

Ezekiyeli 39:25

U Muwaha Mulungu yakatya, “Ninga aluno hodu, nowawonela lusungu i wana wa Yakobo, i wanhu wa Isilayeli, niwamotye kanyhi. Hambi nha nghuliwonela wivu i litagwa lyangu lyono lyelile.

Hoseya 2:1

Holeka muwacemaje wandugu zenyu Waisilayeli “Ami” (Nhunizo yayo, “Wanhu wangu.”) Ne walumbu zenyu muwacemaje “Luhama.” (Nhunizo yayo, “Mono yawonelwa lusungu.”)