Hoseya 1:10 - Luganuzi Luswanu Kuli Wanhu Wose 2002

¹⁰ Ninga i wanhu wa Isilayeli wolowa wenji liwalo lyawo nho musawawa wa mwi'lenga, wono siwusumikaga ku wupimwe hamba ku wuwalwe. Aluno Mulungu yakuwatya, anye si muli wanhu wangu, ninga lizuwa likuza lyono mwene kolowatya, “Anye muli wana wo Mulungu mumi!”

Hoseya 1:10 Referans Kwoze

2 Wakolinto 6:18

Ane nowa Sogo yenyu, nanye mowa wanangu, we cilume na we cicekulu u Muwaha Mono u Mudaha Vyose, vyo yakutya.”

Yohana 1:12

Ninga wose wono wamubocela no kumwihuwila, yawapela i vilungo vyo kunozwa kuwa wana wo Mulungu.

Isaya 43:6

Noyilonjela mhelo ye sumuka yiwalece wawuce kuko, nayo mhelo ye takama yilece kuwemila yaye. Muwalekaje wanhu wangu wawuye hamonga ku wulawa mu ma'si go kutali, na mu yinze yose.

Hoseya 2:23

Nolowasikamya wanhu wangu mu'si, no kuwanoza wamoteswe. Nane nolomuwonela lusungu mono si yakuwonelwa lusungu, na kuli wawo wono wacemwaga si wanhu wangu, nolotya, “Anye muli wanhu wangu,” nawo wolomhitula watye, “Agwe yo gwegwe Mulungu wetu.”

Isaya 66:20

Nawo kolo wabita kuko, wowagomola kono kaya i wanyawusi wayenyu, ku wulawa mu makungugo, wawe nha cipegwa kuli'ne. Wowaleta sunga wawafise mwi'tunda lyangu lyono lyelile, mu Yelusalemi, wawapacize mu zifwalasi, na mu zinyumbu, na mu zingamiya, na wanji mu matuka go wulugu, na wanji mu magali go kukwegwa, nha vyono Waisilayeli waletaga mu viya vyono vyelile, i vilavywa vyo wusaje mu Nyumba yo Mulungu.

Mwamulizo 13:16

No lulelo lwako nowanoza wawe wenji muno muno kotya muhangha we yinze. Nha vyono muhangha si wosuma kuwalwa, ale, nhavivyo no lulelo lwako nalo, si losumika ku wuwalwe!

Hoseya 1:9

Muwaha Mulungu yakamutya Hoseya, “Mucemelaje litagwa lyakwe ‘Loami’ (Nhunizo yayo, ‘Si wanhu wangu.’) Ku soko wanhu wa Isilayeli, si wanhu wangu, nane si nili Mulungu wawo.”

Mwamulizo 22:17

holeka nane mbeka nokulugutiza, no lulelo lwako nolwinjifya luwe lwinji muno muno nhe zinyelezi za ku wulanga, na kanyhi luwe kotya nho muhangha wa mwi'lenga.

Wahebelaniya 11:12

Holeka mu wulawa mo munhu yuyo yumonga, Abulahamu hamba yawe yali yeza nha yafwiza, walelwa i wanhu wono si wakuwala, wenha i zinyelezi za ku wulanga no musawawa wa mwi'lenga.

Mwamulizo 32:12

Agwe yo gwegwe mono wanyihuwiza vyono konhendela ziswanu, kanyhi wukatya vyono kolwinjifya no lulelo lwangu luwe lwinji nho musawawa wa mwi'lenga wono siwuwalikaga ku soko yo winji wayo.”

Yelemiya 33:22

Kanyhi nolowonjeleza liwalo lya wo lulelo lwa Dawudi u mwitumami wangu, wawe wenji, hamonga ne liwalo lye wakohani wa mu lulelo lwa wo mulango wa Lawi, wawe wenji muno, sunga kuwe kukamu na ku wuwalwe, nha vyono zinha zinyelezi ku wulanga, hamba musawawa wa mwi'lenga.”

Isaya 48:19

Ne wanago wali wenjipe, wawe wenji nho musawawa, nane nali niwadime ho walece kongomezwa.”

Walumi 8:19

Hambi iviwumbwa vyose, nha vikulanjilila muno, u Mulungu yawalajile calinze iwanagwe.

Isaya 63:16

Hambi'gwe nha wuli sogo yetu. Sunga ne walezi wetu Abulahamu na Yakobo, si wacimanyile ase yaye. Ninga agwe go Muwaha Mulungu, agwe yo gwegwe sogo yetu. Yo gwegwe mono kuciponyaga nhondo zose.

Isaya 64:8

Ninga 'gwe go Muwaha Mulungu, agwe yo gwegwe du sogo yetu. Ase cihwanile lilongo, nagwe wihwanile u muwumbi we zinyungu. Agwe yo gwegwe mono waciwumba,

Isaya 65:1

Muwaha Mulungu yakutya, nhavi, “Ane nali niwikanize niwapitule wulombe wawo wanhu wangu, ninga nawo hamba si wakulomba yaye. Nali niwikanize wanondole wambone, ninga nawo hamba kujela bwete kunondola. Sunga ne likungugo nalyo lyono si lyasaka kunomba yaye, hamba niwe 'ne nali niwikanize nhondo zose niwapitule nitye, ‘Ane yone nili baha, nane nomutazenyi.’

Danyeli 6:26

Nene Daliyo, nghumulajilizenyi anye wose wa mu wutemi wangu, vyono wanhu wose, munojeye mumogope no kumupela cogopo Mulungu wa Danyeli. “Mwene yo Mulungu mumi, Mono kolotema cibitilila. No wutemi wakwe, siwulahodanjika yaye, ne vilungo vyakwe sivyoloduma yaye.

2 Samwili 7:24

Wukawanoza wawe wanhu wako cibitilila, nagwe go Muwaha Mulungu, wukawa Mulungu wawo.