Filemoni 1:13 - Luganuzi Luswanu Kuli Wanhu Wose 2002

¹³ Nali nyende Onesimo yajendelele kwikalana nane bahano, ho yanhaze njele yo gwegwe Filemoni, ku soko yo Luganuzi Luswanu, lono ane nghali nili mu cifungo.

I CILAGANE CIPYA 1991

¹³ Nali nyende yajendelele kwikalana nane bahano, ho yanhaze i hanhu hako ku soko yo Luganuzi Luswanu, lono ane nghali nili mu cifungo.

Filemoni 1:13 Referans Kwoze

Wafilipi 1:7

Na vyo yinojeye nimwihwesezenyi, hambi nha nghumukumbucilenyi nhondo zose mu nhumbula yangu. Hambi na nyenye wose, nha muhanjile na nene, mwi'hewa lyono yamhela u Mulungu ho nilutetele no kulukangaza u Luganuzi Luswanu, mwi'daha lili lono nili mu jela, na kanyhi sunga na bahalya ha lulongozi lono nali nghali nawopwa mu jela.

Waefeso 3:1

Ku soko yiyo holeka ane no Pawulo no muwopwa wa Kilisito Yesu ku soko ya nyenye mono si muli Wayahudi, nghumulomba u Mulungu.

1 Wakolinto 16:17

Nane nghusangalala muno muno so wuze wa Sitefano, Fotunata na Akayiko ku soko wakondya kuhomela uwanjile wono cali cina nawo lono anye muli hasina.

Filemoni 1:1

Ane yo nene Pawulo mono mbopigwe mu jela ku soko ya Kilisito Yesu, na Timoteyo ndugu yetu, cikukwandicila agwe Filemoni u mwendece wetu no mwitumami muyetu,

Wafilipi 2:30

vyono yali yeza kufwa so mulimo wa Kilisito, ho yasume kumhela u wutazi, wono anye si mwasuma kumhela.

Waefeso 4:1

Holeka ane mono nili muwopwa ku soko vyono nghumwitumamila u Muwaha, nghumunenenyi mwikalilaje mu mikalile yono yiwunojeye u lucemo lwenyu lono mwacemelwa.

Filemoni 1:10

Alu nina nghani monga du yono nghukulomba ku soko yo mwanangu Onesimo, u mwanangu muli Kilisito, hambi nha neza nili sogwe mono nimuleleye lono nili mu cifungo.

Filemoni 1:12

Alu nghumugomola u kwako, nayo yenha i nhumbula yangu nene no mweneco.