Danyeli 7:4 - Luganuzi Luswanu Kuli Wanhu Wose 2002

⁴ Lilongozi lyali linha simba, ninga lyali lina mabawa genha ga numba. Nane lono nalangaga, mabawa galyo, gakapunyulwa mazoya gayo. Lilimu lilyo likasimywa, likema kwe migulu yalyo myejete nha munhu. Likapegwa mutima nha wa munhu.

Danyeli 7:4 Referans Kwoze

Yelemiya 4:7

Hambi mono yapejigwe u mulimo wuwo wo kongomeza, nha yakondya kuwikanizwa, nayo yehwanile simba yono yikuza yikulawilila ha wihundiko wayo. Yakuza yayongomeze Yuda. Ne makaya gose ga Yuda gololekwa matongo, hasina hamba munhu monga mono kolokwikala mumo.

Ezekiyeli 17:3

ho wamanye vyono ane yo nene Muwaha Mulungu, mono nghuwalonjela vyono, baho katali, kwali na 'ndi mbaha, yono yali yina mazoya maswanu ku wulangwe, hamonga ne mabawa mawaha muno, gono gatandalaga hanhu hawaha. Ale, 'ndi yiyo, yaguluka yikabita sunga mu Matunda ga Lebanoni, na kuko, yikapanyula cisonje co mubici wo muhagata,

Matayo 24:28

Na kanyhi kuko kono kowuli u muvimba, kuko ne zindi ko zokwikongholela.”

Danyeli 4:36

“Na mwi'pango lilyo, mahala gangu gakambuyila kanyhi, hamonga ne lilumbo lyangu, no wutemi wangu, hamonga no lukumyo lo wutemi wangu, vyose vikambuyila. I wetumami wangu, hamonga ne wanhu we mahala wakambocela. Hobaho nghapegwa vilungo vyo wutemi, nawo wutemi wukawa ne vilungo ne lilumbo kuciza na ha mwamulizo.

Ezekiyeli 28:9

Alu wule, kojendelela du kwiyitya agwe wuli mulungu, sunga na baho lono weza kukuwulaga? Ninga wumanye nha vyono, agwe, kowa vyo wuli munhu du kuli mono yakukuwulaga, hamba si kowa nha wuli mulungu yaye.

Ezekiyeli 28:2

“Gwe go munhu, alu, wumulonjelaje u mutemi we yisi ya Tulo, zono ane no Muwaha Mulungu nghumulonjela nghutya nhavi, Alu nha vyono wukwikumya, no kwiwona mu nhumbula yako nha vyono agwe wuli mulungu. Nalu ti, vyono wukwiwona nha wuli mulungu, holeka wikaye mwi'goda lyo wutemi, mu ciligati ye lilenga. Heya, kosuma nhawule kwihwesa wuli mulungu, kumbe nagwe ho wuli munhu du, hamba si wuli mulungu yaye.

I Cililo 4:19

Nawo wono wacilondaga mu nyuma, wali wali musunho muno kuciza numba ya mu mwanya. Wakacityatya mu matunda, wakacisola, wakacitegula ku nyika.

Yelemiya 48:40

U Muwaha Mulungu yehuwiza nha vyono, likungugo lyolokuza, nalyo lyologuluka nha 'ndi, no kugoloza mabawa gayo mucanyha ya Mowabu.

Yelemiya 25:38

U Muwaha Mulungu, yawaleka i wanhu wakwe, nha vyono simba yiyilekaga mhango yayo. Ne yisi yawo yakondya kuwa nyika ku soko ya wogofywe wuwaha wo wulugu, hamonga no wukali we likuwo lyo Muwaha Mulungu.

Yelemiya 4:13

Ale, wulanje ta, i walugu wakuza wenji muno wenha mavunde. Ne magali gawo go wulugu, gehwanile libeho lyono likupilima-pilima, sunga ne zifwalasi zawo, zikumangha musunho muno muno kuciza 'ndi. Woyi hee! Alu langa cajilila! Alu ho cawona wusungu!

Zabuli 9:20

Gwe go Muwaha Mulungu wuwogofyaje makungugo, ho wamanye vyono wene, wanhu du.

Jobu 25:6

Alu waco, holeka munhu, mono yenha linyongololo, ling'onyo lilya? Ho kowa yena cambuzici ha meso go Mulungu?”

2 Samwili 1:23

“Sawuli na Yonazani wo wanhu wo wizine, kanyhi weyendile. Wali wali hamonga mu wumi, na mu wufwe, kanyhi wali wamanyhi kuciza Ndi, wali wali vilungo kuciza simba.”

Wukumbucize wo Wulajilize 28:49

Nayo Muwaha Mulungu, komuletelenyi likungugo ku wulawilila ku mhelo ye yinze, likungugo lyono hamba ne nonga yawo, anye si muyimanyile yaye. Ne wanhu wawo womuzizenyi nha numba.

Wugubule 13:2

Ne lilimu lilyo lyono nawona, lyali lihwanile nha suwi, ne migulu yalyo yikawa yihwanile nhe migulu ye dubu, no mulomo wukawa nha we simba. I lizoka li lilya, likalipela lilyo lilimu vilungo vyalyo, ne ligoda lyalyo lyo wutemi, hamonga no wuwaha winji.

Danyeli 7:5

Ne lilimu lye kejete, lyali linhe dubu. Nalyo lyali limile kwe migulu yalyo ya ku nyuma. Kanyhi likawa lilumile mafupa madatu ga mbavu mu meno galyo. Hanyuma likaza lizi likalitya, “Winuce wulye nyama nyinji nha vyono wukusuma.”

Yelemiya 49:19

Nane nolokuza niwanoze Waedomu wayitize nhinicizo yisi yawo, nha vyono simba yiswelepukaga nhinicizo, yikulawa mu mibici yono yititile muno, ya mu mwalambalo we likolongo lya Yoludani, mu wudimilo wono si wunyalaga. No mulongola mono nomuhagula nene, yuyo yo kololitema likungugo. Hambi nani lo mono yenha nene? Hamba nani lo mono konhemezezya madaha? Hamba mutemici mono kokwisumaniza nane?

Danyeli 2:38

Yakutemya agwe muli wanhu wose we zisi zose za mono yinze, hamonga ne vilimu vya mu mbago ne zindeje. Alu agwe, wo mutwe awulya we zahabu.

Danyeli 7:12

Nago agalya malimu ganji, gakawusizwa vilungo vyago. Ninga gakakombolwa gekale momi cidaha cono gali gatemezwe.