Danyeli 7:1 - Luganuzi Luswanu Kuli Wanhu Wose 2002

¹ Ale, mu mwaka mulongozi wono Belishaza yali yatemile ku Babiloni. Nalota ndoto, na mu ndoto yiyo, nghawona wugubulilwe mu cilo cico. Nane nghawa kuyandika ndoto yiyo,

Danyeli 7:1 Referans Kwoze

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.

Yoweli 2:28

“Yolowa hanyuma yayo, nolokwita zo muhe wangu muli wanhu wose, wana wenyu we cilume na we cicekulu wolowila ze nghani yangu, ne wakombi wenyu wololota ndoto, ne wazelelo wenyu nawo wolowona wugubulilwe.

Danyeli 5:1

Mwi'zuwa linji cinyamihe, Mutemi Belishaza yakawalalika wanhu we mahala elufu monga, wabite walye sikukuu mbaha, no kung'wa divayi hamonga nayo.

Danyeli 4:5

Na lono nali ngonile, nghalota ndoto, na mumo mu ndoto yangu, nghawona wugubulilwe wo kogofya muno.

Danyeli 1:17

Mulungu yakawapela wawo wazelelo wane wizuce wuwaha, hamonga no wumanya mahala, na mu wumanya kusoma no kwandika. Hamonga na zizo, Danyeli yakapegwa wizuce wo kulolosa zinhunizo ze zindoto no wugubulilwe we hayo hayo.

Yelemiya 23:28

U muwizi mono yena zindoto, yalonje ze zindoto zakwe du. Nayo muwizi mono yena i nghani yangu, yayilongaje nghani yangu ko wihuwilwa. Alo mawaje gena cambuzici, ho wugehwanicize no wuhemba?

Wugubule 1:19

Holeka, alu wuzandikaje zizi zose zono wukuziwona, zono zokwijela lulu, na zono zolokwijela hanyuma.

Habakuki 2:2

Nayo Muwaha Mulungu yakamhela lipitulo ali yakatya, “Ale, wandice calinze mu vibawo zono nghukugubulila, ho zisume kusomeka calinze.

Danyeli 7:15

No wugubulilwe wuwo wono nawuwona, wukanhinusa muno mu nhumbula yangu, nane nghagazika muno mu mutima wangu.

Danyeli 7:13

Na mu wugubulilwe wuwu ne cilo, nghawona cinhu cinji kanyhi cono cali cihwanile munhu. Nayo munhu yuyo yakawa kusejelela hali'ne, akuno yapilimwe ne mavunde. Hanyuma yakawa kubita kuli mono kekalaga mumi cibitilila, yakelajila kuli mwene.

Danyeli 2:1

Ale, mu mwaka we kejete wono Nebukadineza yali yakali mu wutemi wakwe, yalota ndoto. Ndoto yiyo yikamupela mahwele mawaha. Na mwi'zuwa lilyo, hamba si yasuma no kugona nhongo yaye.

Wuwale 12:6

Muwaha Mulungu yakawatya, “Alu, muhulice ta zono nghumulonjelenyi! Hono ho wali wawizi muli'nye, ane yo nene mono nghwilajila kuli wene mu nzila yo wugubulilwe, kanyhi nghulonganila nawo mu zindoto.

Mwamulizo 46:2

Nayo Mulungu yakalongana na Isilayeli ne cilo mu wugubulilwe, yakamucema yakutya, “Yakobo gwe! Yakobo!” Nayo Yakobo yakedika yakatya, “Ane hano.”

Wugubule 10:4

Na gago i mabalalusi mupunghati lono galongaga, ane nghasaka kuzandika. Ninga nghahulika lizi likulawa ku wulanga, likutya, “Izinghani zizo ze mabalalusi mupunghati, zo nghani za cinyele, holeka wulece kuzandika!”

2 Wakolinto 12:1

Mulece nilumbe, hamba yiwe si yinojeye. Ninga nolonga luno kuli zo wulajilwe no wugubulilwe vyono yamhela Muwaha.

Walumi 15:4

Hambi zose zono zandikwa, nha zandikwa ho zicijize ase, nase ho cituje witumbilo mu wukangalile, na mu wusindamice wono cikupegwa ne Mandiko gago Gono Gelile, ho ciwe no witumbilo.

Danyeli 8:1

Na mu mwaka we kadatu wo wutemi wa Belishaza, nghawona wugubulilwe wunji kanyhi.

Danyeli 7:7

Na lono nali nghali kanyhi nanjile, nghawona lilimu lye kane, lyali lina vilungo viwaha, lina wusume kanyhi lya kogofya. Nalyo lyali lina meno ga cuma, likalya no kubenanjiza, na vyono vyali visigaye likavikanyanjiza ne migulu yalyo. Nalyo lyali lisimajiye ne malimu mayagwe, kanyhi lyali lina mahembe yikumi.

Danyeli 5:30

Na mu cilo cico, Belishaza mutemi we Wababiloni yakawulagwa.

Danyeli 5:22

“Ninga lu, agwe nagwe go mwanagwe, hamba si wukwinyetya go mweneco, na kumbe nagwe ho wuzimanyile zizi zose.

Ezekiyeli 1:1

Ane mukohani Ezekiyeli mono nili mwana wa Buzi, nekalaga hamonga ne Wayahudi i wahamywa, he kolongo lya Kebali, mu yisi ya Babiloni. Ale, mwi'zuwa lye 'hano lya mu mwezi we kane, wa mu mwaka we makumi madatu, wulanga wukagubuka, nghagubulilwa no Mulungu.

Yelemiya 36:4

Ale du, nane nghawa kumucema Baluku u mwana wa Neli, nghawa kuzilonga zinghani zose hali mwene, zono Muwaha Mulungu yanonjelaga, akuno mwene nayo yakuzandika. Nayo Baluku, yakazandika zinghani zose mu kalatasi yiyo mhalinje ye ligolo-golo.

Yelemiya 27:7

Sunga ne makungugo gose golomwitumamila mweneco. Golomwitumamila sunga no mwanagwe, sunga no mwizukuluwe. Sunga kono vilaficila i vilo vyo wugwe we likungugo lyakwe, nalyo likungugo lyakwe ho lyolowetumamila i makungugo gono gali vilungo hamonga ne watemi wawaha.

Isaya 30:8

Mulungu yakanonjela nizandice mu citabu ze wanhu vyono wenha, ho hawe ne cikumbucizo ca nhondo zose cono cikulajila zo wubi wawo vyono zinha.

Isaya 8:1

Muwaha Mulungu yakanonjela yakatya, “Wusole mbawo ngazi wandice mumo helufi mbaha zono zikutya, ‘WUTECE MBELA MBELA, WUPUMHE MUSUNHO.’

Jobu 4:13

Yikawa nha wilimucilwe, yikanyaza ne zinhongo zangu.

Mwamulizo 15:1

Hanyuma ya zizi, u Muwaha Mulungu yakamulonjelela Abulamu mu wulawilwe yakatya, “Gwe Abulamu, wulece kogopa, ane nili ngula yako. Ne cipegwa cako cowa ciwaha kuciza!”

Yelemiya 36:32

Ale, nane Yelemiya nghawa kuyisola kanyhi kalatasi yinji mhalinje ye ligolo-golo, nghawa kumupela Baluku u mwandici wangu. Nayo yakawa kuzandika zinghani zose nha vyono namulonjelezaga nene. Yakazandika zinghani zose du kanyhi, nha vyono zali zinha mu kalatasi nongozi, hamonga no wityatye wayo we zinghani zayo, nha vyono namulonjelezaga nene.

Ezekiyeli 40:2

Na mu wugubulilwe wangu, u Mulungu yasola, yakanhegula ku yisi ya Isilayeli, yakambika ku cizuli ce litunda litali muno muno. Na ha mwande yangu nghawona makaya menji, gono gejelaga nhe kaya yiwaha.

Danyeli 2:26

Mutemi yakamutya Danyeli (Mono yacemwaga Beliteshaza). “Wudahile kunonjela ndoto yangu hamonga ne nhunizo yayo?”

Danyeli 4:13

“Na lono nali nghali ngonile nghwihwesa zo wugubulilwe wuwu, nghamuwona malayika yakutima yakulawilila ku wulanga, mono yali yewikanize so suguzi.